6 Aroochee Muusi Harooninaa bi anaami bushiishoonon deebiꞌi, aacon boonoshi machemmoyich tuniihe.
Doono Yeero, ta xallittinoon bekkiyoyich, ta kishoon machemmo taane. Ne deejjee gudoonoo guudibee,
Ta gondo bullin maye; ta axaaxoochee taan xalliibe.
Hisoophee michi waamona ta toommooch wucibe; tawoo xallemmo taane; taan maye; tawoo baderoyee beshoon naccemmo taane.
Aroochee Harooninaa bi anaami bushiisheenaꞌonon danee duukkaanee kellooch daamiree, boonoshi qeddoon maye.
Harooninaa bi anaami bushiisheenaꞌona ebi gafetooch beeti aacoochee kitiree, boonoshi kishoonaa boonoshi baatoonon machebeete.
Danee duukkaanooch boonoshi giyimmi aabo bullin woyee Doono Yeeri taach, qaaqqoona micciibeeti deejjoon giddiyoona maddoyich deejjee gudooch boonoshi giddemmi aabo bullin, boonoshi qitaachemmoyich, ebi aacona machebeete.
“Aroochee Harooninaa bi anaami bushiisheenaꞌonon danee duukkaanee kellooch deebiree, boonoshi achoon aacona maye.
Macheree ittoshi qelloon xalliibote; ittoshi gonde shuunoon ta aafoochee wokkiibote; gondoon shuunoon qayote.
Xalle aacon ittoshi toommooch wucemmo taane; ittoshiyoo xallemmo ittoshine; ittoshi eeꞌo bulliichee, ittoshi shahalloocheenoo ittoshin xalliyemmo taane.
Yaafe Xaaꞌeexi Yaafooch bi gimoyee shiichiree, muttee tuppoochee shippeti, yaafeeti taheenaꞌon tahebe. Biyoo yaafeeti qamisoon tahebe; shuroon eddebe; buroon cuyebe; bi qelloochoo caacoon caace. Bi qeddoon macheree ebi taheenaꞌo bullin tahebe.
Biyoo asheenaꞌoyich “Ebi ta tuniiya ii beeto, bi tunemmoyich Doono Yeeri gettiti mooyone” iye.
“Ebiyooba Daawitichi kechi asheenaꞌonaa Yerusaalemi asheenaꞌonon axaaxoonaa eeꞌoonoochee xalliyemmi aachi xuupho qecheyemmone” iye.
Ebiyee aaf ittoshi daggoochee ikkikkeenaꞌo eboshiyoomminaꞌone; tunebaani and ittoshi Doono Yesuus Kiristoosinaa no Nuggishoochi Yaafe Ayaanoona axaaxoochee macheto ittoshine; yaafeeto ittoshine; cadiqiinoo ito ittoshine.
Kiristoosi bi kashoon kittinnee guuphoyich beshiiꞌi bi immito, aacona machii, bi gettiti mishiraachee qaaroona xalliiꞌi yaafoyichiye.
no shuuneti axaaxoo no toommooch deebiibeeti mullee ittibatoochee xalloyich no mulloon wuceeree, no ashittinoon xalle aacona macheree, ibere mulloona Yeeri toommooch manjiti mullee tooꞌiyoona bi waan giddebone.
Ebiyoo, eboshi Yeeri bullin bi andiriimmi yemeenee wottoon tuneebeeti maayoonaa uyoonochi doyoo, baribare xallittinee doyoo tuneebeeti, maach bekkeebeeti ashittinee doyeenaꞌo baach boonoshi tunetoyichiye.
Tawoo wochaꞌa biich “Ta doonocho, neene ariibeeto” iyo. Taach ishichiye: “Eboshi magge xuuxoochee waatinaꞌone; boonoshi tahoonoo Bagoochi damoona machiꞌi naccoo tuniitinaꞌone.