Leweenaꞌo 27:28 - Kafa Linguistics Project

²⁸ “ ‘Tunebaani wottaaye, getaa mookkeeꞌi taach kechiti mooyo amolla, asho tuneba gijjoo woyee woraasheeti showoo tuneba kecheyaachemmone; wochenoo deqqeyaachemmone; Doono Yeeri taach kechiti mooyo bulli oogeti yaafoone.

Leweenaꞌo 27:28 ပူးပေါင်းရင်းမြစ်များ

2 Kiinoo 31:14

Lewoo, aabi-keyo waanee kelloon quyeebeeti, Yimini bushoo Qoori, mullee daaggoona Doono Yeerich icheti gijjoonaa yaafeeti mooyinaꞌonon qoodoyich ukkirehe.

Keyo 22:20

“Doono Yeeri tayee bare nuggishoyich deejjoon deejjiibeeto koniyoona wuxaa aallebe.

Hiziqeeli 44:29

Maayi buuroon, axaaxee deejjoonaa xuꞌee deejjoonon maayemminaꞌone; Israꞌeeleenaꞌo daggoochee bariitaa taach kechiti mooyo bulli boonoshicho tunemmone.

Hiziqeeli 48:14

Ebi xaaꞌoo Doono Yeerich yaafeeto bi tunetoyich, boonoshiyoo aroochee kemmaayeete; shaddishoo gettaayeete; ebi showoo bulliyee beshe gaawe showoo bi tunetoyich barooch beshii immaayeete.

Leweenaꞌo 21:22

Ebiyoommi asho buuro tuniitaa taach giddeti, yaafoonaa oogeti yaafoona tuneti maayoochee mamon hakkiye.

Leweenaꞌo 27:21

Tunebaani showoo Yobeelee natooba bi gawukkeehooba, Doono Yeeri taach yaafeebe; taachoo gawukkeebe; qeesheenaꞌo showoo tunebe.

Leweenaꞌo 27:27

Xalloo tuneyaani gijjoo bi tunegaata, bi gatiyoona wochi deꞌe; aree toommooch uuche kishoochee ikkoon daakkibe. Wochii deꞌon bi qayigaata getteeti gatiyoona kechebe.

Leweenaꞌo 27:29

“ ‘Qitibe, getteeti asho koniyoona biisheyaachemmone; wuxaa aallebe.

Haddoo 18:14

“Israꞌeeleenaꞌo waan beeti, Doono Yeerich bariitaa kechiti amee mooyolla bi tunemmo neechiye.

Maatiyoosi 25:41

“Arooba yooche badd beetinaꞌoyich ishichemmone: ‘Hini uppeetinaꞌote, daabiloosinaa bi maraakeenaꞌonoyich qanniti bulli yemeenoon tahaani shiweree qaaqqooch ta waanee hambote!

Roomi 9:3

Ta xibeenaꞌo tuneti ta maneenaꞌoyicha getiree Kiristoosiyee bariree ta qelloona uppeto ta tunemmoyich qaataa beehoye.

1 Qorontoosi 16:22

Doono Yesuusin shunaano koniyoona bi beegaata, aroo uppeto tunebe! No Doonocho, kaate wotteree wobe!

Galaati 3:10

“Sheeroon ceechii no quyoona wodemmo noone” iꞌi gibenee beetinaꞌo uppeꞌiniye boonoshi beeto. Ebiyoo, “Muusichi Sheeree macaafooch kooreeti sheereenaꞌo bullin ceechii quyeyaano bulli uppetone” getaa bi kooreetoyichiye.

Galaati 3:13

“Mixooch yooddeebeeto bulli uppetone” getaa kooreetone; ebich Kiristoosi noocha iꞌi uppeton tuneꞌi sheeroo no toommooch deebemmi ufoochee noon biishehe.

Yibbaatoo 25:19

Ebich ne Nuggishoo Doono Yeeri giyi ne woraashemmoyich neech bi immiibeeti showee guudoona beeti ne etteenaꞌo waanee neen bi kashiihooba, shimaayoyee desh beeti, Amaleeqeenaꞌo shalligeyemmi mooyo bullin hidi aalliibe. Ebin ciroona batteyaahine” iye.

Yibbaatoo 7:26

Ebi tiyaariiti, boonoshi shahalloon ne kexooch deebaahine. Ebin ne tuniigaata, hidaa aallemminaꞌo boonoshi tunoommon newoo hidaa aallemmo neene. Ebi mooyo Doono Yeerina uppeto bi tunetoyich, newoo oogichi shixe; ciigeshoo gete” iye.

Yaasi 6:26

Arooba Yaasi ishichiꞌi callehe: “Hini Yaariki katemoon wochinnoon shuunemmo koniyoona Doono Yeeri aafooch uppeton tunebe. Katemoon shuuneya bi baashihooba, bi gutenee bushoo qitemmone; katemee kellooch shaaqqoon bi xogihooba, guuche ciire bi bushoo qitemmone” iye.

Yaasi 7:1

Tunebaani timeeti mooyon aalliyoo qayona Israꞌeeleenaꞌo Doono Yeerich gibeneyoon qajjiyeete. Yihudi yoodoochee tuneti, Zaari bushoo, Zabidi bushoo, Karimi bushoo Akaani timeeti mooyoochee bi daammitoyich, Doono Yeeri kaaro Israꞌeeleenaꞌo toommooch aaxxehe.

Yaasi 7:25

Yaasiyoo “Ebi shaahe iritoon amoyich no toommooch deebenne? Ebeege, hanaach ne toommoochoo Doono Yeeri iritoon deebemmone” iye. Aroochee Israꞌeeleenaꞌo bulli Akaanin, bi kechi asheenaꞌonaa bi gijjeenaꞌonon xaqqoona yexxii wuxiyeete; qaaqqoonoo goggiyeete.

Woraaferasheenaꞌo 21:11

Ittoshi tuniyemmo ebiniye: Anaamo bullin, wotta anaamona tookkii daneti maachee bullin wuxi ciroona aalliibote” iyeete.

Woraaferasheenaꞌo 21:18

Tunebaani ‘Bi busheen Biiniyaameenaꞌoyich shaakkiimmo uppeton tunebe’ iyaꞌa no wogetoyich, no busheen boonoshich shaakkiyoon hakkaachone” iyeete.

Woraaferasheenaꞌo 21:5

Aroochee “Israꞌeelee yoodeenaꞌo daggoochee hini iitooch, Doono Yeeri aafooch waataano, konine?” iyeete. Ebiyoo “Mitsiphaa Doono Yeeri aafooch giddeyaano bulli qitibe” iꞌi kupphii boonoshi wogetoyichiye.

1 Saameeli 15:18

Doono Yeeriyoo ‘Hamiree ebi axaaxechinaꞌo tuneti Amaleeqeenaꞌon ciroona wuxi hidi aalliibe; boonoshi aallemmi wottoon koye’ iꞌi neen wochehe.

1 Saameeli 15:3

And hamiree Amaleeqeenaꞌon koye; boonoshich beeti mooyo bullin ciroona aalliibe; koninolla echiyaahine; anaamon, maacheen, bushoonaa gaggeroonon wuxibe; wotta boonoshi gattoon, bagoonaa emmishoonon, gaaleenaa kuroonon wuxibe’ itone” iye.