Leweenaꞌo 6:18 - Kafa Linguistics Project

¹⁸ Doono Yeeri taach qaaqqoona micciibeeti buuroochee, gubbi boonoshi shiijjeroo bullich icheti qoodoo bi tunetoyich, Harooni yaroochee shiijjeti anaamo bulli ebi aroochee mame. Ebi buuro yaafoo bi tunoochee tiyitona bi achooch shaggimmo bi toommooch magge mooyo kindemmone’ gete” iye.

Leweenaꞌo 6:18 ပူးပေါင်းရင်းမြစ်များ

Keyo 29:37

Ebinoo shabaatte qemi wottoon qemi qemona tuniibe. Ebina deejjee gudo oogeton yaafeeto tunemmone; bi achooch shaggimmo, asho tuneba amee mooyolla, yaafeeton tunemmone.

Leweenaꞌo 3:17

“ ‘Ittoshi kotemmi xaaꞌoo aabiichaanona, awuyon woyee damoon maayaahote. Ebiyoo gubbi ittoshi shiijjeroo bulliich beddaahaa, kuxeyaanoon beeyemmi qociyoone’ gete” iye.

Leweenaꞌo 4:24

Biyoo ebi emmishoochi qellooch bi kishoon kotiichi, micciibeeti deejjoyich giddeti gijjoo guureeti xaaꞌoochaa, Doono Yeeri ta aafoochaa guuribe. Ebiyoo axaaxee deejjoone;

Leweenaꞌo 4:3

“ ‘Qeeshee guudo axaaxoon shuuneꞌi, asheenaꞌo toommooch axaaxoo haddeyemmoyich bi tuniigaata, ebi bi shuuneti axaaxoyich bachaalli wuron axaaxee deejjoon tuniiree Doono Yeeri taach deejjibe.

Leweenaꞌo 4:33

Biyoo ebi bagee qellooch bi kishoon kotiichi, micciibeeti deejjoyich giddeti gijjoo guureebeeti xaaꞌoochaa, ebi axaaxee deejjoon guuribe;

Leweenaꞌo 6:10

Qeeshoo muttee tuppoochee shippeti qamisoonaa shuroonon tahe eddebe. Aroochee ebi deejjee gudee toommoochaa qaaqqooch gokketi deejjeechi tulloon ushiree deejjee gudee gaꞌooch gede.

Leweenaꞌo 6:19

Doono Yeeri Muusich ishichiye:

Leweenaꞌo 6:27

Ebi meechi achooch shaggimmi asho tuneba amee mooyolla bi toommooch magge mooyo kindemmone. Bi damoo tahooch bi wucee gaata, yaafoo tuneti xaaꞌooch daamaa machebe.

Leweenaꞌo 6:29

Qeesheenaꞌo yaroochee tuneti anaamo bulli aroochee maayemmone; ebiyoo oogeti yaafoone.

Leweenaꞌo 7:6

Qeesheenaꞌochi yaroochee tuneti anaamo bulli aroochee maayemmone. Yaafoo tuneti xaaꞌoochaa mameete. Ebiyoo oogeti yaafoone.

Haddoo 18:10

Yaafeeti xaaꞌoochaa ebin mamote. Anaamo bulli ebin mame. Ebiyoo neech yaafeeto tunemmone.

Haddoo 18:8

Aroochee Doono Yeeri Haroonich ishichiye: “Ebiyoche, Israꞌeeleenaꞌo taach giddiibeeti deejjoonaa buuroona bullin neech immeto taane. Yaafeeto bi tunetoyich, bulli aabooch neennaa ne bushiisheenaꞌonochi qoodoo bi tunemmoyich immeto taane.

1 Qorontoosi 9:13

Yaafee kechi maddechinaꞌo aroochee boonoshi maayemmon boonoshi danoon ariyaachote? Wotta yaafee kechi deejjee xaaꞌooch deejjoon giddii beetinaꞌo are deejjee maayoochee boonoshi qoodeyoon ariyaachote?

1 Pheexiroosi 2:9

Tunetaa manderoochee keyiree worganikkiti bi bekkooch ittoshi giyemmoyich, ittoshin ceeggiti Yeerichi deꞌittinoon ittoshi gettemmoyich, kaacheti shiijjeroo, taatoo Yeerich maddeebeeti qeeshoo, yaafeeti aagetoo, bi hajjoo tuneti yoodo ittoshine.