Leweenaꞌo 7:16 - Kafa Linguistics Project

¹⁶ “ ‘Ebi deejjoo tiikkeshoo woyee mullee daaggoona giddeebeeto bi tunegaata, deejjoo giddehooba manjebe; echeto bi beegaata, bi dechara manjebe.

Leweenaꞌo 7:16 ပူးပေါင်းရင်းမြစ်များ

Shoddo 116:14

Bi asho bulli aafoochaa ta tiikkeshoon Doono Yeerich giddiyemmo taane.

Shoddo 116:18

Bi asho bulli aafoochaa ta tiikkeshoon Doono Yeerich giddiyemmo taane.

Shoddo 66:13

Micciibeeti deejjoon yeshiree ne kexooch woyemmo taane; ta tiikkeshoonoo ceechemmo taane.

Keyo 35:29

Doono Yeeri Muusina bi gettiti shuunoyich tunemmi mooyo amoonolla imoyich boonoshi mullo tiyiti Israꞌeeleenaꞌo bulli, anaaminaꞌonaa maacheenaꞌona, mullee daaggoona Doono Yeerich wojjoon deebiyeete.

Shaahiyoo 7:14

“Deejjoon giddiiyeshi ta aahee, hanaach ta tiikkeshoon ceechiti taane.

Hiziqeeli 46:12

Iraashoo bi daaggoona bi giddiibeeti deejjoon, micciibeeti deejjoon woyee bi daaggoona Doono Yeerich bi giddiibeeti ikkittinee deejjoon bi giddii beegaata, aabi-keyo waan wotteti kello biich qecheebe; shambetooba bi tunii beetoommon, micciibeeti deejjoonaa ikkittinee deejjoonon giddiibe; aroochee maach keye; bi kechitoyee gubb, kello hichebe.

Leweenaꞌo 22:23

Bi baatoo oogeti genjoo woyee qamini dungo tuneti wuron woyee bagoon woyee emmishoon mullee daaggoona giddeebeeti deejjoyich giddiyoon hakkiyote; tunebaani tiikkeshoyich bi tunegaata, Doono Yeeri ta ebin deꞌaachemmo taane.

Leweenaꞌo 22:29

“Doono Yeeri taach galletee deejjoon ittoshi deejjii beegaata, ebi deejjoon ta deqqemmoommon tuniiree deejjibote.

Leweenaꞌo 23:38

Ebi baareenaꞌo Doono Yeeri ta shambetoyee, ittoshi immemmi wojjoyee, ittoshi giddiyemmi tiikkeshoyee, mullee daaggoona Doono Yeeri taach ittoshi immiibeeti mooyo bulliyee bareenaꞌone.

Naahoomi 1:15

Illa ebiyoche, mishiraachoon gettecho, diggee woroonoo awaajjecho, guudi toommooch shaggitone; Yihudee asheenaꞌote, baaroon baaribote; ittoshi mookketon Yeerich imbote. Gonde asheenaꞌo ciroona hidaa aalletinaꞌone; illa ittoshi showoon kocha wochinnoon waataachemminaꞌone.

Haddoo 15:3

ittoshi tiikkeshoon woyee mullee daaggee wojjoon woyee baaroobee wojjoon Doono Yeeri taach gaawe cinnecho tunii giddiyoyich miimoochee woyee bageenaꞌoochee qaaqqoona micciibeeti deejjoon woyee bare deejjoon ittoshi giddii beegaata,

Yibbaatoo 12:11

Ittoshi Nuggishoo Doono Yeeri biich ittoshi goyinnemmoyich bi kaaccemmi are xaaꞌooch, ittoshich ta getteti mooyinaꞌo bullin deebote. Ebiyoo micciibeeti ittoshi deejjoonaa bare ittoshi deejjoonon, ittoshi danee beetoochee kechiibeeti asraatoonaa ittoshi wojjoonon, Doono Yeerich ittoshi mookketi tiikkeshoonoonane.

Yibbaatoo 12:17

Ne maayoochee, ne woyinee uyoonaa ne zayitoonoochee ne kichiti asraatoon woyee ne gijjoochee shiichii shiijjeton woyee Doono Yeerich ne mookketi ne tiikkeshoo amoonolla woyee ne mullee daaggoona ne immaabeeti mooyo woyee bare wojjoo amoonolla, ne katemoochaa maayaahine.

Yibbaatoo 12:26

“Doono Yeerich ne kichiti yaafeeti mooyonaa ne mookketi tiikkeshoonon bi kaaccemmi are xaaꞌooch yeshi hambe.

Yibbaatoo 12:6

Micciibeeti ittoshi deejjoonaa bare deejjoonon, ittoshi danee beetoochee kechiibeeti asraatoonaa ittoshi wojjoonon, ittoshi mookketi tiikkeshoonaa ittoshi mullee daaggoona ittoshi immiibeeti wojjoonon, ittoshi gijjeenaꞌoochee shiichii shiijjetonoo arooch deebote.