Leweenaꞌo 4:3 - Kafa Linguistics Project

³ “ ‘Qeeshee guudo axaaxoon shuuneꞌi, asheenaꞌo toommooch axaaxoo haddeyemmoyich bi tuniigaata, ebi bi shuuneti axaaxoyich bachaalli wuron axaaxee deejjoon tuniiree Doono Yeeri taach deejjibe.

Leweenaꞌo 4:3 ပူးပေါင်းရင်းမြစ်များ

2 Kiinoo 29:21

Boonoshiyoo taatoochi kechi asheenaꞌonaa Yihudee asheenaꞌonochi axaaxee deejjoyich, wotta yaafee kexon yaafoyich shabaatte wuron, shabaatte ogooge bagee baaddoon, shabaatte gishiishi bagee baaddoonaa shabaatte emmishee baaddoonon deebiyeete. Taatoo qeesheenaꞌo tuneti Harooni bushiisheenaꞌon deejjee gudoochaa Doono Yeerich boonoshi deejjemmoyich gettiye.

Iziri 8:35

Arooba kecoochee wottetinaꞌo, Israꞌeelee Nuggishoyich micciibeeti deejjoyich Israꞌeeleenaꞌo bullichi qoodooch aaraa gutte wuron, yixenaa shiritte ogooge bagee baaddoon, shabaa shabaatte gishiishi bagee baaddoon, wotta axaaxee deejjoyich aaraa gutte emmishee baaddoon giddiiheete; ebi bulli Doono Yeerich micciibeeti deejjoone.

Keyo 29:14

Tunebaani wurochi meenonaa bi gooqqoonon, maacee meenonaa haamboonon kaamboyee maach kichi goge. Aroo axaaxoon maariyee deejjoone.

Keyo 29:21

Deejjee gudee toommooch beeti, echeti damoonaa huutee zayitoonoochee daamiree, Harooninaa bi tahoonooch, ebiyoommon bi anaami bushiisheenaꞌonaa boonoshi tahoonooch wucibe. Ebina Harooninaa bi anaami bushiisheenaꞌona, wotta boonoshi tahoo yaafeeto tunemmone.

Keyo 29:7

Huutee zayitoon daamiree, ta shuunoyich bi baremmoyich bi shimbooch ukkiree huute.

Keyo 30:10

Harooni natooch ikke wottoon axaaxoon maariyoyich deejjeeti gijjee damoochee daami, ixaanee deejjee gudee awudde qareenaꞌooch huute. Nati natona ebi axaaxoon maariyee deejjee doyoo gubbi ittoshi shiijjeroo bulliich beddaahaa, tunebe. Ebi ixaanee deejjee gudo Doono Yeeri taach oogeti yaafoone” iye.

Hiziqeeli 40:39

Aroochaa micciibeeti deejjoo, axaaxee deejjoonaa xuꞌee deejjoona guureebeeti gutte madelleenaꞌo kelleexi beshe boochooch beetinaꞌone.

Hiziqeeli 43:19

Taach maddoyich ta waan giddeti Sadooqi yaroochee tuneti Lewee qeesheenaꞌoyich, axaaxee deejjoyich tunemmi gubbenoon immemmo neene, iye Nuggishoo Doono Yeeri.

Hiziqeeli 44:27

Yaafee kechi daggoochaa maddoyich maaci addibaabooch bi giyiyooba bi axaaxee deejjoon giddiibe; Nuggishoo Doono Yeeri ta ebin getteto taane.

Leweenaꞌo 1:10

“ ‘Uro micciibeeti deejjoyich bi giddiibeeto, bagoon woyee emmishoon bi tunegaata, bachaalli baaddoo tunebe.

Leweenaꞌo 1:3

“ ‘Deejjoon bi giddiibeeto, micciibeeti deejjoyich bi miimoochee tunegaata, bachaalli wuron giddiibe. Doono Yeeri ta deqqemmoyich, danee duukkaanee kelloochaa giddiibe.

Leweenaꞌo 16:11

“Harooni wuron bi axaaxoonaa bi kechi asheenaꞌochi axaaxoonon maariyoyich, axaaxee deejjoon tunii guuriꞌi bi deejjii beegaata,

Leweenaꞌo 16:3

“Yaafe Xaaꞌeexi Yaafooch bi giyemmo, axaaxee deejjoyich ikke wuron, wotta micciibeeti deejjoyich ikke bagee baaddoon bi giddiitoyee gubbiye.

Leweenaꞌo 16:5

Israꞌeeleenaꞌo waanee axaaxee deejjoyich gutte emmishee baaddoon, wotta micciibeeti deejjoyich ikke bagee baaddoon deꞌe.

Leweenaꞌo 16:6

“Biyoo wuron bi axaaxoonaa bi kechi asheenaꞌochi axaaxoonon maariyoyich, axaaxee deejjoon tuniiree deejjibe.

Leweenaꞌo 4:14

boonoshi shuuneti axaaxoo xalla bi arichehooba, asheenaꞌo axaaxee deejjoyich tunemmi wuron danee duukkaanee aafooch deebeete.

Leweenaꞌo 4:23

bi shuuneti axaaxoo biich bi arichegaata, bachaalli emmishee baaddoon axaaxee deejjoyich deebe.

Leweenaꞌo 4:28

bi shuuneti axaaxoo biich bi arichegaata, bachaalli emmisheen bi axaaxee deejjoyich deebe.

Leweenaꞌo 4:5

Biyoo ebi wurochi damoochee giishechoon danee duukkaanooch deebe.

Leweenaꞌo 5:6

Bi shuuneti axaaxoyich xuꞌee deejjoon bi gijjoochee bageen woyee emmisheen Doono Yeeri taach deebe. Qeeshoo ebi deejjoon bi giddiitaa, uro bi axaaxoyich maaroon danemmone.

Leweenaꞌo 6:18

Doono Yeeri taach qaaqqoona micciibeeti buuroochee, gubbi boonoshi shiijjeroo bullich icheti qoodoo bi tunetoyich, Harooni yaroochee shiijjeti anaamo bulli ebi aroochee mame. Ebi buuro yaafoo bi tunoochee tiyitona bi achooch shaggimmo bi toommooch magge mooyo kindemmone’ gete” iye.

Leweenaꞌo 8:12

Ebi huutee zayitoochee Haroonichi shimbooch ukkiye; biin huuttiꞌi yaafiye.

Leweenaꞌo 9:2

Haroonichoo ishichiye: “Axaaxee deejjoyich tunemmi ikke maamon, wotta micciibeeti deejjoyich tunemmi ikke bagee baaddoon daamiree Doono Yeeri aafooch deejjibe. Eboshiyoo bachaalleenaꞌo tunebeete.

Leweenaꞌo 9:3

Israꞌeeleenaꞌoyichoo ishichibe: ‘Axaaxee deejjoyich ikke emmishee baaddoon, micciibeeti deejjoyich bachaalli, ikke nati maamonaa bagee baaddoonon,

Haddoo 16:22

Muusinaa Haroonina baroona showooch guufeechii, “Nuggishoo Yeero, asho kasho bulli Nuggishoocho, ikke uro shuuneti axaaxoona iiteenaꞌo bullin kaarenne?” iyeete.

Haddoo 8:8

Aroochee wuronaa maayi buuroyich zayitoona xirikketi qacini buddinoonon deebeete. Newoo axaaxee maariyee deejjoyich giddemmi bare wuron deebe.

Roomi 8:3

Meeno hakkaano bi tunetoyich, sheeroo tuniyoon hakkaani mooyon Yeeri hakkiye; Yeeri axaaxoon wokkiiya, bi hajjee Bushoon axaaxechi meechi shaahoona wocheꞌi, meenon hajjiibeeti axaaxee toommooch naxoon kindiihe.

2 Qorontoosi 5:21

Kiristoosicho no tunoona Yeerichi cadiqoo no toommooch bi tunemmoyich, axaaxoon shuunee ariyaano toommooch Yeeri no axaaxoon shaakkiihe.

Hibireena'o 5:3

Ebich asheenaꞌochi axaaxoyich deejjoon Yeerich bi giddii beetoommon, bi qelli axaaxee deejjoon wotta giddiyoo biich qaawiihe.

Hibireena'o 9:12

ikke wottoon ciichiꞌi, shimaayooch beeti Yaafe Xaaꞌeexi Yaafooch emmisheenaꞌonaa gubbeneenaꞌonochi damoona tuneyaanoon, bi hajjee damoona giyiye; arooch giyiꞌi bulli yemeenoon axaaxoochee biicheyoon nooch daniihe.