Leweenaꞌo 26:39 - Kafa Linguistics Project

³⁹ Ittoshi daggoochee echetinaꞌo boonoshi axaaxoonaa boonoshi qaabbechinaꞌochi axaaxoonoochee tiyitona, boonoshi etteenaꞌo showoochaa gitteree ciiremminaꞌone.

Leweenaꞌo 26:39 ပူးပေါင်းရင်းမြစ်များ

2 Kiinoo 34:24

‘Doono Yeeri ishichi beetone: Gonde mooyon, ebiyoo Yihudee taatoo aafoochaa shemmeeti macaafooch kooreeti ufo bullin, hini xaaꞌoonaa arooch beetinaꞌonochi toommooch deebemmo taane.

Iziri 9:7

No qaabbechinaꞌochi yemeenoochee tiijjiꞌi hanaach beddaahaa, oogichaꞌa xuqqeto noone. Ebiyoche, no axaaxee naboona nowoo, no taateenaꞌonaa qeesheenaꞌona showee toommeexi taateenaꞌo kishooch beshiitaa ichaꞌa, and beddaahaa goraadoona qecceyooch, kecceyooch, bokkeyoonaa ooge yeelloonooch dihito noone.

Keyo 20:5

Aroyichoo goyinne maddeyaahine. Ne Nuggishoo Doono Yeeri ta, qanaatechi Nuggishoo taane; taan shixxii beetinaꞌon, niheenaꞌo shuuneti axaaxee naboyich, keejjinnee shiijjeroonaa awuddinnee shiijjeroonooch beddaahaa boonoshi bushiisheenaꞌon naxaabeeto taane.

Keyo 34:7

Ta shoodoon hume shiijjerooch beddaahaa quyaabeeto, xuꞌoon, hukkoonaa axaaxoonon maariibeeto taane. Tunebaani gonde shuunechon naxeyaanoon cikki qayaachemmo taane. Niheenaꞌo axaaxoyich bushiisheenaꞌon, boonoshi bushaa bushiisheenaꞌon keejjinnee shiijjeroonaa awuddinnee shiijjeroonooch beddaahaa naxemmo taane” iye.

Isiyaasi 14:21

Boonoshi qaabbechinaꞌochi gondoyich, bi anaami bushiisheenaꞌo guureyemmi xaaꞌoon qanniibote. Ebiyoo tiyi showoon woraashiree, meeti katemoon boonoshi shuuneyaachemmoyichiye” gettemmo neene.

Isiyaasi 24:16

“Cadiqo tuneti biich oogo tunebe” immi shoddo showee tuggoochee waayeyemmone. Tunebaani ta, “Dallito taane; dallaa muujjeto taane; taach woowo! Dawushechinaꞌo dawushitinaꞌone; boonoshi dawushoonoo beshii beshii hammitinaꞌone” iyo.

Erimiyaasi 29:12

Ittoshiyoo taan ceeggemmo ittoshine; waaree ta waan corootemmo ittoshine; tawoo ittoshin waayemmo taane.

Erimiyaasi 3:25

Wonnee tiijjaꞌa hanaach beddaahaa, noonnaa no qaabbechinaꞌona no Nuggishoo Doono Yeeri toommooch axaaxoon no shuunetoyich, no Nuggishoo Doono Yeerichi qaaroonoo waayo no qajjetoyich, no yeelloon beeroochoommon heci, no cooneyoonoo qoreddoochoommon ukeree, qebone.

Erimiyaasi 31:29

Ebiyoobee yemeenooch “Niheenaꞌo maati kiikkere woyinee naboona bushiisheenaꞌochi gasho qorixehe” immi woni yibbaatoo echemmone.

Shoosho 1:3

Yihudee asheenaꞌo guuchittinoonaa xuuxoona beebee, aroochee kecaa hammiyeete; aageteenaꞌo daggooch koteheete; aroochaa tooqqii kashoon mucceheete; boonoshi etteetinaꞌo bulli, xuuxeꞌi boonoshi beetaa daneheete.

Shoosho 4:9

Shaacoona qititinaꞌoyee, goraadoona qititinaꞌoyich gaawiye; budoochee daneebeeti maayoon mucceꞌi, xambii aalletinaꞌone.

Hiziqeeli 18:19

“Tunebaani ittoshi ‘Bushoo bi nihoochi axaaxoyich amoyich naxeyaache?’ ii beeto ittoshine. Bushoo dayinnetoonaa kaamoona tuneti mooyon bi tuniigaata, ta qociyeenaꞌo bullin bi quyegaata, iberoochaa kashoona beeyemmone.

Hiziqeeli 20:43

Aroochaa ittoshi eeꞌeti gomminaꞌonaa ittoshi shuunoo bullinon shalligemmo ittoshine; ittoshi shuuneti gondo bullich ittoshin wochi ciigemmo ittoshine.

Hiziqeeli 24:23

Ittoshi qelli caaco ittoshi qellooch, ittoshi caammoo ittoshi baatooch beeyemmone; muushene eefaachemmo ittoshine; ittoshi axaaxee naboona kinikinnemmo ittoshine; ittoshinaa ittoshina gaashillemmo ittoshine.

Hiziqeeli 33:10

“Ashi bushoocho, Israꞌeelee macceenaꞌoyich ishichibe: ‘No xuꞌoonaa no axaaxoona no toommoochiye; eboshichi naboona maajjeto noone; kashoona no beeyemmo aabichireeshiye?’ ito ittoshine.

Hiziqeeli 36:31

Gonde ittoshi gommonaa gaaweyaani ittoshi shuunoonon gabemmo ittoshine; ittoshi xuꞌoonaa ittoshi eeꞌoonoyich ittoshin wochi ciigemmo ittoshine.

Hiziqeeli 4:17

Koshonaa aacona boonoshich guutemmo bi tunetoyich boonoshinaa boonoshina keqqoona ciineyemminaꞌone; boonoshi axaaxee naboona maajjemminaꞌone” iye.

Hiziqeeli 6:9

Ebi muriccii woditinaꞌo, tayee wokkiti yahechi boonoshi mulloonaa shahalloo waan wotteti yahechi boonoshi aafoona am shaahoon taan boonoshi ayinikkito gaata aagetee showooch beechi shalligemminaꞌone; boonoshi shuuneti gonde mooyonaa ciigiiti mooyonoochee tiyitona boonoshi qelloon hoxemminaꞌone.

Hosee'i 5:15

“Boonoshi xuꞌoon boonoshi ariimmi wottoon, taan boonoshi qaawimmi wottoon, ta xaaꞌooch wotte hammemmo taane. Boonoshi iritee aabooba taan kupphii qaawemminaꞌone” iye.

Zakaariyaasi 10:9

Aageteenaꞌo daggooch boonoshin ta shaccetaanona wohi showooch beechi taan shalligemminaꞌone. Boonoshi bushiisheenaꞌona tookki kashoona beeree, boonoshi showooch wottemminaꞌone.

Yibbaatoo 28:65

Ebi aageteenaꞌo daggoochaa diggoon muccemmo neene; ne baatoo tooqqemmi xaaꞌoon muccemmo neene. Ebi aroochaa Doono Yeeri neen betiyemmone; gibenoon ne kuxxemmonaa goggoon ne mawiyemmonon tuniyemmone.

Yibbaatoo 30:1

Muusi Israꞌeeleenaꞌoyich ishichiye: “Illa and diiroonaa ufonon, ebi gutte mooyon ne aafooch kotiito taane. Ebi mooyo bulli ne toommooch shagaa, ne Nuggishoo Doono Yeeri neen shacciti aageteenaꞌo daggooch beebee, ebi mooyon shalligemmo neene.

Yibbaatoo 5:9

Aroyichoo goyinne maddeyaahine. Ne Nuggishoo Doono Yeeri ta, qanaatechi Nuggishoo taane; taan shixxii beetinaꞌon keejjinnee shiijjeroonaa awuddinnee shiijjeroonooch beddaahaa, niheenaꞌo shuuneti axaaxee naboyich naxemmo taane.

Yibbaatoo 8:20

Ittoshi Nuggishoo Doono Yeerichi qaaroon waayo ittoshi qayigaata, ittoshi aafoochee bi aalliyemmi aageteenaꞌochoommon aallemmo ittoshine.