Leweenaꞌo 26:32 - Kafa Linguistics Project

³² Ittoshi showoon ciroona aalliiree, are ittoshi showoon yechiti etteenaꞌo worganemmoyich tuniyemmo taane.

Leweenaꞌo 26:32 ပူးပေါင်းရင်းမြစ်များ

1 Taateenaꞌo 9:8

Hini yaafee kexo happeeree xaqqee gutoo tunemmone. Aroona beshee beetinaꞌo bulli worganemminaꞌone; cooqqiribee, ‘Doono Yeeri hini showoonaa hini yaafee kexonochi toommooch ebiyoommi mooyon bi tuniito, amoyich tunehe?’ gettemminaꞌone.

Isiyaasi 24:1

Ebiyoche, Doono Yeeri showoon shokko echiyemmone; ciroona aalliyemmone; bi halloon shaddiree arooch beetinaꞌon shaccemmone.

Isiyaasi 5:6

Shokkoon echiyemmo taane; qepheyaachemmone; showoo ucheyaachemmone; guccinonaa angixona collemmone; amiyo dihaachemmoyich qubeenaꞌoyich gettemmo taane.

Isiyaasi 5:9

Beshe Mawe Doono Yeeri, ta waamo waayee beetaa ishichiꞌi wogetone: “Iberoochaa meeti kexinaꞌo onoo tunemminaꞌone; macecikkiti ogooge kexinaꞌo ashaalleenaꞌo tunemminaꞌone.

Isiyaasi 6:11

Tawoo “Ta Doonocho, ebi tunemmo aati wottooniye?” iyo. Biyoo taach wochiꞌi ishichiye; “Katemeenaꞌo beeyemmon mucceꞌi happeemmi wottoon, kexinaꞌo ashaalli onoon tunemmi wottoon, showee ciroona shokko echemmi wottooniye.

Isiyaasi 64:10

Ne yaafe katemeenaꞌo barahoon tunetinaꞌone; Tsiyooniyoo barahoo tunetine; Yerusaalemi tiishaa aalletine.

Erimiyaasi 12:11

Showoon shokko echiitinaꞌone; showoo shuuqqiꞌi shokko echetone; showoo bulli shokkoon echetone; tunebaani ebin mooyooch haddiibeeto koniyoona aalloone.

Erimiyaasi 18:16

Boonoshi naboona boonoshi showoo shokko echeto, wuche getteetoo tunemmone; aroona besheebeeto bulli giireyemmone; bi qelloonoo qeeqqeriyemmone.

Erimiyaasi 19:8

Hini katemoo wuche, bi getteyemmonaa bi toommooch shenneyemmonoyich tuniyemmo taane; aroona besheebeeto bulli bi toommooch kinditi naxoyich wuche, getibee shennemmone.

Erimiyaasi 25:11

Ebi showoo bulli aallemmone; duubemmone; asheenaꞌo Baabloonee taatoyich shabe naton hajjeyemminaꞌone.

Erimiyaasi 25:18

Hanaach tunetoommon, shokkaachoonaa amolla aalloona, cooneyoonaa ufonon boonoshi tunemmoyich, Yerusaalemi katemoyich, Yihudee katemeenaꞌoyich, bi taateenaꞌonaa bi iraasheenaꞌonoyich uchiyo;

Erimiyaasi 25:38

Daaheroo bi gofoon qayoommon Doono Yeeri bi beeyi xaaꞌoon qajjemmone; xuuxiyechochi goraadoonaa Doono Yeerichi kupphe kaaroonoochee tiyitona boonoshi showoo shokko echemmone.

Erimiyaasi 33:10

Doono Yeeri ishichiye: “ ‘Ashoonaa gijjoona beetaachemmi shokkaachoone’ ittoshi ii beeti hini xaaꞌoo, ashoonaa gijjoona aalli shokkaachoo tuneti Yihudee katemeenaꞌonaa Yerusaalemi gomminaꞌonoochee wochinnoon qaaro waayeyemmone;

Erimiyaasi 44:2

“Israꞌeelee Nuggishoo, Beshe Mawe Doono Yeeri ishichiye: Yerusaaleminaa Yihudee katemeenaꞌonochi toommooch ta deebeti gonde mooyo bullin beeggito ittoshine; hanaach beddaahaa eboshi happeeꞌi echetinaꞌone; arooch kotemmo ikkolla aalloone.

Erimiyaasi 44:22

Doono Yeeri ittoshi gonde shuunoonaa ittoshi tuniiti eeꞌe mooyonon haaꞌiyoon hakkaanoone; ebich ittoshi showoo shokkaachoonaa amolla aalloona tune echemmone; wuche, getteyemmone; maxxaareyemmone; hanaach tunetoommonoo ashaalloon tunemmone.

Erimiyaasi 9:11

Doono Yeeri ishichiye: “Yerusaalemi katemoon buricee gutoo, boqqelleenaꞌo gofo tuniyemmo taane; Yihudee katemeenaꞌonoo asho goojjiti xaaꞌoon tuniyemmo taane” iye.

Shoosho 4:12

Showee taateenaꞌo woyee showee toommooch beetinaꞌo bulli, shixecho woyee etto Yerusaalemi xaqqee uxeree kelloona giyemmone iꞌi iberiyaaneenaꞌone.

Shoosho 5:18

Ebiyoo Tsiyooni guudo qixeetoyich, boqqelleenaꞌoo arooch kuufaareetoyichiye.

Hiziqeeli 5:15

Kaaroona, neboona, ooge noggoona ittoshi toommooch ta nalliyooba, ittoshi guudoona beeti aageteenaꞌoyich naago, tochoo, meeqqeqqiyoonaa wuche getteyoonon tunemmo ittoshine; Doono Yeeri ta, ebin getteto taane.

Daaneeli 9:18

Ta Nuggishoocho, ne waamon gaꞌiiree waayebe; ne aafoon gaxxiree no xuuxoonaa ne shigo beeti katemoonon ciine. Ebi qolloon ne aafooch no giddiibeeto, cadiqo no tunetoyich tuneyaanoon, ne maaree woddoyichiye.

Daaneeli 9:2

bi taateti ikkinnee natooba, ta, Daaneeli, Yaafe Macaafoon shemmaabee, Yerusaalemi happeeree shabe naton yagemmi bi tunoon Doono Yeeri keemechi Erimiyaasina bi gettiti qaaroon shalligiyo.

Imbaaqoomi 3:17

Balaasee mixo aafemmon bi qajjitaanona woyinee qombooch aafo aalletaanona zayitee mixo bi dobbetaanona budooch maayo shago qajjitaanona bago dogoochee ciiretaanona miimo maggooch aalletaanona

Luqaasi 21:20

Yesuusi daakkiꞌi ishichiye: “Yerusaalemin ginee naayinaꞌo guuddii boonoshi giishaa ittoshi beegiyooba, arooba biich aallee shagon ariibote.

Yibbaatoo 28:37

Doono Yeeri neen bi shacciibeeti showooch beeti aageteenaꞌo bulli ebi ne toommooch shaggiti mooyon beegiree keqqemminaꞌone. Boonoshiyoo ne mooyon tochibee ne toommooch cooqqiremminaꞌone.