Leweenaꞌo 26:36 - Kafa Linguistics Project

³⁶ “ ‘Ittoshi daggoochee kashoona echetinaꞌo boonoshi etteenaꞌo showooch boonoshi beetaa, boonoshin keqqichemmo taane. Yongo shuurikkiibeeti michi waamona boonoshin betiyemmone; ginoochee muricciꞌi woccii beetochoommon, woci aallemminaꞌone; boonoshin yookkito aalloon dihemminaꞌone.

Leweenaꞌo 26:36 ပူးပေါင်းရင်းမြစ်များ

Halloo 35:5

Aroochee are xaaꞌoon gawukkii hammiyeete. Yeeriyoo boonoshi guudoona beeti katemeenaꞌooch beeti asheenaꞌo bulli toommooch oogeti shaton bi kindiitoyich, Yaaqobinaa bi bushiishoonon yookkii dabbito koniyoona aalloone.

Halloo 4:12

Showoon ne goyaa, ebiyee bekk maayoon neech imaachemmone. Showee toommo bulliich ne kexon waaxi gooyi, yallyallimemmo neene” iye.

2 Kiinoo 14:14

Geraari katemee guudoona beeti katemeenaꞌo toommooch oogeti keqqoo Doono Yeer waanee bi kinditoyich, katemeenaꞌo bullin aalliiheete. Are katemeenaꞌooch wodde mooyo bi beetoyich keccii daammiyeete.

Iyoobi 13:25

Kokeshoommi taan ne shatiyaabeeto, amoyichiye? Hini maaxxoommi taan yookkaa ne dabbaabeeto, amoyichiye?

Shoddo 53:5

Boonoshiyoo shattiyemmi mooyo aalloon aroochaa oogichii shattiyeete; Yeeri bi asheenaꞌochi etteenaꞌo shaawushoon shacciye; Yeeri boonoshin bi qajjitoyich boonoshi yeellemmoyich tuniihe.

Shoddo 53:6

Israꞌeelin wodiyecho Tsiyoonee waashoo geta! Yeeri bi asheenaꞌochi kecoon bi wochiyooba, Yaaqobi emiremmone; Israꞌeeli emiroona wucwuccemmone.

Shoddo 89:43

Aci bi goraadoon duciihine; koyoochaanoo biin gaachoon qajjehine.

Shaahiyoo 28:1

Gonde asho, koniyoona biin yoohaanoon wocciye; tunebaani cadiqo daaheroochoommon keqqaalloon beehe.

Isiyaasi 30:17

Ikke ashi miicho ittoshi daggoochee humeenaꞌon yoohi aalliyemmone; uucheenaꞌochi miicho ittoshi bullin yoohi aalliyemmone; ittoshi bulli woccii aallemmona, echeti giishecheenaꞌo guudi toommeexi baanderee mixochoommon, geppee toommeexi malletoochoommon tuneree echemminaꞌone” itone.

Isiyaasi 7:2

Daawitichi yareenaꞌoyich, “Sooriyeenaꞌonaa Efreemichi yareenaꞌona guuphitinaꞌone” getaa getteehe. Ebich Akaazinaa bi asheenaꞌonochi mullo keqqoona, yongo shuurikkiibeeti kubbi mixon shaahiye.

Isiyaasi 7:4

Taatoo Akaazichoo ishichiree gete: ‘Neen ariibe; cikkibe; shattaahine. Ebi micciꞌi cufiibeeti gutte michi xugoomminaꞌo tuneti Sooriyee taatoo Resininaa Remaliyichi bushoonoyich ne mullo keqqaaye.

Erimiyaasi 37:10

Ittoshin kochiibeeti Baabloonee ginee naayinaꞌo bullin ittoshi kochii wochimmo gaatoona, boonoshiichee muriccii echeꞌi bi duukkaani duukkaanooch beeti mayeti asheenaꞌo bulli tiyiree hini katemoon qaaqqoona michemminaꞌone” iye.

Erimiyaasi 46:16

Boonoshicho tuneti meetinaꞌo tepheeree dihemminaꞌone; ikkoo toommooch ikkoo dihemmone; boonoshiyoo ‘Tibote; hini ettoochi goraadoochee no xibeenaꞌo waan, no shiijjee showooch hambone’ gettemminaꞌone.

Shoosho 1:3

Yihudee asheenaꞌo guuchittinoonaa xuuxoona beebee, aroochee kecaa hammiyeete; aageteenaꞌo daggooch koteheete; aroochaa tooqqii kashoon mucceheete; boonoshi etteetinaꞌo bulli, xuuxeꞌi boonoshi beetaa daneheete.

Shoosho 1:6

Tsiyoonichi oogee yiiroo bulli biyee wokkitone; bi iraasheenaꞌoo gaddoochee yookkeꞌi shaaceti doolloon shaahitinaꞌone. Boonoshin yookkii beetinaꞌo aafooch giidoo qacheebee wocciyeete.

Shoosho 4:19

Noon yookkii beetinaꞌo shimaajji booyoyee beshe afaafinechinaꞌone; guudinaꞌochi toommoochaa noon yookkii dabbiyeete; barahoochaanoo noon ottii quyeheete.

Hiziqeeli 21:12

Ashi bushoocho, ebi mooyo ta asheenaꞌochi toommooch, Israꞌeelee iraasheenaꞌo bulli toommooch, bi waatoyich cookibe; woowo, gete. Eboshi ta asheenaꞌona tookkii beshiitaa goraadoyich ichetinaꞌone; ebich ne getoon qice.

Hiziqeeli 21:15

Boonoshi mullo muujjemmoyich, meetinaꞌo tepheyemmoyich, phaqqiibeeti goraadoon boonoshi kello bulliich geddemmo taane; bi waccemmoyich yoppheetone; wuxoyich gayireetone.

Hiziqeeli 21:7

‘Amoyichiye ne tuummaabeeto?’ boonoshi getiyooba, ‘Waabeeti woree naboonane; ebi woroo waayeehooba mullo bulli muujjemmone; mochoo bulli taahemmone; kasho bulli niremmone; giidoo bulli aacochoommon ufemmone. Ebiyoo waa beetone; ceenonoo ceennemmone, iye Nuggishoo Doono Yeeri’ gete” iye.

Hosee'i 8:3

Tunebaani Israꞌeeleenaꞌo gaawe mooyon boonoshi hoxetoyich etto boonoshin yookkii beetone.

Leweenaꞌo 26:17

Tawoo ittoshich etto tunemmo taane; ittoshi etteenaꞌo ittoshin koyi wochemminaꞌone; ittoshin shixxii beetinaꞌo ittoshin hajjemminaꞌone; ittoshiyoo koniyoona ittoshin yoohaanoon woci aallemmo ittoshine.

Leweenaꞌo 26:35

Showoo arooch ittoshi beehooba bi mucceti shambetee kashoon, ashaalli xafoon bi tunehooba danemmone.

Yibbaatoo 1:44

Ebi are geppe showooch beeti Amooreenaꞌo maxo gongii keyoommon kechiꞌi ittoshin kochiyeete. Ittoshinoo Seyiree showooch yookkii daammiꞌi Horimaa kochii wochiyeete.

Yaasi 5:1

Ebiyooba Yoordaanoosi aachee beqach, aabi-gimo waan beeti Amooree taateenaꞌonaa baharee gashoona beeti Kanaanee taateenaꞌona bulloshi Israꞌeeleenaꞌo kimmimmi wottoon, Doono Yeeri Yoordaanoosi aacon boonoshich bi shuuꞌiyoon waayeheete. Ebi Israꞌeeleenaꞌochi naboona boonoshi mullo keqqoona goojjii muujjiye.

Yaasi 7:5

Aayi asheenaꞌo Israꞌeeleenaꞌon katemee uxeree kelloochee tiijjiꞌi, Shebariim beddaahaa beeti dugilloon yookkiyeete. Boonoshiyoo yookkiibee dugilloochaa shaashaa shiritta bede asheenaꞌon wuxiyeete. Ebiichee tiyitona Israꞌeeleenaꞌo mullo keqqoona goojjii muujjiye.

1 Saameeli 17:24

Israꞌeeleenaꞌo uroon boonoshi beeggiyooba, bulliyona oogeton shattiꞌi woceheete.