Leweenaꞌo 5:2 - Kafa Linguistics Project

² “ ‘Ikke asho eeꞌe mooyon diqqoona bi yeshigaata, ebi eeꞌe mooyo kubbi coochi meeshoo woyee gijjeenaꞌochi meeshoo woyee showoona yuummiibeeti eeꞌe cooxinaꞌochi meeshoo bi tunegaata, ebi mooyo biich arichehooba, xuꞌecho tunemmone.

Leweenaꞌo 5:2 ပူးပေါင်းရင်းမြစ်များ

Shoddo 19:12

Bi muricoon shalligoon hakkemmo konine? Aacheeti axaaxoochee ne taan xalliibe.

Isiyaasi 52:11

Doono Yeerichi yaafee kechi qiiceenaꞌon shaaggii beetinaꞌote, Baabloonee keyote; bi waanee baribote! Eeꞌe mooyon yechaahote. Aroochee keyiree ittoshi qelloon xalliibote.

Leweenaꞌo 11:11

Ittoshi waanaa eeꞌeenaꞌo boonoshi tunetoyich, boonoshi meenon maayaahote. Boonoshi meeshoochoo ittoshi kishoon bechiyaahote.

Leweenaꞌo 11:8

Ebi gijjeenaꞌonaa cooxinaꞌonochi meenon ciroona maayaahote. Boonoshi meeshooch ittoshi kishoon bechiyaahote. Eboshi ittoshi waanaa eeꞌeenaꞌone.

Leweenaꞌo 4:13

“ ‘Israꞌeeleenaꞌo bulli Doono Yeeri ta, boonoshi tuniyaachemmoyich ta getteti getoochee aabinona shaaddeꞌi diqqoona axaaxoon boonoshi shuunetaa, ebi boonoshi shuuneti axaaxoo boonoshich aricho bi qajjitaanona, ebina xuꞌechinaꞌo boonoshi tunegaata,

Leweenaꞌo 5:17

“Ikke asho diqqoona axaaxoon bi shuunegaata, Doono Yeeri ta, tuniyaahote iti mooyo amoonolla bi tuniigaata, xuqqitone; bi shuuneti axaaxoyichoo echeyemmone.

Leweenaꞌo 5:3

“ ‘Ebiyoommon wotta ikke asho ashi achoochee ufeebeeti eeꞌe mooyo amoonolla diqqoona bi yeshigaata, ebi mooyo biich arichehooba, xuꞌecho tunemmone.

Leweenaꞌo 5:4

“ ‘Wotta ikke asho gondoyich tuneba deꞌoyich, amee mooyoyichona gabaanoon diqqoona bi wogegaata, ebi bi wogeti mooyo biich bi arichehooba, xuꞌecho tunemmone.

Leweenaꞌo 7:21

Asho koniyoona ashi achoochee ufeebeeti eeꞌe mooyon woyee eeꞌe gijjoon woyee eeꞌe mooyo amoonolla yechiichii, Doono Yeeri taach giddeti ikkittinee deejjee meenoochee bi maagaata, bi asheenaꞌo daggoochee kichaa yookkebe’ gete” iye.

Haagi 2:13

Aroochee Haagi daakkiꞌi ishichiye: “Ikke asho dubenoon bi kishoona yeshona eeꞌeechii, eboshiichee ikke mooyon bi yeshigaata, are bi yechiti mooyo eeꞌoon tunehe?” iꞌi echehe. Boonoshiyoo “Eeha, eeꞌoon tunehe” iyeete.

Haddoo 19:22

Eeꞌe asho yechiti amee mooyolla eeꞌemmone. Ebi qiicoon yechimmi ashoo xumemmi wottoon eeꞌemmone” iye.

2 Qorontoosi 6:17

Ebich wotta Doono Yeeri ishichiye: “Boonoshi daggoochee keyiree baritinaꞌon tunebote. Axaaxoona eeꞌeti mooyon yechaahote; tawoo ittoshin taacho tuniyemmo taane.

Yibbaatoo 14:8

Wotta gudinon maayaahote. Bi shanekkoo kappheeto bi tunetaanoona, manjaaneyaanoone. Ebiyoo ittoshi waanaa eeꞌoone. Bi meenon ciroona maayaahote. Bi meeshooch ittoshi kishoon shakkiyaahote.