11 Tunebaani are wurochi gooqqoonaa bi meeno bullinon, bi qelloonaa bi baatoonon, bi maacee meenon haamboona tookki,
Aabi-keyo aabi-gimoochee wohoommon no axaaxoon no waanee wokkiihe.
Tunebaani wurochi meenonaa bi gooqqoonon, maacee meenonaa haamboonon kaamboyee maach kichi goge. Aroo axaaxoon maariyee deejjoone.
Axaaxoon maariyoyich boonoshi damoo Yaafe Xaaꞌeexi Yaafooch giyiti, axaaxee deejjoyich guureeti wuronaa emmishoona kaamboyee maach kichaa, boonoshi gooqqo, meenonaa haamboona mice.
Ebiyoo ikkittinee deejjoyich giddeti wurochee maacaa kechitoommoniye. Are qeeshee guudo ebi bullin micciibeeti deejjoo giddeebeeti deejjee gudee toommoochaa michibe.
Wurochi meeshoo kaamboochee bi kechemmoyich tuniiree, bi axaaxoyich bi michiti wuron bi gogoommon hininoo goge. Ebiyoo asheenaꞌo bullichi axaaxoyich tunemmi deejjoone.
Tunebaani axaaxoon maariyoyicha getaa, danee duukkaanooch beeti Yaafe Xaaꞌooch bi damoo giyiti, axaaxoyich deejjeeti gijjee meeno qaaqqooch gokkeshalli bi gettemmo, ciroona manjeyaachemmone.
Are gidereenoo qeeshoo Elazaarich immemmo ittoshine. Ebi gideree kaamboyee maach daamaa, Elazaari aafoochaa guureyemmine.
Gidereyoo bi ciini beetaa, bi gooqqo, bi meeno, bi damoonaa bi haamboona tookki miccemmine.