Leweenaꞌo 26:31 - Kafa Linguistics Project

³¹ Ittoshi katemeenaꞌon happemmo taane; ittoshi goyinnee xaaꞌoonoo happi bajjemmo taane; gaawe cinnechi ittoshi deejjoonoo deꞌaachemmo taane.

Leweenaꞌo 26:31 ပူးပေါင်းရင်းမြစ်များ

Halloo 8:21

Doono Yeeriyoo ebi deejjee cinnoona emiriye. Biyoo bi mulloona ishichiye: “Bi bushittinoochee tiijjiꞌi ashi mullee gaboo gondo bi tunetoyich, showoon ashi naboona wochinnoon ufaache; wotta ebi and ta tuniitoommon, kashechi halleenaꞌo bullin wochinnoon aalliyaache.

2 Taateenaꞌo 22:19

hini xaaꞌoon uppeton, ashaalli xafoonoo tuniyemmo ta tunoon, ta getteti qaaroon waayaꞌa, ne mullo tiishetoyich, Doono Yeeri ta aafooch ne qelloon ne giishiitoyich, ne tahoon ne keexxetoyich, ta aafooch ne eeppetoyich, ne corootoon waayeto taane.

2 Kiinoo 36:19

Yeerichi yaafee kexon michiye; Yerusaalemi xaqqee uxeroon happiye; taatee kexinaꞌonoo qaaqqoona michiye; arooch beeti aaxxe qiico bullin aalliihe.

Nehimi 1:3

Boonoshiyoo “Are woraafooch beeti, kecceyoochee echeti asheenaꞌo ooge xuuxoonaa cooneyoonoochiye boonoshi beeto; Yerusaalemi xaqqee uxeroo happeetone; bi kelloo qaaqqoona miccitone” iꞌi taach gettiyeete.

Nehimi 2:17

Tawoo boonoshich “Yerusaalem happeetoyich, bi kelleenaꞌo qaaqqoona miccitoyich, iritee toommooch no beemon beeggiibeeto ittoshine. Ittoshi waataa, Yerusaalemi uxeroon wochinnoon shuunebone. Illa ebiyee bekk coonee beeyaayone” iyo.

Nehimi 2:3

taatoyichoo “Taatoocho, hume naton taatebe! Ta qaabbechinaꞌochi maasho beeti katemee tiishetaa, bi kello qaaqqoona micaa, aabichiree buuchoo qayote?” iyo.

Isiyaasi 1:7

Ittoshi showoo ashaallo tunetone; ittoshi katemeenaꞌo qaaqqoona miccitinaꞌone; ittoshi ciini beetaa maachi asheenaꞌo ittoshi showoon boggemminaꞌone; bulli mooyon aalliiree shokko echiyemminaꞌone.

Isiyaasi 6:11

Tawoo “Ta Doonocho, ebi tunemmo aati wottooniye?” iyo. Biyoo taach wochiꞌi ishichiye; “Katemeenaꞌo beeyemmon mucceꞌi happeemmi wottoon, kexinaꞌo ashaalli onoon tunemmi wottoon, showee ciroona shokko echemmi wottooniye.

Isiyaasi 63:18

Giisheche aaboyich yaafeeti ne asheenaꞌo yaafeeti ne xaaꞌoon hajjitinaꞌone; tunebaani and no etteenaꞌo aroon koteheete.

Isiyaasi 64:9

Doono Yeero, shineree noon kaareyaahine; no axaaxoonoo bulli yemeenooch gabiyaahine; no bulliyona ne asho no tunoon gabibe.

Isiyaasi 66:3

“Taach gattoon guuriibeeto ashoon guurii beetoommone; bagee baaddoon deejjiibeeto kunaanee qettoon qimii beetoommone; maayi buuroon giddiibeeto gudichi damoon giddii beetoommone; shalligichee ixaanoon shookkiibeeto shahalloon galletee beetoommone. Eboshi boonoshi hajjee gommon kaacona boonoshi eeꞌe mooyona emiriyeete.

Erimiyaasi 22:5

Tunebaani ebi qaaroon waayo ittoshi qayigaata, hini kexo onemmo bi tunoon ta shigoona wogehoye itone’ gete” iye Doono Yeeri.

Erimiyaasi 26:6

Shiloohi toommooch ta tuniitoommon, hini yaafee kechi toommooch tuniyemmo taane; hini katemoonoo showee toommeexi aagetoo bulliich ufon tuniyemmo taane’ itone gete” iye.

Erimiyaasi 26:9

‘Shiloohi katemee toommooch tunetoommo hini Yeerichi yaafee kexooch tunemmone; hini katemoo shokkoonaa onoonon tunemmone’ iyaꞌa Doono Yeerichi shigoona amoyich keemoon keemmenne?” iyeete. Asho bulliyoo Doono Yeerichi yaafee kexoochaa kiceeꞌi Erimiyaasi toommooch tiyiye.

Erimiyaasi 4:26

Ciinnaa ta iyaa, qeemi showoo barahoo tunetone; katemeenaꞌo bulla Doono Yeeri aafoochee, kupphe bi kaaroochee tiyitona happeetinaꞌone.

Erimiyaasi 4:27

Doono Yeeri ishichiye: “Showoo bulli shokkoon echemmone; tunebaani ciichiree aalliyaachemmo taane.

Erimiyaasi 4:7

Daaheroo dunne shaaroochee kechitone; aageteenaꞌon aalliyemmo tiyitone; Yihudee showoon shokko echiyoyich bi xaaꞌoochee kechitone; ne katemeenaꞌoo tiisheree ashaalleenaꞌo tunemminaꞌone.

Erimiyaasi 44:2

“Israꞌeelee Nuggishoo, Beshe Mawe Doono Yeeri ishichiye: Yerusaaleminaa Yihudee katemeenaꞌonochi toommooch ta deebeti gonde mooyo bullin beeggito ittoshine; hanaach beddaahaa eboshi happeeꞌi echetinaꞌone; arooch kotemmo ikkolla aalloone.

Erimiyaasi 44:6

Ebich ta neboonaa ta kaaroona kindiye; Yihudee katemeenaꞌonaa Yerusaalemi gomminaꞌonooch aaxxehe; hanaach ittoshi beeggii beetoommon happeetinaꞌone; shokkoonoo echetinaꞌone.

Erimiyaasi 52:13

Aroochee Doono Yeerichi yaafee kexonaa taatee kexonon michiye. Yerusaalem beeti ogoogeenaꞌo kexo bullinaa bare kexo bullinon michiye.

Erimiyaasi 9:11

Doono Yeeri ishichiye: “Yerusaalemi katemoon buricee gutoo, boqqelleenaꞌo gofo tuniyemmo taane; Yihudee katemeenaꞌonoo asho goojjiti xaaꞌoon tuniyemmo taane” iye.

Shoosho 1:1

Asho ceenniti katemee, aabichaa shokko echahane! Aagetee daggooch oogee, aabichaa xuumee tunehane! Woraafee daggooch taatee, and aree gonnee tunehan.

Shoosho 1:10

Aaxxe bi qiico bullin, etto hokkii daammiye; ne iitee daggooch boonoshi giyaachemmoyich ne bajjeti aageteenaꞌo, bi yaafee duukkaanooch boonoshi giyaa, beeggahan.

Shoosho 2:6

Bi yaafee kexon, budeexi bashoochoommon happii aalliihe; baaree xaaꞌoon aalliihe; Doono Yeeri Tsiyoonichi nati baaroonaa shambetoonon battiihe; bi kaaree shiixxoona taatoonaa qeeshoonon giishiihe.

Shoosho 2:7

Doono bi deejjee gudoon qajjiye; bi yaafee kexonoo ciigehe; bi uxeroon ettoochi kishooch beshii immiye; nati baarooba tunee beetoommon, Doono Yeerichi yaafee kexoochaa oogeti kokkoree qaaro waayeehe.

Hiziqeeli 12:20

Asho beebee echeti katemeenaꞌo aalleminaꞌone; showoo shokkoon echemmone; ebiyooba Doono Yeeri ta tunoon ariyemmo ittoshine” itone’ gete” iye.

Hiziqeeli 21:15

Boonoshi mullo muujjemmoyich, meetinaꞌo tepheyemmoyich, phaqqiibeeti goraadoon boonoshi kello bulliich geddemmo taane; bi waccemmoyich yoppheetone; wuxoyich gayireetone.

Hiziqeeli 21:7

‘Amoyichiye ne tuummaabeeto?’ boonoshi getiyooba, ‘Waabeeti woree naboonane; ebi woroo waayeehooba mullo bulli muujjemmone; mochoo bulli taahemmone; kasho bulli niremmone; giidoo bulli aacochoommon ufemmone. Ebiyoo waa beetone; ceenonoo ceennemmone, iye Nuggishoo Doono Yeeri’ gete” iye.

Hiziqeeli 24:21

‘Israꞌeelee macceenaꞌoyich, Nuggishoo Doono Yeeri ishichiye: Ittoshi yebeneebeeti, kashkuxoon ittoshi shunniibeeti, wottoo ittoshi mullee emiroo tuneti ta yaafee kexo eeꞌemmoyich tuniyemmo taane; Yerusaalem echeti ittoshi anaami bushiisheenaꞌonaa maache bushiisheenaꞌona goraadoona dihemminaꞌone.

Hiziqeeli 6:6

Ittoshi beeti katemeenaꞌo bulli happeyemminaꞌone; ittoshi goyinnee xaaꞌeenaꞌo aallemminaꞌone; ittoshi deejjee gudeenaꞌo happeeree aallemminaꞌone; ittoshi shahalleenaꞌo tiishaa aallemminaꞌone; ittoshi ixaanee deejjee gudo buricemmone; ittoshi shuuneenaꞌo hidaa aallemminaꞌone.

Hiziqeeli 9:6

Geenoon tuneba gurimaashoon, gidiideenaꞌon tuneba bushiisheenaꞌon, maacheenaꞌonoo wuxibote; tunebaani boonoshi toommooch malletoo geddetinaꞌochi achooch shaggaahote. Ta yaafee kexoochee wonnibote” iye. Ebich yaafee kechi aafooch beeti ogoogeenaꞌoochee tiijjiꞌi wuxooch giyiyeete.

Daaneeli 2:46

Aroochee taatoo Nabukadinatsori baroona guufeꞌi Daaneelich goyinnehe. Buuroonaa ixaanoona biich giddemmoyichoo gettiye.

Amootsi 7:9

Guudi toommooch beeti Yisaaqi shiijjereenaꞌochi goyinnee xaaꞌeenaꞌo aallemminaꞌone. Israꞌeelee showeexi yaafe xaaꞌeenaꞌo happee aallemminaꞌone. Yeroboꞌami shiijjereenaꞌo toommooch tiyiree goraadoona boonoshin aalliyemmo taane” iye.

Mikiyaasi 3:12

Ebich, ittoshi naboona Tsiyooni budo gocheyoommon gocheyemmine; Yerusaalemiyoo xaqqee gutoon tunemmine. Yaafee kexo beeti geppoochoo kubbo collemmone.

Sofoniyaasi 3:6

Doono Yeeri ishichiye: “Aagetee asheenaꞌon aalliito taane; boonoshi mishigoo happeetone; boonoshi gommo shaꞌemmo aalletaa, bi aqqemmoyich tuniito taane; boonoshi katemeenaꞌo ashaalli hulleenaꞌo tuneꞌi tiishetinaꞌone.

Luqaasi 21:24

Goraadoona qitemminaꞌone; kecceree aagetoo bulliichoo shacemminaꞌone; ebi are boonoshin kecciti Aageteenaꞌochi yemeeno ciiremmi wottoonoo Yerusaalemin yiikkeree neexi hajjemminaꞌone” iye.

Mishiraachechinaꞌo 6:14

Andoo ‘Hini Naazireetechi Yesuusi getteebeeto, hini yaafee kexon happemmone; Muusi nooch bi beshiiti doyoonoo shaddemmone’ iꞌi bi getaa waayeto noone” ii miixeheete.

Hibireena'o 10:26

Mishiraachee qaaree iberoon no ariitoyee gubb, shunnaꞌa axaaxoon no shuunegaata, ebiyee damba no axaaxoon wokkiyoyich giddemmi bare deejjoo aalloone.