Leweenaꞌo 3:1 - Kafa Linguistics Project

¹ “ ‘Asho koniyoona bi giddiibeeti deejjoo miimoochee giddeebeeti ikkittinee deejjoo bi tunegaata, bachaalli gattoon woyee miimin Doono Yeeri taach giddiibe.

Leweenaꞌo 3:1 ပူးပေါင်းရင်းမြစ်များ

1 Kiinoo 21:26

Daawiti arooch, Doono Yeerich deejjee gudoon shuuneꞌi, micciibeeti deejjoonaa ikkittinee deejjoonon giddiihe. Doono Yeerinoo qollehe; Doono Yeeriyoo deejjee gudee toommooch beeti deejjoon maayemmi qaaqqoon shimaayoochee deejjoona bi qolloon waayehe.

Keyo 20:24

“ ‘Showoon gutiree deejjee gudoon taach shuunebote. Aree toommoochoo micciibeeti deejjoonaa ikkittinee deejjoonoyich, ittoshi bageenaꞌoochee, ittoshi emmisheenaꞌonaa ittoshi miiminaꞌonoochee taach deejjibote. Ta shigo shalligeyemmoyich ta tuniyemmi xaaꞌoo aabiichona, ittoshi waan waaree ittoshin diiremmo taane.

Keyo 24:5

Aroochee Israꞌeelee gurimaasheenaꞌon bi wochetaa, boonoshiyoo micciibeeti deejjoon deejjiyeete; wurinaꞌonoo ikkittinee deejjoon tuniiꞌi Doono Yeerich deejjiyeete.

Keyo 29:28

Gubbich Israꞌeeleenaꞌo ikkittinee deejjoon taach boonoshi giddiihooba, ta aafooch boonoshi tiijjemmi, ebi gaggimatoonaa gubbi baatee galloona qeesheenaꞌochi qoodoone. Ebiyoo Harooninaa gubbi bi shiijjereenaꞌonoyich bulli yemeenee doyoo tunemmone. Ebiyoo Israꞌeeleenaꞌo Doono Yeeri taach boonoshi giddiyemmi deejjoone.

Shaahiyoo 7:14

“Deejjoon giddiiyeshi ta aahee, hanaach ta tiikkeshoon ceechiti taane.

Hiziqeeli 43:27

Ebi decinaꞌo ciiretoyee gubb, qeesheenaꞌo shimittinnee qemoochee tiijji asheenaꞌochi micciibeeti deejjoonaa ikkittinee deejjoonon, deejjee gudooch deejjemminaꞌone; tawoo boonoshin gaawe aafoona ciinnemmo taane, iye Nuggishoo Doono Yeeri” iye.

Hiziqeeli 45:15

Mocechi Israꞌeelee gaddoochee gutte balle bagoochee ikke bagoon immemmo ittoshine; eboshiyoo ittoshi axaaxoon maariyoyich, maayi buuroyich, micciibeeti deejjoonaa ikkittinee deejjoonoyich tunemminaꞌone, iye Nuggishoo Doono Yeeri.

Leweenaꞌo 1:10

“ ‘Uro micciibeeti deejjoyich bi giddiibeeto, bagoon woyee emmishoon bi tunegaata, bachaalli baaddoo tunebe.

Leweenaꞌo 1:3

“ ‘Deejjoon bi giddiibeeto, micciibeeti deejjoyich bi miimoochee tunegaata, bachaalli wuron giddiibe. Doono Yeeri ta deqqemmoyich, danee duukkaanee kelloochaa giddiibe.

Leweenaꞌo 17:5

Ebi sheeroo bi icheto, Israꞌeeleenaꞌo xalle gaddoochaa boonoshi guuriibeeti deejjee gijjeenaꞌon danee duukkaanee kellooch, qeeshoo waan deebiree, ebi aroochaa ikkittinee deejjoon tuniiree Doono Yeerich boonoshi deejjemmoyichiye.

Leweenaꞌo 3:6

“ ‘Ikkittinee deejjoyich Doono Yeeri taach giddeebeeto, bago woyee emmisho bi tunegaata, bachaalli gideree woyee baaddoo tunebe.

Leweenaꞌo 9:18

Harooni asheenaꞌochi ikkittinee deejjoyich giddeti wuronaa bagee baaddoonon guuriye. Bi anaami bushiisheenaꞌo damoon giddiitaa deejjee gudee awudde naabooch tibiye.

Leweenaꞌo 9:4

ikkittinee deejjoyich ikke gattoonaa ikke bagee baaddoonon zayitoona xirikketi maayoona tookki Doono Yeeri aafooch giddiibote. Ebiyoo Doono Yeeri hanaach ittoshich bekkemmo bi tunetoyichiye’ gete” iye.

Amootsi 5:22

Micciibeeti deejjoonaa maayi buuroonon taach ittoshi giddiitaa, deꞌaachemmo taane. Ikkittinee deejjoyich awujjiti gijjoon ittoshi giddiiteenolla guudi beegaachemmo taane.

Milikiyaasi 1:14

Beshe Mawe Doono Yeeri ishichiye: “Ta, ooge Taatoo taane; ta shigoo aageteenaꞌo daggooch shatteetone. Taach giddiiya bi mookketi bagee baaddoo bi gijjee daggooch beetaa, dawushoona shappe quumechon taach deejjoon giddiimmo uppeton tunebe” iye.

Milikiyaasi 1:8

Wolle gijjoon deejjoo ittoshi giddiyoo ebi tatoone? Baata sheqqe gijjoonaa biiyechi gijjoonon deejjoo ittoshi giddiyoo ebi tatoone? Ebin ittoshi ukkiroyich ittoshi giddiitaa, iberoochaa emiroona deꞌiree ittoshin galletehe?” iye Beshe Mawe Doono Yeeri.

Haddoo 15:8

“ ‘Wuron micciibeeti deejjoyich woyee bare deejjoyich woyee tiikkeshoyich woyee ikkittinee deejjoyich, Doono Yeeri taach giddiyoyich ittoshi qannii beegaata,

Haddoo 6:14

bi deejjoon Doono Yeerich giddiibe. Bachaalli ikke nati bagee baaddoon micciibeeti deejjoyich, bachaalli ikke nati gidere bageen axaaxee deejjoyich, bachaalli ikke ooge bagee baaddoon ikkittinee deejjoyich,

Haddoo 7:17

ikkittinee deejjoyich gutte gattoo, uuche ogooge bagee baaddoo, uuche emmishee baaddoonaa ikke nato tuneti, uuche bagee baaddoonane. Aminadaabi bushoo Nahishoonichi wojjoo ebine.

Haddoo 7:59

ikkittinee deejjoyich gutte gattoo, uuche ogooge bagee baaddoo, uuche emmishee baaddoonaa ikke nato tuneti, uuche bagee baaddoonane. Fedatsuuri bushoo Gamaleelichi wojjoo ebine.

Yibbaatoo 12:27

Aroochaa meenonaa damoonon micciibeeti deejjoon tuniiree ne Nuggishoo Doono Yeerichi deejjee gudoochaa deejjibe. Meenon ne maayemmi deejjoon ne giddii beegaata, damoon deejjee gudee toommooch tibibe.

Qolaasiyaasi 1:20

masqalooch ufeti ebi bi Bushoochi damoona diggoon tuniiꞌi, showooch tuneba shimaayooch beeti mooyo bulli biinna tookki shunemmoyich tuniihe.

Hibireena'o 10:22

no shuuneti axaaxoo no toommooch deebiibeeti mullee ittibatoochee xalloyich no mulloon wuceeree, no ashittinoon xalle aacona macheree, ibere mulloona Yeeri toommooch manjiti mullee tooꞌiyoona bi waan giddebone.

1 Yowannisi 1:3

Wotta noonna tookki ikkittino ittoshich bi beeyemmoyich, no beeggetonaa no waayetonon ittoshich gettaabeeto noone. No ikkittinoo Nihoo Yeerinaa bi Bushoo Yesuus Kiristoosina tookkiiniye.

Woraaferasheenaꞌo 20:26

Aroochee Israꞌeeleenaꞌo bulli Beeteel hammiꞌi aroochaa eeppiyeete; Doono Yeeri aafooch koteheete; xumemmi wottoonoo coomiyeete; Doono Yeeri aafooch micciibeeti deejjoonaa ikkittinee deejjoonon giddiiheete.

Woraaferasheenaꞌo 21:4

Bi dechara maaddoona asheenaꞌo tiyii deejjee gudoon shuuneꞌi, micciibeeti deejjoonaa ikkittinee deejjoonon giddiiheete.