Leweenaꞌo 7:18 - Kafa Linguistics Project

¹⁸ Ikkittinee deejjoochee bi sharittich qeyito bi manjegaata, Doono Yeeri ta ebi deejjoon deꞌaachemmo taane. Eeꞌo bi tunetoyich deejjoon giddiiti ashich amoonolla gaacaachemmone. Ebi aroochee maati asho bi shuuneti axaaxoyich echeyemmone.

Leweenaꞌo 7:18 ပူးပေါင်းရင်းမြစ်များ

Shaahiyoo 15:8

Gondeenaꞌochi deejjoo Doono Yeeri aafoochaa ciigeetone; tunebaani kaameenaꞌochi corooto biin emirikkiye.

Isiyaasi 65:4

Maashooch kotee beetinaꞌo, qere xaaꞌooch xumoon beshii beetinaꞌo, gudichi meenon maa beetinaꞌo, boonoshi qiicooch eeꞌe meechi cabboon geddiibeeti asheenaꞌone.

Isiyaasi 66:3

“Taach gattoon guuriibeeto ashoon guurii beetoommone; bagee baaddoon deejjiibeeto kunaanee qettoon qimii beetoommone; maayi buuroon giddiibeeto gudichi damoon giddii beetoommone; shalligichee ixaanoon shookkiibeeto shahalloon galletee beetoommone. Eboshi boonoshi hajjee gommon kaacona boonoshi eeꞌe mooyona emiriyeete.

Erimiyaasi 14:10

Doono Yeeri ebi asheenaꞌoyich ishichii beetone: “Yallyallimoon shunnitinaꞌone; boonoshi baatoon yeshaaneenaꞌone; ebich Doono Yeeri ta boonoshina emiraachemmo taane; boonoshi xuꞌoonoo and gabemmo taane; boonoshi axaaxoonoo naxemmo taane” iye.

Erimiyaasi 14:12

coomii boonoshi corootitaanona waayeyaachemmo taane; micciibeeti deejjoonaa maayi buuroonon boonoshi giddiiteenolla boonoshi waanee deꞌaachemmo taane; tunebaani goraadoona, shaacoona, biiyoonoo boonoshin aalliyemmo taane” iye.

Hiziqeeli 18:20

Axaaxoon shuuneto aroo qitemmone; bushoo bi nihoochi axaaxoyich naxeyaachemmone; nihoo bi bushoochi axaaxoyich naxeyaachemmone; cadiqo bi cadiqittinee gaacoon danemmone; axaaxechoo bi axaaxoyich naxeyemmone.

Hosee'i 8:13

Deejjoon taach giddii beetinaꞌone; deejjee meenonoo maa beetinaꞌone; tunebaani Doono Yeeri ta, boonoshina emiraano taane. And boonoshi xuꞌoon shalligiree, boonoshin sheeremmo taane; Gibitsoo wottemminaꞌone.

Leweenaꞌo 10:17

“Ebi axaaxee deejjoon yaafoo tuneti xaaꞌoochaa amoyich maataachote? Ebi deejjoo oogeti yaafoone. Asheenaꞌochi axaaxoon shaagiree Doono Yeeri aafoochaa boonoshich maaroon ittoshi daniyemmoyich ittoshich ichetone.

Leweenaꞌo 10:19

Harooniyoo Muusich ishichiye: “Ebi axaaxee deejjoon hanaach ta maato gaata, Doono Yeeri aafoochaa tato tuneshe? Asheenaꞌo hanaach axaaxee deejjoonaa micciibeeti deejjoonon Doono Yeeri aafooch deebitinaꞌone. Tunebaani ebiyoommi magge mooyo ta toommooch shaggitone” iye.

Leweenaꞌo 11:41

“ ‘Showoona yuummiibeeti mooyo amolla ittoshich eeꞌoone; manjeyaachemmone.

Leweenaꞌo 17:16

Bi tahoon bi mayo qayigaata, bi qeddoonoo machoo bi qayigaata, bi shuuneti axaaxoyich echeyemmone’ itone gete” iye.

Leweenaꞌo 19:5

“ ‘Ikkittinee deejjoon taach ittoshi deejjii beegaata, ebi ittoshi deejjoon ta deqqemmon tuniiree deejjibote.

Leweenaꞌo 20:17

“ ‘Ikke asho, bi nihoochi bushee woyee bi indeechi bushee tuneti bi maneen bi shaagigaata, ebi yeelliiti mooyone. Kiceeti asheenaꞌo ciini beetaa, boonoshi asheenaꞌo daggoochee kichaa yookkebeete. Bi maneen bi qeyitoyich, bi naboyich echeyemmo koniyoona aalloone.

Leweenaꞌo 20:19

“ ‘Ne indee maneen woyee ne nihoo maneen qeyaahine. Ebi xibittinoon qallayoo bi tunetoyich, ebin tuniimminaꞌo boonoshi shuuneti axaaxoyich echeyemminaꞌone.

Leweenaꞌo 22:23

Bi baatoo oogeti genjoo woyee qamini dungo tuneti wuron woyee bagoon woyee emmishoon mullee daaggoona giddeebeeti deejjoyich giddiyoon hakkiyote; tunebaani tiikkeshoyich bi tunegaata, Doono Yeeri ta ebin deꞌaachemmo taane.

Leweenaꞌo 22:25

Israꞌeeleenaꞌo tuneyaaneenaꞌo waanee waati ebiyoommi gijjoon Doono Yeeri taach maayi buuroommon tuniiree giddiyaahote. Qicheto bi tunetoyich, bache mooyo bi achooch beetone; Doono Yeeri ta, ebin deꞌaachemmo taane’ itone gete” iye.

Leweenaꞌo 5:17

“Ikke asho diqqoona axaaxoon bi shuunegaata, Doono Yeeri ta, tuniyaahote iti mooyo amoonolla bi tuniigaata, xuqqitone; bi shuuneti axaaxoyichoo echeyemmone.

Leweenaꞌo 7:19

Ebi meeno eeꞌe mooyona tookkii daneto bi tunegaata, qaaqqooch gokkebani manjeyaaye. “ ‘Xalloo tuneti asho bulli ebi deejjee meenon mamon hakkiye.

Amootsi 5:22

Micciibeeti deejjoonaa maayi buuroonon taach ittoshi giddiitaa, deꞌaachemmo taane. Ikkittinee deejjoyich awujjiti gijjoon ittoshi giddiiteenolla guudi beegaachemmo taane.

Milikiyaasi 1:10

“Ta deejjee gudooch duube qaaqqoon ittoshi shoohaachemmoyich yaafee kechi shaaqqoon hiccemmi asho ittoshi daggoocheenoo daneba! Ittoshina emiraano taane; deejjoonoo ittoshi kishoochee deꞌaachemmo taane” iye Beshe Mawe Doono Yeeri.

Milikiyaasi 1:13

‘Ebi shewiiti mooyone’ iibee hoxehote. Bogaa waaton, baata sheqqe gijjoonaa biiyechi gijjoonon deejjoo tuniiꞌi giddiihote. Iberoochaa ebin ittoshi kishoochee deqqehote?” iye Beshe Mawe Doono Yeeri.

Haddoo 18:27

Ebi ittoshi wojjoo bucheebeeti maayoochee woyee hiicheebeeti woyinoochee giddee beetoommon tuniitaa ittoshich haddeyemmone.

Luqaasi 16:15

Ebich Yesuusi boonoshich ishichiye: “Asheenaꞌo ittoshin beegiree, ‘Am shaahe cadiqeenaꞌone’ geton shunniibeeto ittoshine; tunebaani Yeeri ittoshi mullee gaboon arii beetone. Ashi gaboochaa oogetone getteebeeti mooyon Yeeri ciigemmone.

Roomi 4:11

Dokireyaan beebee, mulloon Yeeri toommooch bi tooꞌitoyich cadiqoon danehe. Aroyee gubboo bi dokireyoo bi cadiqoon miixeebeeti malletoo tunehe. Ebich boonoshiyoo wotta cadiqeenaꞌo tuneree boonoshi haddeyemmoyich, dokireyaanoon mulloon Yeeri toommooch tooꞌii beetinaꞌo bullich nihoone.

Hibireena'o 9:28

Ebiyoommon Kiristoosi wotta meetinaꞌochi axaaxoon shaagga ikke wottoon bi qelloon deejjoo tuniiꞌi bi giddiitoyee gubb, axaaxoon shaagoyich tuneyaanoon, biin quyee beetinaꞌon wodiyoyich, boonoshicha getiree guttinnoon woyemmone.

1 Pheexiroosi 2:24

Axaaxoyich qitiree cadiqee shuunoon shuunebee no beeyemmoyich, bi qelloona bi meenona michi toommooch yooddeꞌi no axaaxoon shaaggiye; yexxeꞌi bi mayetoyich, wodito ittoshine.