Leweenaꞌo 7:35 - Kafa Linguistics Project

³⁵ “ ‘Doono Yeeri taach maddeya qeesheenaꞌo tuneꞌi boonoshi ukkireti aaboochee tiijjiree, qaaqqooch michaa Doono Yeeri taach giddeebeeti deejjoochee Harooninaa bi anaami bushiisheenaꞌonoyich icheti boonoshi qoodoo ebine.

Leweenaꞌo 7:35 ပူးပေါင်းရင်းမြစ်များ

Keyo 28:1

“Qeesheenaꞌo tuneree taach boonoshi maddemmoyich, Israꞌeeleenaꞌo daggoochee ne manoo Haroonin, bi anaami bushiisheenaꞌo Nadaabin, Abiihin, Elazaarinaa Itamaarinon ne waan boonoshi giddemmoyich tuniibe.

Keyo 29:1

“Harooninaa bi anaami bushiisheenaꞌona qeesheenaꞌo tuneree taach boonoshi maddemmoyich, bariiꞌi yaafoyich ne tuniyemmo ebine: Bachaallo tuneti ikke wuronaa gutte bagee baaddoonon deebe.

Keyo 29:21

Deejjee gudee toommooch beeti, echeti damoonaa huutee zayitoonoochee daamiree, Harooninaa bi tahoonooch, ebiyoommon bi anaami bushiisheenaꞌonaa boonoshi tahoonooch wucibe. Ebina Harooninaa bi anaami bushiisheenaꞌona, wotta boonoshi tahoo yaafeeto tunemmone.

Keyo 29:7

Huutee zayitoon daamiree, ta shuunoyich bi baremmoyich bi shimbooch ukkiree huute.

Isiyaasi 10:27

Arooba boonoshi shaago ittoshi gogoochee, boonoshi waanjoo ittoshi qettoochee kindemmone. Ittoshi aangoochee tiyitona bi waanjoo tiishemmone.

Isiyaasi 61:1

Nuggishoo Doono Yeerichi Ayaano ta toommoochiye; neexaa hajjeetinaꞌoyich mishiraachoon ta gettemmoyich, Doono Yeeri taan huuttitone; boonoshi mullo tiishetinaꞌon ta guuccemmoyich, keccetinaꞌoyich gawukkeyoon, cuchetinaꞌoyich biicheyoon ta awaajjemmoyich taan deejjitone.

Leweenaꞌo 8:30

Aroochee Muusi huutee zayitoonaa deejjee gudee toommooch beeti, echeti damoonoochee giishechoon daammiꞌi Harooninaa bi tahoonooch, ebiyoommon bi anaami bushiishoonaa boonoshi tahoonooch wuciye. Ebina Harooninaa bi tahoonon, wotta bi anaami bushiishoonaa boonoshi tahoonon yaafiye.

Yowannisi 3:34

Yeeri bi Ayaanoon bi immiibeeto qeelleꞌi tuno bi qajjitoyich, Yeeri wocheto, Yeerichi wochoon gettii beetone.

2 Qorontoosi 1:21

Kiristoosina, ittoshina tookkii noon kupphii beetonaa biich no maddemmoyich noon huuttitona Yeerine.

1 Yowannisi 2:20

Tunetaa ittoshi Yaafoo waanee huutoon deqqito ittoshine; ebich ittoshi bulli iberoon ariibeeto ittoshine.

1 Yowannisi 2:27

Tunebaani Kiristoos waanee ittoshi deqqiti huuto ittoshina tookkii beetone. Biyoo bulli mooyon ittoshich bi dojjii beetoyich, bare asho ittoshich dojjoo qaawiyaache. Aroo ittoshich bi dojjiibeeto iberoonalli kootoon toonoone. Illa bi ittoshich dojjitoommon Kiristoosina tookkii ittoshich beeti ikkittinoona manjiree beebote.

1 Saameeli 2:28

Ta qeeshoo bi tunemmoyich, ta deejjee gudooch bi giddemmoyich, ixaanoon taach bi shookkemmoyich, ta aafoochoo efoodoon bi tahemmoyich, Israꞌeelee yoodeenaꞌo bulli daggoochee biin kaaccoye. Wotta Israꞌeeleenaꞌo taach deejjiibeeti deejjoo bulliichee qoodoo bi kechi asheenaꞌoyich bi beeyemmoyich tuniihoye.