Luqaasi 1:17 - Kafa Linguistics Project

¹⁷ Biyoo ‘Doono Yeerich maddeya beddimmi aagetoon qanniibona’ getiree niheenaꞌo mulloon bushiisheenaꞌo waan, Yeerich deꞌa getaaneenaꞌonoo cadiqeenaꞌochi shalligoo waan wochoyich, Eliyaasi toommeexi ayaanoonaa giidoona bi toommooch kindaa, Doono aafooch shiichemmone” iye.

Luqaasi 1:17 ပူးပေါင်းရင်းမြစ်များ

1 Taateenaꞌo 17:1

Arooba Gilaadee showooch beeti, Tishibee asho Eliyaasi Akaabich “Biich ta maddaabeeti, beeyechi Israꞌeelee Nuggishoo Doono Yeeri beege! Amiyo dihemmoyich ta gettemmi wottoon, waabeeti natinaꞌooch amiyo woyee doshoo (caagibano) beetaachemmone” iye.

1 Taateenaꞌo 18:18

Eliyaasi wochiꞌi, “Israꞌeeleenaꞌon duꞌiyaabeeto, neennaa ne nihoochi kechi asheenaꞌonani, ta toono taane. Doono Yeerichi getoon qajjiyote; Baꞌaaleenaꞌonoo dabbiyote.

1 Taateenaꞌo 21:20

Akaabi Eliyaasin beeggiꞌi, “Ta ettoocho, batt taan danenne?” iye. Eliyaasiyoo biich wochiꞌi ishichiye: “Eeha, Doono Yeeri aafooch gonde shuunoon shuunoyich ne qelloon kemmeto ne tunetoyich, neen daneto taane.

2 Taateenaꞌo 1:16

Aroochee taatoyich, “Doono Yeeri ishichiye: ‘Eqirooni katemee nuggishoo Baꞌaal Zebuubin echii waayoyich wocheyechinaꞌon ne daachiito, Israꞌeelee showooch Nuggishoo aalletenane? Ebin ne tuniitoyich, ne qeyeti qeenoochee tiyaachemmo neene. Iberoochaa qitemmo neene’ itone” iye.

1 Kiinoo 29:18

No qaabbechi Abrahami, Yisaaqinaa Israꞌeelinochi Nuggishoo Doono Yeero, ebi gaboo bulli yemeenoon ne asheenaꞌo mullooch bi beeyemmon tuniibe; boonoshi mulloonoo ne waan wochibe.

2 Kiinoo 29:36

Hiziqiyaasinaa asheenaꞌo bullina, mooyo bulli ebiyoommon kaateree bi qannemmoyich Doono Yeeri boonoshin bi gaachetoyich emiriyeete.

Shoddo 10:17

Doono Yeero, boonoshi qelloon giishiitinaꞌochi qolloon waayehine; ne waamon gaꞌiyaa waayaꞌa boonoshi mulloon kupphiihine.

Shoddo 111:10

Ariyoo bulliyee shiichoo Doono Yeerin shatone; biin shattii beetinaꞌo gaawe shalligechinaꞌone; biyoo bulli yemeenoon galletee beeyemmone.

Shoddo 78:8

Boonoshi qaabbechinaꞌochi shiijjeroochoommon, babbereenaꞌo, hukkechinaꞌo, kaameyaani mullechinaꞌo, Yeerichoo gibeneyaani ayaanechinaꞌo, tuneyaachemminaꞌone.

Isiyaasi 29:24

Ayaanoona muriccitinaꞌo shalligemminaꞌone; guruuxii beetinaꞌo dojjoyich deꞌa gettemminaꞌone” iye.

Amootsi 4:12

“Israꞌeeleenaꞌote, ittoshin naxeya ii beeto taane; ittoshin naxeya ta ii beetoyich, ittoshi Nuggishoo taanna daneya qannibote” iye.

Maatiyoosi 11:14

Illa boonoshi gettiton deꞌoyich ittoshi shunigaata, are ‘Woyemmone’ getteeti Eliyaasi, ebiyoche, Yowannisine.

Maatiyoosi 3:3

Keemechi Isiyaasina: “ ‘Doonochi gommon qanniibote; bi woretoonoo kaachi qaxxebote’ iibee barahoochaa cookiibeeti ashi qaaro” getteeto hinine.

Maatiyoosi 3:4

Yowannisi gaalechi eexoochee shippeti tahoon tahee beehe; wotta gooqqoochee shuuneeti shachoon cuyee beehe; bi maayoo gechoonaa bobbiyee eeyonane.

Luqaasi 1:16

Israꞌeelee yoodoochee meetinaꞌon boonoshi Doono waan wochemmone.

Luqaasi 1:76

“Wotta hini gaggeroocho, Doonochi gommon qaxxeya bi aafooch shiichemmo ne tunetoyich, Beshoo Yeerichi keemecho getteyemmo neene;

Yowannisi 1:13

Yeerichi bushiishoo boonoshi tuneto, Yeer waanee boonoshi shiijjoonalli, ashi yaroochee woyee ashi qaatoochee woyee anaamochi gaboochee shiijjoona toonoone.

Yowannisi 1:34

Tawoo ebin ta aafoona beeggeto taane; biyoo Yeerichi Bushoo bi tunoon miixeto taane” iye.

Yowannisi 3:28

‘Kiristoosi toono taane; tunebaani biyee shiichii wocheeto taane’ iyaꞌa ta getoyich ta miixoo ittoshine.

Mishiraachechinaꞌo 10:33

Ebich bekkech ashoon ne waan wochehoye; andoo ne womo gaawetone. Illa Doono neech gettito bullin ne waanee waayoyich no bulli ebiyoche, Yeeri aafooch kiceeto noone” iye.

Roomi 9:23

Bi oogee yiiroochee boonoshi qoodeyemmoyich shiichiꞌi bi qanniiti, bi ariqqeti qiiceenaꞌo toommooch worganikkiti bi oogee yiiroon bekkiiya shunniye.

2 Ximootiyoosi 2:21

Illa asho koniyoona ebi gonde mooyinaꞌoochee bi qelloon bi xalliigaata, aaxxe qiicoon tunemmone; bi Doonoyich diireeꞌi bi Doono biinna shuun bedo, gaawe shuunoo bullich qanniti qiicoon tunemmone.

1 Pheexiroosi 2:9

Tunetaa manderoochee keyiree worganikkiti bi bekkooch ittoshi giyemmoyich, ittoshin ceeggiti Yeerichi deꞌittinoon ittoshi gettemmoyich, kaacheti shiijjeroo, taatoo Yeerich maddeebeeti qeeshoo, yaafeeti aagetoo, bi hajjoo tuneti yoodo ittoshine.

1 Yowannisi 2:28

Andoo ta shuni bushiisheenaꞌote! Kiristoosin no beegiyooba no shataachemmoyich, bi waahooba bi aafooch no yeelleyaachemmoyich, biinna tookkii ittoshich beeti ikkittinoona manjiree beebote.

Yaaꞌoo 20:4

Aroochee daakkaꞌa taatee qeeninaꞌon beeggeho. Aree toommooch kotetinaꞌoyich nallee hakkoo ichehe; Yesuusi miixeti iberoonaa Yeerichi qaaroonon boonoshi gettitoyich boonoshi qettoon kucheti asheenaꞌochi kashoon beeggeho. Cooxonaa bi shahalloonoyich goyinneyaaneenaꞌone; cooxochi malletoon boonoshi barooch woyee boonoshi kishooch gedaaneenaꞌone. Boonoshiyoo kashecho tuneꞌi Kiristoosina tookkii hume naton taateheete.

1 Saameeli 7:5

Saameeliyoo Israꞌeeleenaꞌo bullich wocheꞌi, “Mitsiphi katemooch kiceebote; tawoo aroochaa ittoshich Doono Yeerin qollemmo taane” iye.