Leweenaꞌo 4:22 - Kafa Linguistics Project

²² “ ‘Iraashoo, bi tuniyaachemmoyich bi Nuggishoo Doono Yeeri ta getteti getoochee aabinona shaaddee diqqoona axaaxoon shuuneꞌi, xuꞌecho bi tunegaata,

Leweenaꞌo 4:22 ပူးပေါင်းရင်းမြစ်များ

Shoddo 19:13

Ariibee axaaxoon shuunoochee ne guuno taan quyebe; taan bi hajjaachemmoyich taan gaachebe. Ebiyooba xalloo tunemmo taane; ooge axaaxoochee xallemmo taane.

Keyo 18:21

Wotta asheenaꞌo bulli daggoochee ariyechinaꞌon kaace. Ebi asheenaꞌoo Yeerin shattii beetinaꞌo, gibeneetinaꞌonaa xuccoon maataaneenaꞌona tunebeete; eboshin humee iraasheenaꞌon, ballee iraasheenaꞌon, aachee iraasheenaꞌonaa aashiree iraasheenaꞌonon tuniiree ukkiriibe.

Dojjecho 5:6

Ne yibbaatoo neen axaaxooch bi bechemmoyich tuniyaahine! Qeeshoyich “Ta mookketo muriccaꞌaniye” gettaahine! Yeeri ebi ne yibbaatoona kaareree ne shuunoon aalliyemmone.

Leweenaꞌo 4:13

“ ‘Israꞌeeleenaꞌo bulli Doono Yeeri ta, boonoshi tuniyaachemmoyich ta getteti getoochee aabinona shaaddeꞌi diqqoona axaaxoon boonoshi shuunetaa, ebi boonoshi shuuneti axaaxoo boonoshich aricho bi qajjitaanona, ebina xuꞌechinaꞌo boonoshi tunegaata,

Leweenaꞌo 4:2

“Israꞌeeleenaꞌoyich ishichi gete. ‘Asho koniyoona Doono Yeeri ta getteti getoochee aabinona shaaddeꞌi diqqoona axaaxoon bi shuunegaata, ebin tuniibe:

Leweenaꞌo 4:27

“ ‘Asheenaꞌo daggoochee ikkoo Doono Yeeri ta, bi tuniyaachemmoyich ta getteti getoochee aabinona shaaddee diqqoona axaaxoon shuuneꞌi, xuꞌecho bi tunegaata,

Leweenaꞌo 5:17

“Ikke asho diqqoona axaaxoon bi shuunegaata, Doono Yeeri ta, tuniyaahote iti mooyo amoonolla bi tuniigaata, xuqqitone; bi shuuneti axaaxoyichoo echeyemmone.

Haddoo 15:22

“ ‘Doono Yeeri Muusich gettiti ebi geteenaꞌo bullin shaaddeꞌi diqqoona ittoshi muricigaata,

Haddoo 15:24

iiteenaꞌo ariyaanoon diqqoona muricciꞌi ebin boonoshi tuniigaata, iitoo bulli micciibeeti deejjoyich, ikke wuron maayi buuroonaa uyee deejjoona tookki dojjeetoommon, Doono Yeerich gaawe cinnoon bi cinnemmoyich deejjibeete; wotta axaaxee deejjoyich ikke emmishee baaddoon giddiibeete.

Haddoo 16:2

Muusi toommooch tiyiyeete. Israꞌeeleenaꞌoochee gutte ballaa aache asheenaꞌon boonoshi waan wochiyeete. Eboshiyoo iiteenaꞌo kaacciti ukkireenaꞌone; wottoo aricheti asheenaꞌone.

Haddoo 31:13

Muusi, qeeshoo Elazaarinaa iiteenaꞌochi ukkireenaꞌo bullina boonoshina daneya kaamboochee maach kechiyeete.

Haddoo 32:2

Muus waan, qeeshoo Elazaarinaa iiteenaꞌochi ukkireenaꞌona waan waaꞌi ishichiyeete:

Haddoo 35:11

ariyaanoon diqqoona ashoon wuxiti asho aalleree arooch bi hammemmi shoobi katemoon ittoshich kaacote.