Leweenaꞌo 3:9 - Kafa Linguistics Project

⁹ Uro ebi ikkittinee deejjoochee, qaaqqooch michaa giddeebeeti deejjoon tuniiree taach giddiibe. Biyoo awuyon, ceeree duchoochaa ikkot kucheti naatoon, maacee meechi toommooch beeti awuyo bullin,

Leweenaꞌo 3:9 ပူးပေါင်းရင်းမြစ်များ

2 Saameeli 6:17

Aroochee Doono Yeerichi taabootoon deebii, Daawiti xogiti duukkaanooch giijjiꞌi, bi kotemmoyich qanniti xaaꞌooch kotiiheete. Daawitiyoo micciibeeti deejjoonaa ikkittinee deejjoonon Doono Yeerich deejjiye.

1 Taateenaꞌo 3:15

Solomooniyoo tokketoochee tiyiꞌi, Yeeri gumona biich yibbaatoon ariihe. Aroochee Yerusaalem wotteꞌi hammiye; Doono Yeerichi wogee taabootee aafooch neexeechii micciibeeti deejjoonaa ikkittinee deejjoonon deejjiye; bi iraasheenaꞌo bullichoo gifiroon geddiye.

1 Taateenaꞌo 8:63

Solomooniyoo ikkittinee deejjoyich hiyaa gutte hume wuronaa balli hiye hume bagoonon Doono Yeerich deejjiye. Ebiyoommon taatoonaa Israꞌeeleenaꞌo bullina Doono Yeerichi yaafee kexon yaafiyeete.

1 Taateenaꞌo 8:64

Arooba taatoo, Doono Yeerichi yaafee kechi ciinooch beeti, addibaabee daggeexi xaaꞌoon yaafiye. Aroochaa micciibeeti deejjoon, maayi buuroonaa ikkittinee deejjee awuyonon giddiihe. Ebin bi tuniitoo, Doono Yeerichi yaafee kechi aafooch beeti gooshee deejjee gudo bi giishee naboona, micciibeeti deejjoon, maayi buuroonaa ikkittinee deejjee awuyonon yeshon hakkoo bi qajjitoyichiye.

1 Kiinoo 16:1

Aroochee Yeerichi taabootoon deebii, Daawiti xogiti duukkaanooch giijjiꞌi, kotiiheete; micciibeeti deejjoonaa ikkittinee deejjoonon Yeerich deejjiyeete.

Keyo 29:22

“Ebi bagee baaddoo qeesheenaꞌon ukkiriyee baaree bago bi tunetoyich, bi awuyon, bi naatoon, bi maacee meechi toommooch beeti awuyon, bi qamee deshi qati kuxon, gutte bi yeyitoonaa bi guudoona beeti awuyonon, bi qanne baatee galloonoo maaci kichibe.

Shaahiyoo 23:26

Ta bushoocho, gaawichi ellebe; ne aafeenaꞌo ta gommon ciineete.

Isiyaasi 53:10

Biiyoona bi yexxeyemmoyich Doono Yeeri daaggiye; bi kashoon axaaxee deejjoo bi tuniitoyee gubb, bi yaroon beeggemmone; bi eeno genjemmone; Doono Yeerichi daaggoo bi kishoona ceennemmone.

Leweenaꞌo 17:5

Ebi sheeroo bi icheto, Israꞌeeleenaꞌo xalle gaddoochaa boonoshi guuriibeeti deejjee gijjeenaꞌon danee duukkaanee kellooch, qeeshoo waan deebiree, ebi aroochaa ikkittinee deejjoon tuniiree Doono Yeerich boonoshi deejjemmoyichiye.

Leweenaꞌo 7:3

Bi achooch beeti awuyo bulli deejjee gudoochaa deejjeebe. Naato, maacee meechi toommooch beeti awuyo bulli,

Leweenaꞌo 8:25

Awuyon, naatoon, maacee meechi toommooch beeti awuyo bullin, qamee deshi qati kuxon, gutte yeyitoon bi toommooch beeti awuyona tookkii, gubbi qanne baatee galloonoo deebiye.

Leweenaꞌo 9:19

Ebi wuronaa bagoonochi achooch beeti awuyo bullin, naatoon, maacee meechi toommooch beeti awuyon, yeyitoonaa qamee deshi qati kuxonon,

Haddoo 7:88

Ikkittinee deejjoyich tunemmi gijjeenaꞌo bulli hiyaa awudde wuro, shiche ogooge bagee baaddoo, shiche emmishee baaddoonaa ikke nato tuneti, shiche bagee baaddoonane. Deejjee gudo huuttetoyee gubb, diiree baaroyich giddeti wojjoo ebine.

1 Saameeli 10:8

“Newoo tayee shiichiree desh Galigala hammemmo neene. Tawoo micciibeeti deejjoonaa ikkittinee deejjoonon giddiyoyich ne waan woyemmo taane; ne waan waaꞌa, ne tuniyemmon neech ta arichiimmi wottoon, shabaatte qemon arooch koteree quyebe” iye.