Leweenaꞌo 26:25 - Kafa Linguistics Project

²⁵ Ta wogoon ittoshi happitoyich, ginoon ittoshi toommooch deejjiree nichoon kichemmo taane. Ittoshi qelloon wodiyoyich ittoshi katemeenaꞌooch ittoshi kiceetaanona, kupphe biiyoon ittoshi daggooch giijjemmo taane; ittoshi etteenaꞌo kishooch beshiitaa ichemmo ittoshine.

Leweenaꞌo 26:25 ပူးပေါင်းရင်းမြစ်များ

2 Saameeli 24:15

Ebina Doono Yeeri aroobee maaddoochee tiijjiꞌi bi taajjeti aabo shaggimmi wottoon Israꞌeeleenaꞌo toommooch qeqqichiibeeti biiyoon deejjiye. Ebi biiyoona Daanee Beershaab beddaahaa beeti asheenaꞌo daggoochee shabe hume asheenaꞌo ciireheete.

1 Taateenaꞌo 8:33

“Ne asheenaꞌo tuneti Israꞌeeleenaꞌo axaaxoon shuuneꞌi neen boonoshi xuqqitoyich, boonoshi etteenaꞌo boonoshin kochii wochaa, ne waan wotteꞌi, ne shigoon boonoshi ceegigaata, hini yaafee kexooch waaꞌi, ne waan boonoshi corootigaata, neen boonoshi qollegaatoo,

1 Taateenaꞌo 8:37

“Showee toommooch shaacoo woyee qeqqichiibeeti biiyo giyaa, woyee wooqoo, woyee cindoo, woyee gechoo, woyee hipperoo maayoon aalliitaa, woyee boonoshi katemoo aabiichaanona etto boonoshin giichii yeshaa, woyee naxo woyee biiyo amolla boonoshi toommooch waataa,

2 Taateenaꞌo 17:3

Asooree taatoo Shalimaniseeri biin kocha waahe. Hosheehi biich hajjeehe; biichoo gibiroon qocciye.

2 Kiinoo 24:24

Sooriyee ginee naayinaꞌo giishecheenaꞌo boonoshi tunetaanoona, Doono Yeeri dofee ginee naayinaꞌon boonoshi kishooch beshiiꞌi immiye. Ebi tuneto, boonoshi qaabbechinaꞌochi Nuggishoo Doono Yeerin boonoshi qajjitoyichiye. Ebina Yoꞌaashi toommooch tate nalloo nalleehe.

Shoddo 94:1

Nichoon kichechi Nuggishoo Doono Yeero, nichoon kichechi Nuggishoocho, bekkebe.

Keyo 5:3

Muusinaa Harooninoo wochiꞌi, “Hibireenaꞌo Nuggishoo noonna danetone. Keejje qemi gommon hamiree, barahoochaa no Nuggishoo Doono Yeerich deejjoon no deejjemmoyich daaggibe iyaꞌa qollaabeeto noone. Ebin no tuniyoo qayigaata, naxoona noon yexxemmone; woyee goraadoona no qitemmoyich tuniyemmone” iyeete.

Isiyaasi 1:20

tunebaani qajje iꞌi ittoshi hukkegaata goraado ittoshin maayemmone. Ebin Doono Yeeri ta, ta noonoona getteto taane” iye.

Isiyaasi 65:12

goraadoyich beshiiree immemmo taane; ittoshi bulliyona guureyoyich yittemmo ittoshine. Ta ceegaa, ittoshich ta yibbaatetaanoo waayo qajjito ittoshine; ta aafooch gonde mooyon tuniihote; taan emirikkaani mooyonoo shunniyote” iye.

Erimiyaasi 19:7

“ ‘Hini xaaꞌoochaa Yihudee asheenaꞌonaa Yerusaalemi katemee asheenaꞌonochi koceyoon happemmo taane; boonoshi asheenaꞌo, goraadoona boonoshi etteenaꞌo aafooch, wottoo boonoshi kashoon qaawii beetinaꞌo kishooch boonoshi dihemmoyich tuniyemmo taane; boonoshi dubenoon shimaajji gaceenaꞌonaa kubbi cooxinaꞌonoyich maayoon tuniiree immemmo taane.

Erimiyaasi 24:10

Boonoshinaa boonoshi qaabbechinaꞌonoyich ta immeti showoochee boonoshi aallemmi wottoon boonoshi daggooch goraadoon, shaacoonaa biiyoonon deejjemmo taane” iye.

Erimiyaasi 50:28

No Nuggishoo Doono Yeerichi nichoon gaacon, bi yaafee kechi nichoon bi kichoon Tsiyooni katemooch getoyich, Baabloonee showoochee muriccii xuupphitinaꞌochi qaaroon waayebote!

Erimiyaasi 51:11

“Ittoshi shangeenaꞌon hachibote; ittoshi gaacheenaꞌonoo qanniibote; Doono Yeerichi gaboo Baabloonin aalliyooch bi tunetoyich, Meedee taateenaꞌochi mulloon shuurikkitone; ebiyoo Doono Yeeri bi yaafee kechi nichoon kichemmo bi tunetoyichiye.

Erimiyaasi 9:16

boonoshinaa boonoshi qaabbechinaꞌona ariyaani aageteenaꞌo daggooch boonoshin shaccemmo taane; boonoshin ta aalliimmi wottoon boonoshi hillooch goraadoon daachiyemmo taane” iye.

Shoosho 2:21

“Gurimaashoonaa geenoona gommeexi buttooch dihiyeete; gurimaashe maacheenaꞌonaa anaaminaꞌona, goraadoona dihitinaꞌone; ne kaaree aabooba boonoshin wuxihine; boonoshich ariqqeyaanoon guurihine.

Hiziqeeli 14:17

“Woyee ‘Goraado showoona beshebe’ iyaꞌa are showooch ginoon ta deejjaa, ashoonaa gijjoonon bi aalliigaata,

Hiziqeeli 20:37

Taach ittoshi hajjeyemmoyich tuniiree, ta wogooch ittoshin giijjemmo taane.

Hiziqeeli 29:8

“ ‘Ebich Nuggishoo Doono Yeeri ishichiye: Goraadoon ittoshi toommooch deebemmo taane; ashoonaa gijjoonon ittoshi daggoochee aalliyemmo taane.

Hiziqeeli 33:2

“Ashi bushoocho, ne asheenaꞌoyich ishichi gete: ‘Showee toommooch goraadoon ta deebiyooba, are showeexi asheenaꞌo boonoshi daggoochee ikkoon deebiꞌi qayechon boonoshi tuniitaa,

Hiziqeeli 5:17

Shaacoonaa gonde cooxinaꞌonon ittoshi toommooch deejjemmo taane; ittoshi bushiisheenaꞌon aalliyemminaꞌone; biiyo, ashi damee ukkoo ittoshi showoon yexxemmone; ittoshi toommooch ginoon deebemmo taane; Doono Yeeri ta, ebin getteto taane” iye.

Hiziqeeli 6:3

Ishichishoo gete: Israꞌeelee guudinaꞌote, Nuggishoo Doono Yeerichi qaaroon waayebote; Nuggishoo Doono Yeeri guudinaꞌonaa geppeenaꞌonoyich, qaaꞌeenaꞌonaa bambeenaꞌonoyich ishichii beetone: ‘Ta, ittoshi toommooch ginoon deebemmo taane; ittoshi goyinnee xaaꞌeenaꞌon aalliyemmo taane.

Hosee'i 11:6

Boonoshi katemeenaꞌooch gino woyemmone; katemee kellee tuggeenaꞌonoo aalliyemmone; boonoshi gonde gaboochee tiyitona boonoshin maayemmone.

Leweenaꞌo 26:6

“ ‘Ittoshi showoon diggoo tuniyemmo taane. Amoyichona keqqaanoon tokkete qeyemmo ittoshine. Gonde cooxinaꞌon ittoshi showoochee aalliyemmo taane. Ittoshi showoon koniyoona koyaachemmone.

Amootsi 4:10

“Gibitsee showoon ta yexoommon, biiyoona ittoshi showoon yexxehoye. Ittoshi gurimaasheenaꞌo ginoochaa qitemmoyich, ittoshi haresheenaꞌoo kecaa hammemmoyich tuniihoye. Ittoshi kaamboochaa qititi asheenaꞌochi dubeno ittoshi muddooch bi shaaqqemmoyich tuniihoye. Tunebaani ta waan wotteyaano ittoshine, iye Doono Yeeri.

Imbaaqoomi 3:5

Biiyo bi aaf hammemmoyich tuniihe; qitoo bi hillooch katini dabbemmoyich gettiye.

Haddoo 14:12

Boonoshin kupphe biiyoona yexxemmo taane; boonoshin aalliyemmo taane. Neen boonoshiyee beshe meetinaꞌonaa hakkechinaꞌonoyich nihoo tuniyemmo taane” iye.

Haddoo 16:49

Qoraahichi naboona qititinaꞌoyee baroo, naxoona qititinaꞌo aaraa awudde humaa shabaatte balleenaꞌone.

Haddoo 31:3

Muusiyoo Israꞌeeleenaꞌoyich ishichiye: “Miidiyameenaꞌon koyooch boonoshi hammemmonaa Doono Yeerichi qoodoyich Miidiyameenaꞌo toommooch nichoon boonoshi gaaccemmonoyich ittoshi asheenaꞌo daggoochee giishecheenaꞌon ginee koyoyich qanniibote.

Luqaasi 21:11

Baribare xaaꞌoochoo oogeti showee qewo tunemmone; kaatee wuxiibeeti biiyoonaa shaacoona giyemmone; keqqichemmi mooyinaꞌonaa shimaayoochaa ogooge malleteenaꞌona bekkemminaꞌone.

Yibbaatoo 28:21

Doono Yeeri giyi woraashiya ne hammaabeeti showoochee ciroona neen bi aalliimmi wottoon, kupphe biiyoona neen yexxemmone.

Yibbaatoo 32:25

Gurimaasheenaꞌonaa gidiideenaꞌona, gaggereenaꞌonaa geeneenaꞌona, gaddoochaa goraadoona qitemminaꞌone; boonoshi kexoochaa keqqoona qitemminaꞌone.

Yibbaatoo 32:35

Boonoshi etteenaꞌo toommooch nichoon kichiree, boonoshin ta naxemmi aabo katinnitone. Diqqoona boonoshi baatoo giinnemmone; aalliibeeti naxo boonoshi toommooch kindemmone’ iye.

Yibbaatoo 32:41

Aaxxeebeeti ta goraadoon gayiremmo taane; nalloon kindiyoyich yechemmo taane. Ta etteenaꞌo toommooch nichoon kichemmo taane; taan shixxii beetinaꞌon sheeremmo taane.

Woraaferasheenaꞌo 15:11

Ebich keejje hume Yihudee asheenaꞌo Exaami xaqqee goggino beetooch, dugilla hammiꞌi, Samsoonich “Ebi no toommooch ne tuniyaabeeti mooyo amoone? Noon hajjii beetinaꞌo Filsixeemeenaꞌo tunoon ariyaachine?” iyeete. Biyoo wochiꞌi, “Boonoshi toommooch ta tuniito, ta toommooch boonoshi tuniitoommoniye” iye.