Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Leweenaꞌo 3:16 - Kafa Linguistics Project

16 Qeeshoo eboshi bullin qaaqqooch michaa taach giddeebeeti, gaawe cinnechi maayi deejjoon tuniiree deejjee gudoochaa michibe. Deejjeyoyich giddeti gijjoochi awuyo bulli taachone.

အခန်းကိုကြည့်ပါ။ ကော်ပီ




Leweenaꞌo 3:16
19 ပူးပေါင်းရင်းမြစ်များ  

Abeeliyoo wotta bi bageenaꞌo daggoochee awuyonaa shiichii shiijjetonon guuriꞌi Doono Yeerich deejjiye. Doono Yeeriyoo Abeelinaa bi giddiiti deejjoonon ciinniꞌi emiriye.


Woddoo tuneti micciibeeti deejjoyee baroo ikkittinee deejjee awuyonaa micciibeeti deejjoona tookkii giddeebeeti uyee deejjoona, giddee beetone. Ebiyoommon Doono Yeerichi yaafee kechi maddoo wottee yeshehe.


Solomooni Doono Yeerichi yaafee kechi ciinooch beeti, addibaabee daggeexi xaaꞌoon yaafiye. Aroochaa micciibeeti deejjoon, ikkittinee deejjee awuyonoo giddiihe. Ebin bi tuniitoo, gooshoochee bi shuuniiti deejjee gudo micciibeeti deejjoon, maayi buuroonaa awuyonon deejjoyich bi giishetoyichiye.


Aroochee maacee meechi toommooch beeti awuyo bullin, qamee deshi qati kuxonaa gutte yeyitoonon, bi guudoona beeti awuyona tookki daami, deejjee gudee toommoochaa michibe.


“Ebi bagee baaddoo qeesheenaꞌon ukkiriyee baaree bago bi tunetoyich, bi awuyon, bi naatoon, bi maacee meechi toommooch beeti awuyon, bi qamee deshi qati kuxon, gutte bi yeyitoonaa bi guudoona beeti awuyonon, bi qanne baatee galloonoo maaci kichibe.


Biiyoona bi yexxeyemmoyich Doono Yeeri daaggiye; bi kashoon axaaxee deejjoo bi tuniitoyee gubb, bi yaroon beeggemmone; bi eeno genjemmone; Doono Yeerichi daaggoo bi kishoona ceennemmone.


Nuggishoo Doono Yeeri ishichiye: “Tunebaani Israꞌeelee macceenaꞌo ta waanee boonoshi wokkiyooba, ta yaafee kechi qociyoon quyeti Sadooqichi yareenaꞌo tuneti Lewee qeesheenaꞌo taach maddoyich ta waan katinnemminaꞌone; awuyonaa damoonochi deejjoon taach giddiyoyich ta aafooch neexemminaꞌone.


Qeeshoo damoon danee duukkaanee kellooch beeti Doono Yeerichi deejjee gudee toommooch wucibe; awuyonoo Doono Yeerich gaawe cinnoon bi cinnemmoyich tuniiree michibe.


Ebi emmishoochi awuyo bullin, ikkittinee deejjoyich giddeti gijjoochi awuyon bi michoommon, deejjee gudoochaa michibe. Ebiyoommi gommona qeeshoo uroochi axaaxoyich deejjoon bi giddiitaa, bi axaaxoyich maaroon danemmone.


Uro bi awuyo bullin ikkittinee deejjoyich giddeti gijjoochi awuyo maacaa keyoommon maaci kichibe. Qeeshoo Doono Yeeri taach gaawe cinnechi deejjoon tuniiree deejjee gudoochaa deejjibe. Ebiyoommi gommona qeeshoo uroochi axaaxoyich deejjoon bi giddiitaa, uro bi axaaxoyich maaroon danemmone.


Awuyon, naatoon, maacee meechi toommooch beeti awuyo bullin, qamee deshi qati kuxon, gutte yeyitoon bi toommooch beeti awuyona tookkii, gubbi qanne baatee galloonoo deebiye.


Qaaqqoo Doono Yeeri aafoochee kindiꞌi, deejjee gudee toommooch beeti deejjoonaa awuyonon michii aalliihe. Asheenaꞌo bulli ebin beeggiꞌi ililiyeete; baroonoo showooch guufeheete.


Yesuusiyoo wochiꞌi ishichiye: “ ‘Ne Nuggishoo Doono Yeerin ceeni ne mulloona, ceeni ne kashoona, ceeni ne shalligoona shune’ ii beetone.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ