Leweenaꞌo 3:3 - Kafa Linguistics Project

³ Uro ebi ikkittinee deejjoochee, qaaqqooch michaa giddeebeeti deejjoon tuniiree Doono Yeeri taach giddiibe. Biyoo maacee meechi toommooch beeti awuyo bullin,

Leweenaꞌo 3:3 ပူးပေါင်းရင်းမြစ်များ

Shoddo 119:70

Boonoshi mullo manje muumoone; tunebaani ta, ne sheeroona emiriyoye.

Keyo 29:13

Aroochee maacee meechi toommooch beeti awuyo bullin, qamee deshi qati kuxonaa gutte yeyitoonon, bi guudoona beeti awuyona tookki daami, deejjee gudee toommoochaa michibe.

Keyo 29:22

“Ebi bagee baaddoo qeesheenaꞌon ukkiriyee baaree bago bi tunetoyich, bi awuyon, bi naatoon, bi maacee meechi toommooch beeti awuyon, bi qamee deshi qati kuxon, gutte bi yeyitoonaa bi guudoona beeti awuyonon, bi qanne baatee galloonoo maaci kichibe.

Shaahiyoo 23:26

Ta bushoocho, gaawichi ellebe; ne aafeenaꞌo ta gommon ciineete.

Isiyaasi 6:10

Boonoshi aafoona boonoshi ciinaachemmoyich, boonoshi waamona boonoshi waayeyaachemmoyich, boonoshi mulloona boonoshi shalligaachemmoyich, ta waan wotteree boonoshi wodaachemmoyich, ebi asheenaꞌo mulloon muumiibe; boonoshi waamon ulliibe; boonoshi aafoon kaafe” iye.

Hiziqeeli 36:26

Andire mulloon ittoshich immemmo taane; andire ayaanoonoo ittoshi kashooch kotiyemmo taane; xaqqee mulloon ittoshi meechi daggoochee kichemmo taane; meechi mulloon ittoshich immemmo taane.

Hiziqeeli 44:15

Nuggishoo Doono Yeeri ishichiye: “Tunebaani Israꞌeelee macceenaꞌo ta waanee boonoshi wokkiyooba, ta yaafee kechi qociyoon quyeti Sadooqichi yareenaꞌo tuneti Lewee qeesheenaꞌo taach maddoyich ta waan katinnemminaꞌone; awuyonaa damoonochi deejjoon taach giddiyoyich ta aafooch neexemminaꞌone.

Leweenaꞌo 1:12

Uroo quumoon, qelloonaa awuyonon maaci kichibe. Qeeshoo ebi bullin qaaqqee toommooch beeti michi toommooch qeene.

Leweenaꞌo 1:8

Aroochee qelloonaa awuyonon bare meeno bullina tookki qaaqqee toommooch beeti michi toommooch qeeneete.

Leweenaꞌo 16:25

Axaaxoyich deejjeeti gijjoochi awuyon deejjee gudee toommoochaa michibe.

Leweenaꞌo 3:16

Qeeshoo eboshi bullin qaaqqooch michaa taach giddeebeeti, gaawe cinnechi maayi deejjoon tuniiree deejjee gudoochaa michibe. Deejjeyoyich giddeti gijjoochi awuyo bulli taachone.

Leweenaꞌo 3:2

Biyoo deejjoyich bi giddiiti gijjoochi qellooch bi kishoon kotiibe. Ebi aroonoo danee duukkaanee kelloochaa guuribe. Qeesheenaꞌo tuneti Harooni anaami bushiisheenaꞌo damoon deejjee gudee awudde naabooch tibibeete.

Leweenaꞌo 3:4

gutte yeyitoon bi toommooch beeti shimeteexi awuyona tookki, qamee deshi qati kuxon yeyitoona tookki maaci kichiree giddiibe.

Leweenaꞌo 4:10

Ebiyoo ikkittinee deejjoyich giddeti wurochee maacaa kechitoommoniye. Are qeeshee guudo ebi bullin micciibeeti deejjoo giddeebeeti deejjee gudee toommoochaa michibe.

Leweenaꞌo 7:30

Ebi michaa giddeebeeti deejjoon bi hajjee kishoona Doono Yeeri taach deebe. Awuyon gaggimatoona tookki giddiibe. Gaggimatoon bariti deejjoo tuniiree Doono Yeeri taach kaama tiijjibe.

Leweenaꞌo 7:5

Qeeshoo ebin Doono Yeeri taach qaaqqoona micciibeeti deejjoon tuniiree deejjee gudoochaa michibe. Ebiyoo xuꞌee deejjoone.

Leweenaꞌo 9:10

Ebi axaaxee deejjee gijjoochi awuyon, yeyitoonaa qamee deshi qati kuxonon deejjee gudoochaa michiye. Ebi bullin Doono Yeeri Muusich gettitoommon tuniiꞌi shuunehe.

Maatiyoosi 13:16

“Tunetaa ittoshi aafo ciinnii bi beetoyich, ittoshi waamoo waayee bi beetoyich, diireeto ittoshine.

Roomi 5:5

Nooch icheti Yaafe Ayaanoona Yeeri bi shunoon no mullooch bi ceechitoyich hini gibeno noon yeelliyaache.

Roomi 6:6

Axaaxee gommo waan yeepphiibeeti gonde qaatoo ciroona aallemmoyich, Kiristoosi masqalooch bi yooddehooba, wonnee geene no mullo biinna tookkii yooddeꞌi bi qitoon ariibeeto noone; ebi tuneto ebiyee bekk axaaxoyich no hajjeyaachemmoyichiye.

Yibbaatoo 30:6

Doono Yeeri ne mulloonaa ne shiijjereenaꞌo mulloona biich deꞌa gettemmoyich tuniyemmone. Ebiyoo ne Nuggishoo Doono Yeerin ceeni ne mulloonaa ceeni ne kashoona ne shunnemmoyich, kashoonoo ne beeyemmoyichiye.

1 Saameeli 2:15

Ebiyoommon wotta, awuyoo batt micaan beetaa, qeeshoochi aafee bushoo waaꞌi, deejjoon giddiibeeti uroon, “Qeeshoo gaare meenonani, kachiti meenon ne waanee deꞌaachemmo bi tunetoyich, biich micheyemmi gaare meenon taach imbe” ii beehe.