Leweenaꞌo 7:12 - Kafa Linguistics Project

¹² “ ‘Deejjoon bi giddiibeeto galletoon bechoyich bi tunegaata, galletee deejjoona tookki shittoo giyaani, zayito giyiti qacini buddinoochee kachiti tagge koshon, shittoo giyaani, zayito huutteꞌi shishiitaa kachiti koshonaa zayito geddeti qacini buddinoonoochee kachiti tagge koshonon giddiibe.

Leweenaꞌo 7:12 ပူးပေါင်းရင်းမြစ်များ

2 Kiinoo 29:31

Aroochee Hiziqiyaasi “And Doono Yeerich ittoshi qelloon yaafito ittoshine. Ebich gidderee, galletoon bechoyich deejjoonaa buuroonon Doono Yeerichi yaafee kexooch deebote” iye. Iiteenaꞌoo taatoo gettitoommon tuniiheete. Boonoshi mullo daaggitinaꞌo bulli micciibeeti deejjoyich gijjoon deebiyeete.

2 Kiinoo 33:16

Doono Yeerichi deejjee gudoon wochinnoon shuunehe. Ikkittinee deejjoonaa galletee deejjoonon arooch deejjiye. Yihudee asheenaꞌo Israꞌeelee Nuggishoo Doono Yeerich boonoshi goyinnemmoyich gettiye.

Nehimi 12:43

Yeeri oogichiꞌi boonoshin bi emirikkitoyich, aroobee aabooch meeti deejjoon deejjiyeete; oogichiꞌinoo emiriyeete; maacheenaꞌonaa bushiisheenaꞌonoo emiriyeete. Ebina Yerusaalemi emiree qaaro wohooch beddaahaa waayeehe.

Shoddo 107:8

Doono Yeerin bi shoodoyich, ashi bushiishoyich bi tuniiti worganikkiti mooyoyich, galletebeete.

Shoddo 116:17

Galletee deejjoon neech deejjemmo taane; Doono Yeerichi shigoon ceeggemmo taane.

Shoddo 50:23

Galletee deejjoon deejjiibeeto taan oogiihe; bi gommon kaachii beetoyich, ta wodiyoon bekkiyemmo taane” iye.

Erimiyaasi 33:11

wucwuci qaaroonaa emiree qaaroona, woꞌee kenoochi qaaroonaa woꞌeechi qaaroona ebiyoommon wotta, ‘Doono Yeeri deꞌo bi tunetoyich, bi ariqqoo bulli aabeecho bi tunetoyich, Beshe Mawe Doono Yeerin galletebote’ ii beeti galletee deejjoon yeshiree Doono Yeerichi yaafee kexooch woyemmi asheenaꞌochi qaaro waayeyemmone; ebiyoo showeechi kecoon wonnee bi goorooch wochemmo ta tunetoyichiye” iye Doono Yeeri.

Hosee'i 14:2

Biich ittoshi gettemmi qaaroon yeshiree Doono Yeer waan wottebote; biichoo ishichibote: “No axaaxoo bullin maaribe; no qolloon waayebe; no noonoochee kechiibeeti galletoon neech giddiyemmo noone.

Leweenaꞌo 2:4

“ ‘Gudoochaa kachiti maayi buuroon ne giddiigaata, shittoo giyaanoon kachito tunebe. Zayitoona xirikketi qacini buddinoochee kachiti tagge kosho woyee zayito huutteꞌi shishiitaa kachiti kosho tunebe.

Leweenaꞌo 2:5

“ ‘Midaadoochaa kachiti maayi buuroon ne giddiigaata, shittoo giyaano, zayitoona xirikketi qacini buddinoochee kachiti kosho tunebe.

Leweenaꞌo 22:29

“Doono Yeeri taach galletee deejjoon ittoshi deejjii beegaata, ebi deejjoon ta deqqemmoommon tuniiree deejjibote.

Leweenaꞌo 6:16

Echeton Harooninaa bi anaami bushiishoona mameete; shittoo giyaanoon kachiti koshon yaafoo tuneti xaaꞌoochaa, danee duukkaanee addibaaboochaa mameete.

Leweenaꞌo 7:15

Galletoon bechoyich giddeebeeti ikkittinee deejjee gijjoochi meeno ebi deejjoo giddehooba maataa ciireballi, amolla echeree qeyaaye.

Amootsi 4:5

Koshon galletee deejjoyich giddii beebote! Ittoshi mullee daaggoona ebin ittoshi giddii beetoyich naadee beebote! Ittoshi qaawiibeeto ebin tuniyooniye, iye Nuggishoo Doono Yeeri.

Haddoo 6:15

shittoo giyaanoon kachiti ikke gemee koshon, ebiyoo zayitoona xirikketi qacini buddinoochee kachiti tagge koshon, shittoo giyaani, zayito huutteꞌi shishiitaa kachiti koshon, maayi buuroonaa uyee deejjoonon giddiibe.

Luqaasi 17:16

Yesuusin galleteebee bi baatooch baroona guufehe. Hini are uroo Shamaaree ashoone.

Luqaasi 17:18

Hini ashi showee ashoyee damba Yeerin galleteya wotteto aallehe?” iye.

Roomi 1:21

Ebiyoo Yeeri koni bi gaata ariibee, Yeeri bi tunee oogoonaa galletoonon biich boonoshi bajjitoyichiye. Boonoshiyoo duube gabecho tuneheete; gabaalli boonoshi mullo xummehe.

Efesooni 5:20

Tuneti mooyo bullich bulli aaboon no Doono Yesuus Kiristoosi shigoona Nihoo Yeerin galletebote.

Hibireena'o 13:15

[Illa] bulli aaboon Yesuus waanaa Yeerich galletoon deejjoommon tuniiree giddiibone; ebiyoo Yeeri no Doono bi tunoon no miixee deejjoone.

1 Pheexiroosi 2:5

Ittoshi giddemmo, kashechi xaqqoommon ayaanee kexon tuneꞌi hakkeyoyichiye. Ebina Yesuus Kiristoos waanaa emirikkiibeeti ayaanee deejjoon Yeerich giddiyoyich, yaafeeti qeesheenaꞌon tunemmo ittoshine.