4 amiyon bi goori gooroona ittoshich dichemmo taane. Showoo maayoon shakkiyemmone; mixinaꞌoo aafoon aafemminaꞌone.
Arooba Gilaadee showooch beeti, Tishibee asho Eliyaasi Akaabich “Biich ta maddaabeeti, beeyechi Israꞌeelee Nuggishoo Doono Yeeri beege! Amiyo dihemmoyich ta gettemmi wottoon, waabeeti natinaꞌooch amiyo woyee doshoo (caagibano) beetaachemmone” iye.
Biyoo showee toommooch amiyon dichiye; goyooch aacon deejjiye.
Gumoochee amiyon guudinaꞌooch dichihine; ne kishee shuunoona showoo michiye.
Showee maayoon immahane; no Nuggishoo Yeeri noon diiriye.
Yeeri noon diiriye; showee toommooch beeto bulli biin shattemmone.
Yeero, amiyo gaawichiree bi dihemmoyich tuniihine; shuuqqiti ne showoon shuxiihine.
Doono Yeeri gaawe mooyon immemmone; no showee maayoon immemmine.
Cadiqittino Doono Yeeriyee aaf shiichemmone; bi baatoyich gommon qanniyemmone.
Showooch ittoshi shookkiti yaroyich amiyon dichemmone; showoochee daneebeeti aafo gaawetonaa beshaa beshoona tunemmone; ebiyooba ittoshi gijjeenaꞌo gamini gaddooch maayemminaꞌone.
Shokkoon echiyemmo taane; qepheyaachemmone; showoo ucheyaachemmone; guccinonaa angixona collemmone; amiyo dihaachemmoyich qubeenaꞌoyich gettemmo taane.
Iberoochaa aagetee nuggisheenaꞌo daggooch, amiyon dichoon hakkemmo danehe? Woyee shimaayoo amiyon dichoon hakkehe? No Nuggishoo Doono Yeeri ne toono neene? Ebi bullin tuniibeeto ne tunetoyich, no gibenaabeeto neeniye.
Aageteenaꞌo daggoochaa shaacoona ittoshi cooneyaachemmoyich, ittoshi mixo aafemmonaa ittoshi maayo gaawichi shaggemmonoyich tuniyemmo taane.
Kubbi cooxinaꞌote, shattaahote! Gaddeexi moceenaꞌo cammitinaꞌone; mixinaꞌo aafoon aafetinaꞌone; balaasee mixonaa woyinee qomboona woddii aafetone.
Showoo maayoon shakkiyemmone. Ittoshiyoo maaree michemmo ittoshine; aroochoo keqqaalloon diggoona beeyemmo ittoshine.
Tunebaani shirittinnee natooba showoon ta diiraa, gutte natoyich beddemmi maayoon shakkiyemmone.
“Boonoshi maayi yaroon diggoona shookkemminaꞌone; boonoshi woyinoo aafemmone. Showoo maayoon shakkiyemmone; amiyo shimaayoochee dihemmone. Ebi bulli mooyon curo tuneꞌi echeti ta asheenaꞌo woraashemmoyich tuniyemmo taane.
Tunebaani shimaayoochee amiyon dichiibee, maayo aafemmi yarimmoon immiibee, no maayoon abbetiibee, oogichii noon emirikkiibeenoo, Nuggishoo bi tunoon manjiibeeti deꞌe shuunee shuunoon kuxaanoone” iyeete.
“Hanaach ittoshich ta gettaabeeti geteenaꞌon ceechi quyebote. Ittoshi Nuggishoo Doono Yeerin shunote. Ceeni ittoshi mulloona, ceeni ittoshi kashoonoo biich goyinne maddebote.
Ebin ittoshi tuniigaata, biyoo ittoshich naawee amiyonaa yoochi amiyonon bi goori gooroona bi dichaa, maayoon, woyinoonaa zayitoonon maci kicemmo ittoshine.
“Doono Yeeri shimaayeexi bi goonoochee amiyon yarimmoona ne showooch dichiree, ne kishoona ne shuuneto bullin diiremmone. Ebich meeti aageteenaꞌoyich erettiyemmo neene; tunebaani ne, koni waaneenona eretteyaachemmo neene.
Illa ta maneenaꞌote! Doono Yesuusi waammi wottoon haaꞌiibote. Eke goyechon ciinote; biyoo qaabbe amiyonaa gubbi amiyona dihimmi wottoon haaꞌiibee showoochee daneebeeti, aaxxoo tuneti maayi aafoon quyee beetone.
Eboshi keemoon boonoshi keemmiibeeti aabooba, “Amiyo dihaaye” iꞌi shimaayoon hicoyich hakkoo boonoshich beetone; boonoshi shunnitoommon boonoshi qaawimmi areddoo bullin aacon damoo tuniyoyich, showee toommooch beetinaꞌonoo naxo bullina shooddiyoyich hakkoo boonoshich beetone.