Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Leweenaꞌo 5:16 - Kafa Linguistics Project

16 Ebiyeenoo wotta imaanoon bi qajjiti yaafeeti mooyon, ebi aree toommoochoo uuche kishoochee ikkoon daakkiree qeeshoyich imbe. Biyoo uroochi xuꞌoyich bagee baaddee deejjoon bi giddiitaa, bi xuꞌoyich maaroon danemmone.

အခန်းကိုကြည့်ပါ။ ကော်ပီ




Leweenaꞌo 5:16
22 ပူးပေါင်းရင်းမြစ်များ  

Naboo aalloon taan shixxii beetinaꞌo, ta qelli eexoyee beshi meetinaꞌone; koote mooyona taan aalliiya ii beeti ta etteenaꞌo meetinaꞌone; ta gaayaani mooyon wochoo taach qaawiihe?


“Ikke asho gattoon woyee bagoon woyee emmishoon gaajjii bi bashigaata woyee bi kemigaata, ikke gattee keroyich uuche gattoon, ikke bagee keroyich awudde bagoon, ikke emmishee keroyichoo awudde emmishoon qoce.


“ ‘Ikke asho ebi yaafoo tuneti mooyoochee diqqoona bi maagaata, bi maati maayoommon, wotta bi toommooch uuche kishoochee ikkoon daakki gedi qeeshoyich imbe.


Tunebaani uro wochii deꞌon bi qaawigaata, bi gatiyee toommooch uuche kishoochee ikkoon daakkibe.


Are uro bi kexon wochii deꞌon bi qaawigaata, bi gatiyee toommooch uuche kishoochee ikkoon daakkiree qoce; kexo biicho tunemmone.


Xalloo tuneyaani gijjoo bi tunegaata, bi gatiyoona wochi deꞌe; aree toommooch uuche kishoochee ikkoon daakkibe. Wochii deꞌon bi qayigaata getteeti gatiyoona kechebe.


Ikke asho asraato bi immiti mooyon wochii deꞌon bi qaawigaata, bi gatiyee toommooch gatiyee uuche kishoochee ikkoon daakkoo biich qaawiihe.


Axaaxoyich giddeti wuro toommooch bi tuniitoommon, hinichi toommoochoo tuniibe. Ebiyoommi gommona qeeshoo asheenaꞌochi axaaxoyich deejjoon bi giddiitaa, boonoshi axaaxoyich maaroon danemminaꞌone.


Ebi emmishoochi awuyo bullin, ikkittinee deejjoyich giddeti gijjoochi awuyon bi michoommon, deejjee gudoochaa michibe. Ebiyoommi gommona qeeshoo uroochi axaaxoyich deejjoon bi giddiitaa, bi axaaxoyich maaroon danemmone.


Aroochee ohe baroon icheti doyoommon micciibeeti deejjoyich giddiiree deejjibe. Ebiyoommi gommona qeeshoo uroochi axaaxoyich deejjoon bi giddiitaa, uro bi axaaxoyich maaroon danemmone.


Qeeshoo ebin tuniyoona, uro shuuneti axaaxoo aabichona maaroon bi danemmoyich tuniyemmone. Uroo maareyemmone. Echeti maayo maayi deejjoochoommon qeeshoyich tunemmone’ gete” iye.


Bi shuuneti axaaxoyich xuꞌee deejjoon bi gijjoochee bageen woyee emmisheen Doono Yeeri taach deebe. Qeeshoo ebi deejjoon bi giddiitaa, uro bi axaaxoyich maaroon danemmone.


Micciibeeti deejjoo guureebeeti xaaꞌoochaa xuꞌoyich giddeebeeti deejjoo guureebe. Bi damoo deejjee gudee awudde naabooch tibeebe.


Bi shuuneti axaaxoon aannibe; bi deqqiti mooyo bullin, wotta are bi deqqiti moochi toommooch uuche kishoochee ikkoon daakkiree bi xuqqiti uroyich imbe.


Tunebaani wochi bi immemmoyich uro xibaallo bi tunegaata, ebi mooyo Doono Yeerich kechito tuneree, qeeshoyich ichebe; ebiyoo bi axaaxoon maariyoyich bi giddiibeeti bagee baaddoo toommooch daakkaa ichebe.


Tunebaani Zakiyoosi bulli aafooch neexeꞌi Doono Yesuusin “Ta Doonocho, taach beeto bulliichee qaton girechoyich wojjemmo taane; koninolla kootoon taggaꞌa ta deqqeto beegaata, awudde kishoon tuniiree wochemmo taane” iye.


Shiichaꞌa Damaasiqa beetinaꞌoyich, gubb wotta Yerusaaleminaa Yihudee showoo bullinooch beetinaꞌoyich, wotta Aageteenaꞌoyich axaaxee gommoochee Yeer waan boonoshi wottemmonaa boonoshi wottoon bekkiibeeti shuunoon boonoshi shuunemmonoyich gettoye.


Boonoshiyoo ishichiyeete: “Israꞌeelee Nuggishoochi taabootoon ittoshi wochigaata, ittoshi xuꞌoyich tunemmi nummoona tookki daachiibotani, shokkoon daachiyaahote. Ebina ittoshiyoo wodemmo ittoshine. Biyoo amoyich ittoshin naxoochee wotteyaache bi ito gaata ariyemmo ittoshine” iyeete.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ