Leweenaꞌo 4:31 - Kafa Linguistics Project

³¹ Uro bi awuyo bullin ikkittinee deejjoyich giddeti gijjoochi awuyo maacaa keyoommon maaci kichibe. Qeeshoo Doono Yeeri taach gaawe cinnechi deejjoon tuniiree deejjee gudoochaa deejjibe. Ebiyoommi gommona qeeshoo uroochi axaaxoyich deejjoon bi giddiitaa, uro bi axaaxoyich maaroon danemmone.

Leweenaꞌo 4:31 ပူးပေါင်းရင်းမြစ်များ

Halloo 8:21

Doono Yeeriyoo ebi deejjee cinnoona emiriye. Biyoo bi mulloona ishichiye: “Bi bushittinoochee tiijjiꞌi ashi mullee gaboo gondo bi tunetoyich, showoon ashi naboona wochinnoon ufaache; wotta ebi and ta tuniitoommon, kashechi halleenaꞌo bullin wochinnoon aalliyaache.

Iziri 6:10

Ebiyoo, shimaajji Nuggishoon emirikkemmi deejjoon boonoshi giddiyemmonaa taatoonaa bi bushiishoonochi diggoyich boonoshi corootemmonoyichiye.

Iyoobi 42:8

Illa ebich and shabaatte wuronaa shabaatte bagee baaddoonon yeshiree ta guuno Iyoob waan hambote; micciibeeti deejjoon ittoshi qellich deejjibote; ta guuno Iyoobi ittoshich corootemmone. Tawoo ittoshi shuuneti yeelliiti mooyoommon ittoshi toommooch ta tuniyaachemmoyich, bi qolloon waayemmo taane; ta guuno Iyoobi tuniitoommon, ta mooyon tatoona yibbaateyaano ittoshine” iye.

Keyo 29:18

Aroochee bagee baaddoochi meeno bullin goge. Ebiyoo Doono Yeeri taach micciibeeti deejjoone. Ebi deejjoo Doono Yeeri taach qaaqqoona micciibeeti deejjoone; taach gaawe cinnechone.

Isiyaasi 42:21

Doono Yeeri bi cadiqittinoyicha iꞌi, bi sheeroon oogiyoonaa moogiyoonon shunniye.

Isiyaasi 53:10

Biiyoona bi yexxeyemmoyich Doono Yeeri daaggiye; bi kashoon axaaxee deejjoo bi tuniitoyee gubb, bi yaroon beeggemmone; bi eeno genjemmone; Doono Yeerichi daaggoo bi kishoona ceennemmone.

Leweenaꞌo 1:13

Uro maacee meenonaa baatoonon maye. Qeeshoo deejjee gudoochaa bullin ikkot deejjibe. Ebiyoo qaaqqooch michaa giddeebeeti, Doono Yeeri taach gaawe cinnoon cinneebeeti, micciibeeti deejjoon tunemmone.

Leweenaꞌo 1:17

Qoshoona yeshiree gutta gaaha; tunebaani kapphe kichaaye. Biyoo deejjee gudee toommooch beeti qaaqqooch michibe. Ebiyoo qaaqqooch michaa giddeebeeti, Doono Yeeri taach gaawe cinnoon cinneebeeti, micciibeeti deejjoon tunemmone.

Leweenaꞌo 1:9

Uroo maacee meenonaa baatoonon maye. Qeeshoo ebi micciibeeti deejjoon, qaaqqoona micciibeeti deejjoon tuniiree deejjee gudoochaa bullin ikkot deejjibe. Ebiyoo Doono Yeeri taach gaawe cinnechi deejjoo tunemmone.

Leweenaꞌo 14:18

Bi kishooch echeti zayitoon ebi xalleebeeti uroochi shimbooch huute. Ebin tuniyoona Doono Yeeri ta aafoochaa ebi eeꞌoochee bi xallemmoyich tuniyemmone.

Leweenaꞌo 15:15

Qeeshoo ikkoon axaaxee deejjoyich, wotta ohe ikkoon micciibeeti deejjoyich giddiyemmone. Ebin tuniyoona uro Doono Yeeri ta aafoochaa bi eeꞌoochee bi xallemmoyich tuniyemmone.

Leweenaꞌo 19:22

Qeeshoo ebi xuꞌee deejjee bagee baaddoona ta aafoochaa uroochi xuꞌo maareyemmoyich tuniyemmone; ebina bi shuuneti axaaxoo maareyemmone.

Leweenaꞌo 2:2

Qeesheenaꞌo tuneti Harooni anaami bushiisheenaꞌo waan deebe. Qeeshoo qacini buddinoonaa zayitoonoochee, ixaano bullina tookki ikke ushon tiijjibe. Ebinoo qaaqqooch michaa giddeebeeti, Doono Yeeri taach gaawe cinnoon cinneebeeti maayi buuroon tuniiree shalligichoyich deejjee gudee toommoochaa giddiibe.

Leweenaꞌo 2:9

Qeeshoo ebi maayi deejjoochee shalligichoyich tunemmi qoodoon deꞌiree qaaqqooch michaa giddeebeeti, Doono Yeeri taach gaawe cinnoon cinneebeeti deejjoon tuniiree deejjee gudoochaa michibe.

Leweenaꞌo 4:19

Ebi wurochi awuyo bullin maaci kichiree deejjee gudee toommoochaa michibe.

Leweenaꞌo 4:26

Ebi emmishoochi awuyo bullin, ikkittinee deejjoyich giddeti gijjoochi awuyon bi michoommon, deejjee gudoochaa michibe. Ebiyoommi gommona qeeshoo uroochi axaaxoyich deejjoon bi giddiitaa, bi axaaxoyich maaroon danemmone.

Leweenaꞌo 4:35

uro awuyo bullin ikkittinee deejjoyich giddeti bagee baaddoochi awuyo maacaa keyoommon, maaci kichibe. Qeeshoo, Doono Yeeri taach micciibeeti deejjee toommooch gediree, deejjee gudoochaa michibe. Ebiyoommi gommona qeeshoo uroochi axaaxoyich deejjoon bi giddiitaa, uro bi axaaxoyich maaroon danemmone.

Leweenaꞌo 5:10

Aroochee ohe baroon icheti doyoommon micciibeeti deejjoyich giddiiree deejjibe. Ebiyoommi gommona qeeshoo uroochi axaaxoyich deejjoon bi giddiitaa, uro bi axaaxoyich maaroon danemmone.

Leweenaꞌo 5:6

Bi shuuneti axaaxoyich xuꞌee deejjoon bi gijjoochee bageen woyee emmisheen Doono Yeeri taach deebe. Qeeshoo ebi deejjoon bi giddiitaa, uro bi axaaxoyich maaroon danemmone.

Leweenaꞌo 8:21

Maacee meenonaa baateenaꞌonon machiye. Qaaqqooch michaa Doono Yeerich giddeebeeti, gaawe cinnechi, micciibeeti deejjoon tuniiꞌi bagee baaddoon bulla ikkot deejjee gudee toommoochaa goggiye. Ebi bullin Doono Yeeri biich gettitoommon tuniiꞌi shuunehe.

Haddoo 15:25

Qeeshoo Israꞌeelee iitoo bullin maariyemmone; boonoshiyoo maareyemminaꞌone. Ebiyoo diqqoona boonoshi muriccitoyich, boonoshi muricoyich qaaqqoona micciibeeti deejjoonaa axaaxee deejjoonon boonoshi giddiitoyichiye.

Maatiyoosi 3:17

Wotta shimaayoochee “Biinna ta emiriti, ta shuni Bushoo hinine” ii beeti qaaro waayeehe.

Efesooni 5:2

Kiristoosiyoo wotta noon bi shunnitoommon, Yeerin emirikkiibeeti cinnechi buuroommonaa deejjoommonon tuniiꞌi noocha ii bi qelloon beshiiꞌi bi immitoommon, shunoona beebote.

Hibireena'o 1:3

Biyoo worganikkiti Yeerichi oogee yiiree bekkoonaa bi shuriyoonochi shaahoona tuneechii, bulli mooyon giidechi bi qaaroona deggii yechitone; no axaaxoon bi xalliitoyee gubb, shimaayooch Yeerichi oogee yiiree qannooch kotehe.

Hibireena'o 10:12

Tunebaani Kiristoosi bulli yemeenoon axaaxoon wokkiyoon hakkemmi ikke deejjoon, ebiyoo bi qelloon deejjoo tunii giddiiꞌi, Yeerichi qanne badd kotehe.

Hibireena'o 10:14

Ebiyoo, ikke deejjoon Yeerich giddiyoona boonoshi axaaxoochee Yeerich yaafee beetinaꞌon bulli yemeenoon axaaxaalleenaꞌon bi tuniitoyichiye.

Hibireena'o 9:12

ikke wottoon ciichiꞌi, shimaayooch beeti Yaafe Xaaꞌeexi Yaafooch emmisheenaꞌonaa gubbeneenaꞌonochi damoona tuneyaanoon, bi hajjee damoona giyiye; arooch giyiꞌi bulli yemeenoon axaaxoochee biicheyoon nooch daniihe.

1 Yowannisi 1:7

Tunebaani aroo bekkooch bi beemoommon bekkoona no shaꞌegaata, noonnaa noonna daggooch ikkittino beetone; wotta bi Bushoo Yesuus Kiristoosichi damoo axaaxoo bulliichee noon xallii beetone.

Yaaꞌoo 5:9

ishichiibee andire shoddoon shoddeheete: “Qoddeti macaafoon daamoyich maatemeenaꞌon gaxxoyichoo beddeto tunaꞌa daneto neene; guureeꞌa ne damoona Yeericho boonoshi tunemmoyich, ashi yoodo bulliichee, asho yibbaateebeeti noonoo bulliichee, ashi yaroo bulliichee, aagetoo bulliicheenoo asheenaꞌon biisheto neene;