Leweenaꞌo 26:37 - Kafa Linguistics Project

³⁷ Koniyoona boonoshin yoohaanoon, ginoochee muriccii beetochoommon, wocibee boonoshinaa boonoshina tepheeree dihemminaꞌone. Ittoshi etteenaꞌona tookki koyoon hakkaachemmo ittoshine.

Leweenaꞌo 26:37 ပူးပေါင်းရင်းမြစ်များ

Isiyaasi 10:4

Qoppeenaꞌo daggooch gutenoyee, guureetinaꞌo daggooch dihoyee besh, ittoshich echeto amolla aalloone; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Erimiyaasi 37:10

Ittoshin kochiibeeti Baabloonee ginee naayinaꞌo bullin ittoshi kochii wochimmo gaatoona, boonoshiichee muriccii echeꞌi bi duukkaani duukkaanooch beeti mayeti asheenaꞌo bulli tiyiree hini katemoon qaaqqoona michemminaꞌone” iye.

Erimiyaasi 46:16

Boonoshicho tuneti meetinaꞌo tepheeree dihemminaꞌone; ikkoo toommooch ikkoo dihemmone; boonoshiyoo ‘Tibote; hini ettoochi goraadoochee no xibeenaꞌo waan, no shiijjee showooch hambone’ gettemminaꞌone.

Erimiyaasi 6:21

Ebich Doono Yeeri ishichiye: “Hini macceenaꞌo aafooch xugeenaꞌon geddemmo taane; niheenaꞌonaa bushiisheenaꞌona ikkittinoona tepheyemminaꞌone; giyeenaꞌonaa xibeenaꞌonoo qiti ciiremminaꞌone” iye.

Leweenaꞌo 26:17

Tawoo ittoshich etto tunemmo taane; ittoshi etteenaꞌo ittoshin koyi wochemminaꞌone; ittoshin shixxii beetinaꞌo ittoshin hajjemminaꞌone; ittoshiyoo koniyoona ittoshin yoohaanoon woci aallemmo ittoshine.

Naahoomi 3:3

Hareshecho guubbiye; goraado tiikkii, ginoo wacciye; dofee asho qitiye; dubeno guteehe; asheenaꞌo ebi dubenoona tepheeheete.

Haddoo 14:42

Hammaahote; Doono Yeeri ittoshina tookki tuneyaachemmone; ebich ittoshi etteenaꞌo ittoshin koyi wochemminaꞌone.

Woraaferasheenaꞌo 2:14

Ebina Doono Yeeri kaaro Israꞌeeleenaꞌo toommooch cufiye; biyoo boggemmi bokkeenaꞌo kishooch boonoshin beshiiꞌi immiye. Boonoshi guudoona beeti boonoshi etteenaꞌo kishooch boonoshin beshiiꞌi immiye. Ebich boonoshi etteenaꞌo aafooch kuppheꞌi neexoon mawiiheete.

Woraaferasheenaꞌo 7:22

Keejje balle tiroon boonoshi huggimmona, Doono Yeeri ebi etteenaꞌo boonoshinaa boonoshina wochiree goraadoona koye boonoshi ciiremmoyich tuniihe. Ebi ginee naayinaꞌo Tsereree showoo waan beeti, Beet Shixaaha beddaahaa, Xabaati katemee gaꞌooch beeti Abeel Meholi katemee gocooch beddaahaanoo wocciyeete.

1 Saameeli 4:2

Filsixeemeenaꞌo yaaroona kechiꞌi Israꞌeeleenaꞌon kochiyeete. Koyoo qeeccii hammimmona, Filsixeemeenaꞌo Israꞌeeleenaꞌon kochii wochiyeete. Boonoshiyoo are koyee xaaꞌoochaa awudde hum bede asheenaꞌon wuxiyeete.