Leweenaꞌo 27:30 - Kafa Linguistics Project

³⁰ “ ‘Showooch shaggiibeeti maayoochee tuneba michi aafoochee asraato taachone; Doono Yeeri taach yaafeetone.

Leweenaꞌo 27:30 ပူးပေါင်းရင်းမြစ်များ

Halloo 14:20

Ne etteenaꞌon ne kishooch beshii immiti, Beshe Nuggishoo Yeeri diireebe” iye. Abraamiyoo kecoochee bi daneto bulliichee aashiroochee ikke beeroon biich immiye.

Halloo 28:22

hini ta neechiti xaqqo Yeeri ne kexo tunemmone; taach ne immemmi mooyo bulliicheenoo aashiroochee ikke beeroon neech immemmo taane” iye.

Halloo 47:24

Tunebaani maayi qecci goorooch, uuchoochee ikke beeroon Faroonich giijjemmo ittoshine. Awudde beeroon wotta ittoshi shookkemmi yaroo, ebiyoommon ittoshich, ittoshi kechi asheenaꞌonaa ittoshi bushiishoonoyich maayo tuniyemmo ittoshine” iye.

Halloo 47:26

Ebich Yooseefi “Shaggiti maayoochee uuchoochee ikke beeroo Faroonich gibe” immi sheeroon Gibitsee showooch neechiye. Ebi sheeroo hanaach beddaahaa shuunee beetone. Ebiyooba Faroonichi kishooch giyaani showoo qeesheenaꞌo showoo baachiye.

2 Kiinoo 31:12

Aroochee maayi buuroon, asraatoonaa Yeerich kechiti wojjeenaꞌonon gibeneyoona deebiꞌi arooch geddiyeete. Lewoo Konaniyi ebi qiiceenaꞌo toommooch ukkirehe. Bi manoo Shimeꞌiyoo ukkirittinoona biyee guttinnoone.

Nehimi 12:44

Yihudi yoodee asheenaꞌo, maddeebeeti qeesheenaꞌonaa Leweenaꞌona boonoshi emiritoyich, sheeroo gettii beetoommon, qeesheenaꞌonaa Leweenaꞌonochi qoodee maayoon katemeenaꞌochi guudeexi goyoochee boonoshi deebemmoyich, gijjee wojjoo, maayi cilloonaa asraatoona koteebeeti qiicee kexinaꞌon quyemmi asheenaꞌo arooba kaacheheete.

Nehimi 13:12

Arooba Yihudee asheenaꞌo bulli, maayoochee, woyinoonaa zayitoonoochee asraatoon qiicee kexinaꞌooch deebiyeete.

Nehimi 13:5

Biyoo, ebiyee aaf Leweenaꞌoyich, shoddechinaꞌonaa kellechinaꞌonoyich, sheeroo gettii beetoommon, icheti maayee buuro, ixaano, yaafee kechi qiiceenaꞌo, asraato icheebeeti maayo, woyinoonaa zayitoona, wotta qeesheenaꞌoyich icheti wojjoo koteebeeti ooge gatoon qanniiꞌi, Xobbiyich immitone.

Leweenaꞌo 27:29

“ ‘Qitibe, getteeti asho koniyoona biisheyaachemmone; wuxaa aallebe.

Leweenaꞌo 27:31

Ikke asho asraato bi immiti mooyon wochii deꞌon bi qaawigaata, bi gatiyee toommooch gatiyee uuche kishoochee ikkoon daakkoo biich qaawiihe.

Maatiyoosi 23:23

“Hini ittoshi maacoon xalloo shaahiibeeti Muusichi Sheeree dojjechinaꞌonaa Fariseenaꞌonote, ittoshich woowo! Kefoo, aaꞌaafoonaa kamuunonoochee asraatoon Yeerich kichiyote; tunebaani sheeree daggooch beeti beshe mooyon qajjitote; ebiyoo tachii nalloo, ashich ariqqeꞌi maaroonaa gibeneeto tunoonane. Are Yeerich ittoshi kichii beeton qayaanoon, eboshinoo wotta tuniiya bedo ittoshine.

Luqaasi 11:42

“Tunebaani hini Fariseenaꞌote, kefoonaa caddiraammoonoochee, daaddeexi cinnechi bechoo bulliichee asraatoon Yeerich kichiyote; tunebaani tachiꞌi nalloonaa Yeerin shunonon qajjitote; are Yeerich ittoshi kichii beeton qayaanoon, eboshinoo wotta tuniiya bedo ittoshine. Ebich ittoshich woowo!

Luqaasi 18:12

Shabaattee daggooch gutte wottoon coomaabeeto taane; ta danaabeeto bulliichee asraatoon neech kichaabeeto taane’ iꞌi corootiye.

Yibbaatoo 18:8

Bi kechi asheenaꞌo boonoshi hajjiton kemmiꞌi ambiche gijjoonona biich boonoshi deejjitaa, biinoommi Leweenaꞌona tookki tate maayoon deꞌe” iye.

Yibbaatoo 26:12

Muusi Israꞌeeleenaꞌoyich ishichiye: “Keejj keejjinnee natooba, ne maayoochee asraatoon ne kichitoyee gubb, maaree boonoshi michemmoyich, ne katemeenaꞌooch koteti Lewee asheenaꞌoyich, shiqqeenaꞌoyich, nihaalleenaꞌonaa xuumeenaꞌonoyich imbe.