Leweenaꞌo 26:19 - Kafa Linguistics Project

¹⁹ Ittoshi geeciibeeti ooge geecoon aalliyemmo taane. Ittoshiyee damba beeti shimaayoochee amiyo aalletaa, ittoshi showoo gooshoo wogoommon wogemmone.

Leweenaꞌo 26:19 ပူးပေါင်းရင်းမြစ်များ

1 Taateenaꞌo 17:1

Arooba Gilaadee showooch beeti, Tishibee asho Eliyaasi Akaabich “Biich ta maddaabeeti, beeyechi Israꞌeelee Nuggishoo Doono Yeeri beege! Amiyo dihemmoyich ta gettemmi wottoon, waabeeti natinaꞌooch amiyo woyee doshoo (caagibano) beetaachemmone” iye.

1 Taateenaꞌo 8:35

“Ne asheenaꞌo axaaxoon shuuneꞌi neen boonoshi xuqqitoyich, shimaayoon hiccaꞌa amiyo dihaachemmoyich ne tuniitaa, hini xaaꞌoo waan wotteechii boonoshi corootigaata, ne shigoon boonoshi ceegigaata, boonoshin ne xuuxiitoyich boonoshi xuꞌoochee boonoshi wottegaatoo

Isiyaasi 2:12

Beshe Mawe Doono Yeeri, geecechinaꞌo bullinaa cooddii beetinaꞌo bullinon, ciixee beetinaꞌo bullinoo bi cooniyemmi aabo beetone.

Isiyaasi 25:11

Aachi waakkecho bi kishoon bi yaggoommon boonoshi kishoon aree daggoochaa yaggemminaꞌone; tunebaani Doono Yeeri boonoshi geecoon boonoshi maroona tookki giishiyemmone.

Isiyaasi 26:5

Geecechinaꞌon giishiyemmone; coonniti katemoon cooniyemmone; happiree, buttoon tuniyemmone;

Isiyaasi 28:1

Efreemee mashechinaꞌoyich geecee gubbichoo tuneti, qeemi bambee toommooch beechaa woyinee uyoona yexxetinaꞌoyich oogee malleto tuneti, shoolle bechee bunggoommi Shamaarich woowo!

Erimiyaasi 13:9

“Yihudee asheenaꞌochi geecoonaa Yerusaalemi asheenaꞌochi ooge geecoonon ebiyoommon duubiyemmo taane. Ta qaaroon waayo qajjiibeeti, babbereꞌi boonoshi hajjee gaboo waan wotteebeeti, boonoshich maddoonaa goyinnoonoyich bare nuggisheenaꞌon dabbiibeeti, ebi gonde macceenaꞌo, amoyichona gaacaani ebi buroommon tunemminaꞌone. Buroo ashi shimetooch xaaqqeyoommon, Israꞌeelee kechi asho bullinaa Yihudee kechi asho bullinon taanna xaaqqiyoye; ebiyoo ta ashoon boonoshi tunemmoyich, boonoshina ta shigo arichemmoyich, galleteyemmonaa oogemmonoyichiye; tunebaani boonoshi waayeyaaneenaꞌone, iye Doono Yeeri.

Erimiyaasi 3:3

Ebich amichi kucho bachehe; naawee amiyoo dihemmon qajjiye; shunimaayeen shaahaꞌa yeellemmon qajjehine.

Hiziqeeli 24:21

‘Israꞌeelee macceenaꞌoyich, Nuggishoo Doono Yeeri ishichiye: Ittoshi yebeneebeeti, kashkuxoon ittoshi shunniibeeti, wottoo ittoshi mullee emiroo tuneti ta yaafee kexo eeꞌemmoyich tuniyemmo taane; Yerusaalem echeti ittoshi anaami bushiisheenaꞌonaa maache bushiisheenaꞌona goraadoona dihemminaꞌone.

Hiziqeeli 30:6

“ ‘Doono Yeeri ishichiye: Gibitseenaꞌon gaachee beetinaꞌo dihemminaꞌone; bi geeciibeeti bi giidoo niremmone; Migidoolee tiijji Aswaan beddaahaa beetinaꞌo biinna tookki goraadoona dihemminaꞌone; Nuggishoo Doono Yeeri ta ebin getteto taane.

Hiziqeeli 33:28

Showoon shokkaachoonaa amolla aalloonon tuniyemmo taane; bi geeciibeeti bi giidoo niremmone; Israꞌeelee guudinaꞌon shokkoon echiyemmo taane; koniyoona aroona besheyaachemmone.

Hiziqeeli 7:24

Aageteenaꞌo daggoochee oogeti gondeenaꞌon deebiree boonoshi kexon bogi boonoshi deqqemmoyich tuniyemmo taane. Giidechinaꞌochi geecoon shoottemmo taane; boonoshi yaafe xaaꞌeenaꞌoo eeꞌemminaꞌone.

Daaneeli 4:37

Shimaajji Taatoo Yeeri bi tuniibeeto bulli tato, bi gommoo cadiqee gommo bi tunetoyich, ta, Nabukadinatsori, biin galletehoye; oogiihoye; naadiyoye. Biyoo geecii beetinaꞌon giishiyoon hakkii beetone.

Sofoniyaasi 3:11

Ebi arooba, ta toommooch hukkoon tiijjiꞌi ittoshi shuuneti shuunoyich yeelle beetaachemmo ittoshine. Geecoona ciixee beetinaꞌon ittoshi daggoochee aalliyemmo taane; ittoshiyoo yaafoo tuneti ta guudi toommoochaa ebiyee damba geecaachemmo ittoshine.

Luqaasi 4:25

Tunebaani iberoon ittoshich gettoye: Eliyaasichi yemeenooba keejje natonaa shiritte agenoonon Yeeri shimaayoon hicaa, amiyo dihoo qajjitoyich, showoo bulliich kupphe shaacoo giyiyooba, Israꞌeelee showooch meeti xuume maacheenaꞌo beeheete.

Yibbaatoo 11:17

Ebin ittoshi tuniigaata, Doono Yeeri kaaro ittoshi toommooch cufemmone. Biyoo amiyo dihaa showoo maayoon bi shakkiyaachemmoyich shimaayoon hiccemmone. Doono Yeeri ittoshich immiibeeti gaawe showoochee kaateree aallemmo ittoshine.

1 Saameeli 4:11

Yeerichi taabooto keccehe. Eelichi gutte bushiisheenaꞌo, Hoofininaa Finihaasina qitiyeete.

1 Saameeli 4:3

Echeti Israꞌeelee ginee naayinaꞌo kaambooch boonoshi wottemmona, Israꞌeeleenaꞌon qeejjiibeeti geeneenaꞌo ishichiyeete: “Doono Yeeri noon Filsixeemeenaꞌo kishooch bi duppito, amoyichiye? Noonna tookki bi hammemmonaa no etteenaꞌo kishoochee noon bi wodiyemmonoyich, Doono Yeerichi wogee taabootoon Shiloohee deebone” iyeete.