Leweenaꞌo 26:6 - Kafa Linguistics Project

⁶ “ ‘Ittoshi showoon diggoo tuniyemmo taane. Amoyichona keqqaanoon tokkete qeyemmo ittoshine. Gonde cooxinaꞌon ittoshi showoochee aalliyemmo taane. Ittoshi showoon koniyoona koyaachemmone.

Leweenaꞌo 26:6 ပူးပေါင်းရင်းမြစ်များ

2 Taateenaꞌo 2:24

Elisayiyoo gubb wottee ciinniꞌi, boonoshin Doono Yeerichi shigoona uppiye. Aroochee gutte maache diibeenaꞌo kubboochee kechiꞌi, aabbaa gutte bushiisheenaꞌon tiichiyeete.

1 Kiinoo 22:9

tunebaani diggee asho tunemmi bushoo neech shiijjemmone; bi guudoona beeti bi etto bulliichee biin kashiyemmo taane; bi taatee yemeeno bulliich Israꞌeeleenaꞌoyich diggoonaa tooqqii kashoonon immemmo ta tunetoyich, bi shigo Solomooni getteyemmone.

2 Kiinoo 20:30

Bi Nuggishoo bi guudoona beetinaꞌo waanee biin bi kashiitoyich, Yoshafaaxichi taatittino diggehe.

Iyoobi 11:19

Konichona shataanoon tokkete kashemmo neene; meeti asheenaꞌo qollooch ne waan woyemminaꞌone.

Iyoobi 5:23

Ne gochaabeeti showooch xaqqo meetaachemmone; kubbi cooxinaꞌoo neen qaawaachemminaꞌone.

Shoddo 144:14

No miiminaꞌo aangibeete; shooraayeete; aallaayeete; no gommooch caagee eefo beeyaaye.

Shoddo 147:14

Ne showee daaroon diggiihe; gaawe teepphoona neen michiihe.

Shoddo 29:11

Doono Yeeri bi asheenaꞌoyich hakkoon immemmone; Doono Yeeri bi asheenaꞌon diggoona diiremmone.

Shoddo 3:5

Doono Yeeri taan bi quyetoyich, tokketaa qeyaꞌa tiyehoye.

Shoddo 4:8

Doono Yeero, diggoona ta beeyemmoyich tuniyaabeeto ne baach tunetoyich, ta qeyaa beegaata, diggoona tokketemmo taane.

Shoddo 85:8

Nuggishoo Doono Yeeri gettimmon waayemmo taane; mullo muccoona gubb wotto boonoshi qayigaata, bi asheenaꞌoyich, bi yaafeenaꞌoyich, diggoon immemmo bi tunoon gibenikkitone.

Keyo 23:29

Tunebaani ikke nati daggooch boonoshin kichaachemmo taane; ebin ta tuniigaata, showoo ashaalli xafoon tuneree kubbi cooxo woddemmone.

Shaahiyoo 3:24

Ne tokketaa beegaata, shataachemmo neene; shaawi tokketoon tokketemmo neene.

Shaahiyoo 6:22

Eboshiyoo ne hammaa beegaata, neen yaabemminaꞌone; ne qeyaa beegaata neen quyemminaꞌone; ne tiyemmonoo neenna yibbaatemminaꞌone.

Isiyaasi 35:8

Arooch gommo kechemmone; ebiyoo Yaafee Gommo getteyemmone; xalleyaaneenaꞌo aroona besheyaachemminaꞌone; aroona hammemminaꞌo Yeer asheenaꞌo baachiye; tuusheenaꞌo aroona hamaachemminaꞌone.

Isiyaasi 35:9

Daahereenaꞌo arooch beetaachemminaꞌone; kuxxii maabeeti cooxinaꞌo arooch waataachemminaꞌone; aroochoo daneyaachemminaꞌone; tunebaani shiweetinaꞌo aroona shaꞌemminaꞌone.

Isiyaasi 45:7

Manderoonaa bekkoonon hallito taane; deꞌe yemeenoonaa gonde yemeenoonon deebaabeetoo taane; ebi bulli mooyon tuniyaabeeto Doono Yeeri taane.

Isiyaasi 9:7

Bi taatittinoyich daaro, bi diggoyichoo ciiro aalloone. Andee tiijjiree bulli yemeenooch beddaahaa, bi taatittinoon dayinnetoonaa cadiqoona, deggii neechoyich, manjiiyoyichoo, Daawitichi taatee qeenooch kotemmone; Beshe Mawe Doono Yeerichi qanaato ebin tuniyemmone.

Erimiyaasi 30:10

“Ebich ta maddechi Yaaqobo, shattaahine; Israꞌeelo, keqqiyaahine, iye Doono Yeeri. Neen wohi showoochee, ne yareenaꞌonoo boonoshi kecceti showoochee, wodiyemmo taane; Yaaqobi wotteree diggoona tooꞌi kotemmone; koniyoona biin shatiyaachemmone.

Erimiyaasi 31:26

Ebiyee gubb tokketoochee tiyaa ciinneho; ta tokketoo taach shaawiye.

Hiziqeeli 14:15

“Are showooch kubbi cooxon ta daachiitaa, koniyoona aroona besheyaachemmon tuniiꞌi showoon boonoshi yexxii aalliigaata,

Hiziqeeli 14:17

“Woyee ‘Goraado showoona beshebe’ iyaꞌa are showooch ginoon ta deejjaa, ashoonaa gijjoonon bi aalliigaata,

Hiziqeeli 14:21

“Ebich Nuggishoo Doono Yeeri ishichiye: Ashoonaa gijjoonon aroochee aalliyoyich kupphe magge awudde ta naxeenaꞌon, eboshiyoo, ginoon, shaacoon, gonde cooxinaꞌonaa biiyoonon Yerusaalemi toommooch ta deejjiyooba magge mooyo tunemmone.

Hiziqeeli 34:25

“ ‘Diggee wogoon boonoshina tookki giyemmo taane; gonde cooxinaꞌon showoochee aalliyemmo taane; ebina boonoshi diggoona barahooch kotemminaꞌone; kuboochoo tokketemminaꞌone.

Hiziqeeli 34:27

Gaddeexi mixinaꞌo aafemminaꞌone; showoo maayi colloon uummiyemmone; boonoshi showooch keqqaalloon diggoona beeyemminaꞌone; boonoshi waanjee kayoon ta tiishiyooba, boonoshin hajjii beetinaꞌo kishoochee boonoshin ta kichiyooba Doono Yeeri ta tunoon ariyemminaꞌone.

Hiziqeeli 5:17

Shaacoonaa gonde cooxinaꞌonon ittoshi toommooch deejjemmo taane; ittoshi bushiisheenaꞌon aalliyemminaꞌone; biiyo, ashi damee ukkoo ittoshi showoon yexxemmone; ittoshi toommooch ginoon deebemmo taane; Doono Yeeri ta, ebin getteto taane” iye.

Hosee'i 2:18

“Arooba, boonoshicha geti kubbi cooxona tookki, shimaajji kafoonaa yuummere halleenaꞌona tookki wogoon giyemmo taane. Bulliyona diggoona boonoshi beeyemmoyich, koyee qiico bullin, maꞌoonaa goraadoonon showee toommoochee aalliyemmo taane.

Hosee'i 2:20

Gibeneeto tunoona neen tippemmo taane; newoo Doono Yeeri taan ariyemmi neene.

Leweenaꞌo 25:18

“ ‘Ta qociiti qociyoonaa ta dojjiti doyoonon manjiiree quyebote. Ebin ittoshi tuniigaata are showooch keqqaalloon diggoona beeyemmo ittoshine.

Leweenaꞌo 25:19

Showoo maayoon shakkiyemmone. Ittoshiyoo maaree michemmo ittoshine; aroochoo keqqaalloon diggoona beeyemmo ittoshine.

Leweenaꞌo 26:22

Kubbi cooxon ta deejjaa, ittoshin bushaallo tuniyemmone; ittoshi gijjoonoo aalliyemmone. Haddoona ittoshi giishoona, ittoshi gommoo aqqemmone.

Leweenaꞌo 26:25

Ta wogoon ittoshi happitoyich, ginoon ittoshi toommooch deejjiree nichoon kichemmo taane. Ittoshi qelloon wodiyoyich ittoshi katemeenaꞌooch ittoshi kiceetaanona, kupphe biiyoon ittoshi daggooch giijjemmo taane; ittoshi etteenaꞌo kishooch beshiitaa ichemmo ittoshine.

Leweenaꞌo 26:7

Ittoshi etteenaꞌon koyi wochemmo ittoshine. Meetinaꞌon koyi wuxemmo ittoshine.

Mikiyaasi 4:4

Asho bi ikkikkoona, bi woyinee qombee yiirooch, bi balaasee michi xepphoochoo kotemmone; biin keqqichemmo koniyoona aalloone. Beshe Mawe Doono Yeeri ebin gibenikkitone.

Sofoniyaasi 3:13

Curo tuneꞌi echeti Israꞌeeleenaꞌo gonde mooyon shuuneyaachemminaꞌone; kootoonoo kootaachemminaꞌone; ashoon dachee yibbaatoo boonoshi heciyoochee keyaachemmone. Cikkii mocoon yaapphiibeeti bagoochoommon keqqaalleenaꞌo tunemminaꞌone; kashe qeyemminaꞌone; amoyichona shataachemminaꞌone” iye.

Haagi 2:9

Hini yaafee kechi oogee yiiroo aafichoyee beshoon tunemmone. Hini xaaꞌoochaa ta asheenaꞌoyich mashaamiti beemonaa diggoonon immemmo taane’ itone Beshe Mawe Doono Yeeri” iye.

Zakaariyaasi 9:10

Doono Yeeri ishichiye: “Gaarinaꞌon Efreemee showoochee, ginee haresheenaꞌon Yerusaalemee, aalliyemmo taane. Ginee koyee maꞌoonoo tiichemmo taane. Ittoshi taatoo diggoon aageteenaꞌoyich awaajjemmone. Bi taatittino, baharoochee baharooch bedo, Efiraaxisi aacoochee showee tuggooch bedo, tunemmone” iye.

Yowannisi 14:27

Diggoon ittoshich wojjaabeeto taane; ta diggoon ittoshich immaabeeto taane. Hini ittoshich ta immaabeeti diggoo alemo immii beetoommo toonoone. Ittoshi mullo keqqaaye, shatishoo gettaaye.

Mishiraachechinaꞌo 12:6

Taatoo Heroodisi “Pheexiroosin yaach asheenaꞌo aafooch kichibona” iꞌi bi gabiti xumich, Pheexiroosi cuyee kexooch bi yoochinaa bi qanninooch gutte ginee naayinaꞌona tookkii sansalatoona qoqqaaneeꞌi beebee, tokketoo biin yeshaa tokketehe. Wotta kellechinaꞌo kellooch cuyee kexon quyee beeheete.

Roomi 5:1

Illa bi toommooch no mulloon tooꞌiyoona no cadiqitoyee, no Doono Yesuus Kiristoosichi gommona Yeerina tookkii diggoo nooch beetone.