Leweenaꞌo 8:23 - Kafa Linguistics Project

²³ Muusiyoo ebi bagee baaddoon guuriye. Damoochee giishechoon daammiꞌi, Haroonichi qanne waajji dechi caappooch, bi qanne kishee indechoonaa bi qanne baatee indechoonooch huuttiye.

Leweenaꞌo 8:23 ပူးပေါင်းရင်းမြစ်များ

Keyo 29:20

Ebi bagee baaddoon guuribe. Damoochee daamiree, Harooninaa bi anaami bushiisheenaꞌonochi qanne waajji dechi caappooch, boonoshi qanne kishee indechoonaa boonoshi qanne baatee indechoonooch huute. Aroochee echeti damoon deejjee gudee guudoona awudde gocooch tibibe.

Keyo 29:21

Deejjee gudee toommooch beeti, echeti damoonaa huutee zayitoonoochee daamiree, Harooninaa bi tahoonooch, ebiyoommon bi anaami bushiisheenaꞌonaa boonoshi tahoonooch wucibe. Ebina Harooninaa bi anaami bushiisheenaꞌona, wotta boonoshi tahoo yaafeeto tunemmone.

Leweenaꞌo 14:14

Qeeshoo ebi xuꞌoyich deejjeebeeti bagee baaddoochi damoochee giishechoon daamiree, xalleebeeti uroochi qanne waajji dechi caappooch, bi qanne kishee indechoonaa bi qanne baatee indechoonooch huute.

Leweenaꞌo 14:17

Bi kishooch echeti zayitoon daamiree, xalleebeeti uroochi qanne waajji dechi caappooch, bi qanne kishee indechoonaa bi qanne baatee indechoonooch, xuꞌee deejjee damoon bi huuttiti xaaꞌooch huute.

Leweenaꞌo 14:25

Ebi xuꞌee deejjoyich giddeti bagee baaddoon guuri, damoochee giishechoon daamiree, xalleebeeti uroochi qanne waajji dechi caappooch, bi qanne kishee indechoonaa bi qanne baatee indechoonooch huute.

Leweenaꞌo 14:28

Bi kishooch beeti zayitoochee giishechoon daamiree, xalleebeeti uroochi qanne waajji dechi caappooch, bi qanne kishee indechoonaa bi qanne baatee indechoonooch, ebiyoo xuꞌee deejjee damoon bi huuttiti xaaꞌooch huute.

Leweenaꞌo 7:37

Illa micciibeeti deejjeechi, maayi buureechi, axaaxee deejjeechi, xuꞌee deejjeechi, yaafee kexooch shuunoyich bareechi deejjoonaa ikkittinee deejjoonochi qocoo ebine.

Roomi 12:1

Illa ta maneenaꞌote! Ittoshi ashittinoon Yeerin emirikkiibeeto, yaafoonaa kashechi deejjoonon tuniiree biich ittoshi giddiyemmoyich Yeerichi ariqqoona ittoshin qollehoye; ebiyoo Yeerich ittoshi goyinnemmi tunibede gommone.

Roomi 6:13

Qitoochee tiyiꞌi kashechon tuneꞌi beetoommon, ittoshi qelloon Yeerich giddiibote. Ittoshi ashittinee quumo bullin cadiqee ginee qiicoon tuniiree Yeerich giddiibotalli, xumme mooyon ittoshin bi shuuniyemmoyich, ittoshi ashittinee quumoon ginee qiicoon tuniiree axaaxoyich giddiyaahote.

Roomi 6:19

Asho ittoshi tunoonaa ittoshi shalligee shappee naboona ashi doyee yibbaatoommon gettoye. Wonna ittoshi ashittinee quumeenaꞌo hukkoon boonoshi shuunemmoyich eeꞌoonaa hukkoonoyich guunon tuniiꞌi ittoshi giddiitoommon, ebiyoommon and ittoshi ashittinee quumeenaꞌo Yeerich yaafeetinaꞌo boonoshi tunetoyich, cadiqoyich hajjeebeeti guunon tuniiree giddiibote.

1 Qorontoosi 1:2

Qorontoos beeti Yeerichi kittinnee guuphoyich, Kiristoos Yesuusina Yeeri yaafitinaꞌonoyich, wotta noonnaa boonoshinoyich Doono tuneti no Doono Yesuus Kiristoosichi shigoon xaaꞌoo bullichaa ceeggii beetinaꞌo bullina tookkii yaafeenaꞌo tunoyich ceekketinaꞌoyich:

1 Qorontoosi 1:30

Tunebaani Yeeri ittoshin Kiristoos Yesuusina tookkii ikkochitone; ebich Yeeri biin nooch shalligoo, cadiqoo, yaafoonaa biishechona tuniitone.

Filipphisiyoosi 1:20

Kashoona ta beemo Kiristoosichiye; ta qitenoo gaacechi mooyone. Ebich kashoona ta beetaa woyee ta qititaa, ikke mooyonona yeelleyaanoon aafoon kupphaꞌa gettaabee ebiyee aafichoommon andoo wotta ta tuniyaabeeti mooyo bullina Kiristoosin oogiyoo ta qaatoonaa ta gibenoonane.

Filipphisiyoosi 2:17

Illa gibenoona ittoshi giddiibeeti deejjoonaa maddoonochi toommooch uyee deejjoon tunaꞌa ta deejjeeto gaatoona emiriyoye; ittoshina tookkaa emirito taane.

1 Tasaloonqi 5:22

Gonde mooyo bulliichee wohote.

Hibireena'o 2:10

Bulli mooyon halliti, bulli mooyo biich beeti Yeeri meeti bushiisheenaꞌon oogee yiirooch deeboyich, boonoshi wodee shimbo tuneti Yesuusin xuuxoon beegona beddito bi tunemmoyich bi tuniyoo tatoone.

Hibireena'o 5:8

Amoommon Yeerichi Bushoo bi tunetaanoona, bi toommooch shaggiti qaaꞌi mooyona Yeeri tuniibe iti mooyo bullin tuniyoon doyiye.