Leweenaꞌo 6:3 - Kafa Linguistics Project

³ woyee aalleti qiicoon danee aachiichii kootoon bi wogegaata, asheenaꞌo tuniibeeti mooyoochee ikkoon tuniyoona bi xuꞌigaata,

Leweenaꞌo 6:3 ပူးပေါင်းရင်းမြစ်များ

Keyo 23:4

“Ne shixechochi gattoo woyee kuro aallee hammii beetaa ne danegaata, wochi deebiree biich imbe.

Keyo 28:42

“Shimetoochee doshooch beddemmi, ashittinoon qeremmi qamini maaci shuroon muttee tuppoochee ciciitaa yokkeeti woshiqoona shippeti qoreddoochee boonoshich shuunebe.

Shaahiyoo 24:28

Ne giyoo toommooch naboo aalloon cikki miixeyaahine; ne noonoonoo dawushiyaahine.

Shaahiyoo 30:9

Ebiyoo miyi neen ta nookkeyaachemmoyich, “Doono Yeeri konine?” ta getaachemmoyich, woyee gire ta gaayaachemmoyich, ta Nuggishoo ne shigoon ta naakkiyaachemmoyichiye.

Erimiyaasi 5:2

‘Beeyechi Doono Yeeri beege’ ii boonoshi wogeebeeto kootooniye” iye.

Erimiyaasi 7:9

Gaajjiyote; wuxiyote; shaddiyote; kootoon wogehote; Baꞌaaloyich ixaanoon shookkiyote; ittoshi ariyaani bare nuggisheenaꞌon dabbiyote;

Hiziqeeli 44:19

Maachi addibaabooch asheenaꞌo waan boonoshi keyoyee shiichi, taheꞌi boonoshi maddeebeeti taheenaꞌon kichiree yaafeeti kexooch kotiichi baroon tahebeete; ebiyoo boonoshi tahoochee tiyitona asheenaꞌo naxeyaachemmoyichiye.

Leweenaꞌo 1:16

Maacee meenonaa wulloonon deejjee gudoochaa aabi-keyo waan beeti tullee baashooch dufe.

Leweenaꞌo 16:4

Yaafe Xaaꞌeexi Yaafooch bi gimoyee shiichiree, muttee tuppoochee shippeti, yaafeeti taheenaꞌon tahebe. Biyoo yaafeeti qamisoon tahebe; shuroon eddebe; buroon cuyebe; bi qelloochoo caacoon caace. Bi qeddoon macheree ebi taheenaꞌo bullin tahebe.

Leweenaꞌo 19:12

“ ‘Ta shigoon ceegiree kootoon wogeyaahote. Ebin tuniyoona ta shigoon naakkiyaahote. Ta, Doono Yeeri taane.

Zakaariyaasi 5:4

Beshe Mawe Doono Yeeri ishichiye: ‘Ufon deejjemmo taane; ebi ufoo gaayo kexonaa ta shigoona kootoon wogeebeeto kexonooch giyemmone; aroochoo beeyemmone. Bi mixonaa xaqqoonon echiyaanoon kexon aalliyemmone’ itone” iye.

Milikiyaasi 3:5

“Ittoshi toommooch nalliya, ittoshi waan woyemmo taane; iicechinaꞌochi, shunimaayeenaꞌochi, kootoon wogee beetinaꞌochi, shuunechinaꞌochi shumaayoon bajjii beetinaꞌochi, xuumeenaꞌonaa nihaalleenaꞌonon xuqqii beetinaꞌochi, shiqqoon shiqqii beetinaꞌonaa taan shataaneenaꞌonochi toommooch nallemmo taane” iye Beshe Mawe Doono Yeeri.