Leweenaꞌo 26:26 - Kafa Linguistics Project

²⁶ Maayoon ittoshi danemmi gommon ta kuxxetoyee gubb, aashire genneenaꞌo ikke midaadooch koshon kachiyemminaꞌone. Ebi aroon ittoshich tiishi boonoshi qoodaa maayemmo ittoshine; tunebaani miyaachemmo ittoshine.

Leweenaꞌo 26:26 ပူးပေါင်းရင်းမြစ်များ

2 Taateenaꞌo 6:25

Ebiyooba Shamaara shaacoo giyitone. Kuree qello shinne sheqeelee birewoona, kobbaayee heeca bede uggee ciqqilloo uuche sheqeelee birewoona kechemmi wottoon, katemoon giichiyeete.

Shoddo 105:16

Showee toommooch shaacoon deebiye; boonoshi maayo bullin aalliihe.

Isiyaasi 3:1

Ebiyoche, Doono, Beshe Mawe Doono Yeeri, asheenaꞌochi degoonaa gaachoonon, maayi dego bullinaa aachi dego bullinon Yerusaaleminaa Yihudinoochee aalliyemmone.

Isiyaasi 5:10

Aashire aangee woyinee goyoochee hiyaa gutte neetiree woyinee uyo baach danemmone; ikke xaanee yaroon shoohaa keejje qunnee maayo baach maceyemmone” itone.

Isiyaasi 9:19

Beshe Mawe Doono Yeeri kaaroona showoo miccemmone; ashoo qaaqqooch shookkeebeeti mixoommon tunemmone; koniyoona bi manoyich aaxxiyaachemmone.

Isiyaasi 9:20

Qanni waanaa maaheete; tunebaani andoo shaacechinaꞌone; yoochi waanaanoo qooxxiyeete; tunebaani miyaacheete; asho bi ikkikkoona bi xiboochi meenon maayemmone.

Erimiyaasi 14:12

coomii boonoshi corootitaanona waayeyaachemmo taane; micciibeeti deejjoonaa maayi buuroonon boonoshi giddiiteenolla boonoshi waanee deꞌaachemmo taane; tunebaani goraadoona, shaacoona, biiyoonoo boonoshin aalliyemmo taane” iye.

Hiziqeeli 14:13

“Ashi bushoocho, ikke showee asheenaꞌo taach gibeneyaache ii axaaxoon boonoshi shuunetaa, tawoo ta mochoon boonoshi toommooch tiijjaꞌa boonoshi maayi woretoon ta kuxigaata, shaacoon deebaa ashoonaa gijjoonon ta wuxigaata,

Hiziqeeli 4:10

Ne maayemmi maayo qemi qemooch hiye sheqeelo tunebe. Heeyooch ikke wottoon maacheti saatooch ebin maayemmo neene.

Hiziqeeli 4:16

Daakkiꞌinoo taach ishichiye: “Ashi bushoocho, Yerusaalemichi maayi woretoon kuxxemmo taane; asheenaꞌoo koshon machoona qocaa shatona maayemminaꞌone; aaconoo qeelletaa xuuxoona uchemminaꞌone.

Hiziqeeli 4:17

Koshonaa aacona boonoshich guutemmo bi tunetoyich boonoshinaa boonoshina keqqoona ciineyemminaꞌone; boonoshi axaaxee naboona maajjemminaꞌone” iye.

Hiziqeeli 5:16

Wuxii aalliyechi shaacee shangoon ittoshi toommooch deejjiree, ittoshin aalliyemmo taane; shaacoon ittoshi toommooch wochi wochi deebemmo taane; ittoshi maayi woretoon kuxxemmo taane.

Hosee'i 4:10

Bare nuggisheenaꞌon dabboona taan boonoshi qajjitoyich, maayemminaꞌone; tunebaani miyaachemminaꞌone. Yahemminaꞌone; tunebaani shiijje meetaachemminaꞌone” iye.

Leweenaꞌo 26:27

“ ‘Ebi bulli mooyo ittoshi toommooch tunetoyee gubb, andoo ta qaaroon waayoon qajjiꞌi taan shixxiibeeto ittoshi tunegaata,

Mikiyaasi 6:14

Maayoon maayemmo ittoshine; tunebaani miyaachemmo ittoshine; ittoshi shaacoo tooꞌaachemmone. Kicemmo ittoshine; tunebaani ittoshi kiciton wodiyoon hakkaachemmo ittoshine; ettoon daachiiree, ittoshi kotiiton bi aalliyemmoyich tuniyemmo taane.

Haagi 1:6

Ittoshiyoo woddiiꞌi gochiyote, tunebaani ittoshi qeccii giijjito giishechoone. Maahote, tunebaani maa miyaachote. Uchiyote, tunebaani uchii tooꞌaachote. Tahehote, tunebaani ittoshi achooch qeecaache. Shumaayoon deqqiibeeti asho keexe kiisooch geddii beetoommon tunetone.