Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Leweenaꞌo 26:30 - Kafa Linguistics Project

30 Guudi toommeexi ittoshi goyinnee xaaꞌoon happemmo taane; ixaanoon ittoshi giddiibeeti deejjee gudoon happi bajjemmo taane; ittoshi dubenoonoo dubenoochoommon dihiti ittoshi shahalleenaꞌo toommooch duppemmo taane; tawoo ittoshin tiyaaremmo taane.

အခန်းကိုကြည့်ပါ။ ကော်ပီ




Leweenaꞌo 26:30
28 ပူးပေါင်းရင်းမြစ်များ  

Ebi uro Doono Yeeri biich gettitoommon deejjee gudee toommooch bunneꞌi ishichiye: “Hini deejjee gudoocho, hini deejjee gudoocho, Doono Yeeri ishichiye: ‘Yosiyaasi getteebeeti bushoo Daawiti yaroochee shiijjemmone. Biyoo ne toommooch deejjoon deejjiibeeti, guudi toommeexi goyinnee xaaꞌee qeesheenaꞌon ne toommoochaa deejjemmone; asheenaꞌochi shaawushoonoo ne toommoochaa michemmone’ itone” iye.


Beeteel beeti deejjee gudee toommooch, Shamaaree showeexi katemeenaꞌooch beeti guudi toommooch beeti goyinnee xaaꞌeenaꞌo bulli toommonoochoo, Doono Yeerichi qaaroona cookiꞌi bi gettiti mooyo iberoo ceennemmone” iye.


Yosiyaasi bi guudoon ciinnii, guudi toommeexi, maashee oppeenaꞌon beeggiye. Aroyee aaf, Yeer asho ebi shuuneeti mooyinaꞌochon bi keemmiti, Doono Yeerichi qaaroommon, ashi shaawushoon oppeenaꞌoochee kichiihe; deejjee gudee toommoochaa qaaqqoona michiye; ebi deejjee gudoon eeꞌiihe.


Ebi guudi toommeexi goyinnee xaaꞌeenaꞌooch maddeebee echeti qeesheenaꞌo bullin deejjee gudoochaa wuxiye; boonoshi deejjee gudeenaꞌo toommoochaa ashi shaawushoon michiye. Ebi bullin bi tuniitoyee gubb, Yerusaalem wottehe.


Qeesheenaꞌo bullin Yihudee katemeenaꞌoochee Yerusaalem deebiye. Geebee tiijjii Beershaab beddaahaa beeti, qeesheenaꞌo ixaanoon shookkiibeeti guudi toommeexi goyinnee xaaꞌeenaꞌo bullin eeꞌiihe; katemee iraashoo Yaasi shuuniiti katemee kellee gaꞌooch, ebi kellee yooche badd, beeti goyinnee xaaꞌeenaꞌon happiye.


Asheenaꞌo bulliyoo Baꞌaalee yaafee kexooch hammiꞌi, kexon happiyeete. Bi deejjee gudeenaꞌonaa misileenaꞌonon tiichii aalliiheete; Baꞌaalee qeeshoo Mataaninoo deejjee gudee aafoochaa wuxiyeete.


Ebi bulli tunetoyee gubb, arooch beeti Israꞌeeleenaꞌo Yihudee showooch beeti katemeenaꞌooch hammiꞌi, bullinolla boonoshi aalliimmi wottoon goyinnee xaqqee giimbeenaꞌon tiichiyeete; Asheeri misiloon kuxxiyeete. Yihudichi, Biiniyaamichi, Efreeminaa Minaasinochi showooch beeti guudi toommeexi goyinnee xaaꞌeenaꞌonaa deejjee gudeenaꞌonon happiyeete. Ebiyee gubb, Israꞌeeleenaꞌo boonoshi katemeenaꞌooch, boonoshi kexi kexooch wotteheete.


Ebich Doono Yeeri kaaro bi asheenaꞌo toommooch aaxxehe; bi hajjee asheenaꞌonoo tiyaarehe.


Tunebaani ne kaacceton and duppaa qajjehine; ne huuttetonoo oogichaa kaarehine.


Illa Israꞌeeleenaꞌo boonoshi axaaxoyich maaroon dano boonoshi hakkemmo, aageteenaꞌochi deejjee gudee xaqqeenaꞌon tiichii boonoshi aalliigaata, ixaanee deejjee gudoonaa Asheeri misileenaꞌonon boonoshi aallii gaatane.


Doono Yeero, Yihudin ciroona qajjeto neene? Tsiyoonin ciroona shixxeto neene? Wodoon no muccemmooch beddaahaa, amoyich noon yexxenne? Diggoon gibenoona quyehone; tunebaani gaawe mooyo daneyaanoone; wodoon gibenoona quyehone; tunebaani ebiyoche keqqoo tunehe.


Ta showoon ciigiiti, dubenoommi boonoshi nuggisheenaꞌona boonoshi eeꞌitoyich, ta iristoon eeꞌeti mooyona boonoshi ceechitoyich, boonoshi xuꞌoonaa boonoshi axaaxoonochi gutte kishoon boonoshich qoccemmo taane” iye.


Ne shunimaayeenaꞌochi kishooch neen beshii immemmo taane; boonoshiyoo ne xoobe xaaꞌoonaa ne goyinnee xaaꞌoonon happemminaꞌone; ne tahoon shooti, ne shashoon daami neen shokke hulloo echiyemminaꞌone.


Biyoo taach ishichiye: “Ashi bushoocho, Israꞌeelee macceenaꞌochi daggooch bulli aabooch ta kotemmi ta taatee qeenonaa ta neexemmi xaaꞌoona hinine; ebiyee bekk Israꞌeelee macceenaꞌonaa boonoshi taateenaꞌona yahoona, wottoo qititi boonoshi taateenaꞌoyich boonoshi tuniibeeti mooyona ta shigoon eeꞌiyaachemminaꞌone.


Wuxeeti boonoshi asheenaꞌo deejjee gudee guudooch beeti boonoshi shahallee daggooch, genje geppoo bullinaa guudo bullinochi toommooch, waajjechi mixo bullinaa wodde waajjechi meello bullinochi baatooch, shahalloyich shaawi cinnechi deejjoon boonoshi giddiiti xaaꞌoo bulliichoo boonoshi dihoon boonoshi beegiyooba, Doono Yeeri ta tunoon ariyemminaꞌone.


Dawushechi mullechinaꞌone. Ebich boonoshi xuꞌee gatiyoon deqqemminaꞌone. Doono Yeeri boonoshi deejjee gudeenaꞌon tiichemmone. Boonoshi goyinnee xaqqee giimbeenaꞌon aalliyemmone.


Ittoshi aafoochee ta yookkaa kichaabeeti aageteenaꞌo doyoon dabbiyaahote. Ebi mooyinaꞌon boonoshi tuniitoyich, boonoshin tiyaaroye.


Ta beeyi xaaꞌoon ittoshi daggooch tuniyemmo taane; tawoo ittoshin tiyaareyaachemmo taane.


Ta qociiti qociyoon, ta dojjiti doyoonoo qajjiꞌi ittoshi tiyaaregaata, ittoshina tookkaa ta giyeti wogoon biishona ta getteti getoon ittoshi qayigaata,


Beshe Mawe Nuggishoo Doono Yeeri bi qelloona wogeꞌi ishichitone: “Israꞌeeleenaꞌochi geecoon tiyaareto taane; boonoshi taatee kexinaꞌonoo shixxeto taane. Boonoshi inde katemoonaa bi daggooch beeto bullinon ettoyich beshii immemmo taane” itone.


Guudi toommooch beeti Yisaaqi shiijjereenaꞌochi goyinnee xaaꞌeenaꞌo aallemminaꞌone. Israꞌeelee showeexi yaafe xaaꞌeenaꞌo happee aallemminaꞌone. Yeroboꞌami shiijjereenaꞌo toommooch tiyiree goraadoona boonoshin aalliyemmo taane” iye.


“Doono Yeerichi bushiishoo ittoshine; tunebaani bi ippemmoyich tuniihote. Biin qajjiꞌi gubb ittoshi wottoon beeggiꞌi, biyoo ittoshin qajjiye.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ