Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Leweenaꞌo 3:5 - Kafa Linguistics Project

5 Aroochee Harooni anaami bushiisheenaꞌo ebi bullin micciibeeti deejjoona tookki deejjee gudoochaa deejjibeete. Ebiyoo Doono Yeeri taach qaaqqooch michaa giddeebeeti, gaawe cinnechi deejjoo tunemmone.

အခန်းကိုကြည့်ပါ။ ကော်ပီ




Leweenaꞌo 3:5
24 ပူးပေါင်းရင်းမြစ်များ  

Arooba taatoo, Doono Yeerichi yaafee kechi ciinooch beeti, addibaabee daggeexi xaaꞌoon yaafiye. Aroochaa micciibeeti deejjoon, maayi buuroonaa ikkittinee deejjee awuyonon giddiihe. Ebin bi tuniitoo, Doono Yeerichi yaafee kechi aafooch beeti gooshee deejjee gudo bi giishee naboona, micciibeeti deejjoon, maayi buuroonaa ikkittinee deejjee awuyonon yeshon hakkoo bi qajjitoyichiye.


Ebiyee gubb, boonoshinaa qeesheenaꞌonoyich qanniiheete. Ebiyoo Harooni bushiisheenaꞌo tuneti, qeesheenaꞌo xum beddaahaa micciibeeti deejjoonaa awuyonon deejjii beetinaꞌo boonoshi tunetoyichiye. Ebich Leweenaꞌo boonoshinaa qeesheenaꞌonoyich qanniiheete.


Aroochee maacee meechi toommooch beeti awuyo bullin, qamee deshi qati kuxonaa gutte yeyitoonon, bi guudoona beeti awuyona tookki daami, deejjee gudee toommoochaa michibe.


Nuggishoo Doono Yeeri ishichiye: “Tunebaani Israꞌeelee macceenaꞌo ta waanee boonoshi wokkiyooba, ta yaafee kechi qociyoon quyeti Sadooqichi yareenaꞌo tuneti Lewee qeesheenaꞌo taach maddoyich ta waan katinnemminaꞌone; awuyonaa damoonochi deejjoon taach giddiyoyich ta aafooch neexemminaꞌone.


Taach deejjoo tuniiꞌi koshon, awuyonaa damoonon ittoshi giddiihooba boonoshi mulloonoo tuneba boonoshi achoona dokireyaani ashi showee asheenaꞌo ta yaafee kexooch boonoshi giyemmoyich, ta kexonoo boonoshi eeꞌiyemmoyich, tuniito ittoshine; ebin tuniyoona ciigiiti ittoshi moochi toommooch daakkiꞌi ta wogoon happiyote.


Uro maacee meenonaa baatoonon maye. Qeeshoo deejjee gudoochaa bullin ikkot deejjibe. Ebiyoo qaaqqooch michaa giddeebeeti, Doono Yeeri taach gaawe cinnoon cinneebeeti, micciibeeti deejjoon tunemmone.


Qoshoona yeshiree gutta gaaha; tunebaani kapphe kichaaye. Biyoo deejjee gudee toommooch beeti qaaqqooch michibe. Ebiyoo qaaqqooch michaa giddeebeeti, Doono Yeeri taach gaawe cinnoon cinneebeeti, micciibeeti deejjoon tunemmone.


Uroo maacee meenonaa baatoonon maye. Qeeshoo ebi micciibeeti deejjoon, qaaqqoona micciibeeti deejjoon tuniiree deejjee gudoochaa bullin ikkot deejjibe. Ebiyoo Doono Yeeri taach gaawe cinnechi deejjoo tunemmone.


Qeeshoo eboshi bullin taach giddeebeeti maayi deejjoon tuniiree deejjee gudoochaa michibe.


gutte yeyitoon bi toommooch beeti shimeteexi awuyona tookki, qamee deshi qati kuxon yeyitoona tookki maaci kichiree giddiibe.


Uro bi awuyo bullin ikkittinee deejjoyich giddeti gijjoochi awuyo maacaa keyoommon maaci kichibe. Qeeshoo Doono Yeeri taach gaawe cinnechi deejjoon tuniiree deejjee gudoochaa deejjibe. Ebiyoommi gommona qeeshoo uroochi axaaxoyich deejjoon bi giddiitaa, uro bi axaaxoyich maaroon danemmone.


uro awuyo bullin ikkittinee deejjoyich giddeti bagee baaddoochi awuyo maacaa keyoommon, maaci kichibe. Qeeshoo, Doono Yeeri taach micciibeeti deejjee toommooch gediree, deejjee gudoochaa michibe. Ebiyoommi gommona qeeshoo uroochi axaaxoyich deejjoon bi giddiitaa, uro bi axaaxoyich maaroon danemmone.


Deejjee gudee toommooch beeti qaaqqoo kuxeyaanoon aaxxe beebe; ciroona tahaaye. Qeeshoo maaddi maaddoona mixon are qaaqqooch shoohe; ebi qaaqqee toommooch micciibeeti deejjoon qanniibe; ikkittinee deejjee awuyon ebi aroochaa goge.


Maaddi maaddoona giddeebeeti, micciibeeti deejjoyee bare maayi deejjoon deebiye; ikke ushon aroochee tiijjiꞌi, deejjee gudee toommoochaa deejjiye.


“ ‘Wuron micciibeeti deejjoyich woyee bare deejjoyich woyee tiikkeshoyich woyee ikkittinee deejjoyich, Doono Yeeri taach giddiyoyich ittoshi qannii beegaata,


“Tunebaani miimoochee woyee bagoochee woyee emmishoochee shiichii shiijjeti qaabboo biisheyemmon tuniyaachemmo neene. Eboshi yaafeenaꞌone. Eboshichi damoon deejjee gudee toommooch wucemmo neene. Boonoshi awuyo Doono Yeerich gaawe cinnoon bi cinnemmoyich, qaaqqoona micciibeeti deejjoon tunii michemmo neene.


Maayi buuroyich, ikkikke wurona tookki zayitoona xirikketi shiritte kobbaye qacini buddinoon, ooge bagee baaddoona tookki zayitoona xirikketi awudde kobbaye qacini buddinoon,


Boonoshich ishichibe: ‘Doono Yeeri taach ittoshi deejjemmi qaaqqoona micciibeeti deejjoo ebine: kuxeyaanoon bulli aaboon micciibeeti deejjoyich bachaalli ikke nati gutte bagee baaddoon qemi qemona deejjibote.


Ittoshi giddemmo, kashechi xaqqoommon ayaanee kexon tuneꞌi hakkeyoyichiye. Ebina Yesuus Kiristoos waanaa emirikkiibeeti ayaanee deejjoon Yeerich giddiyoyich, yaafeeti qeesheenaꞌon tunemmo ittoshine.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ