Leweenaꞌo 26:17 - Kafa Linguistics Project

¹⁷ Tawoo ittoshich etto tunemmo taane; ittoshi etteenaꞌo ittoshin koyi wochemminaꞌone; ittoshin shixxii beetinaꞌo ittoshin hajjemminaꞌone; ittoshiyoo koniyoona ittoshin yoohaanoon woci aallemmo ittoshine.

Leweenaꞌo 26:17 ပူးပေါင်းရင်းမြစ်များ

Halloo 4:12

Showoon ne goyaa, ebiyee bekk maayoon neech imaachemmone. Showee toommo bulliich ne kexon waaxi gooyi, yallyallimemmo neene” iye.

1 Taateenaꞌo 8:33

“Ne asheenaꞌo tuneti Israꞌeeleenaꞌo axaaxoon shuuneꞌi neen boonoshi xuqqitoyich, boonoshi etteenaꞌo boonoshin kochii wochaa, ne waan wotteꞌi, ne shigoon boonoshi ceegigaata, hini yaafee kexooch waaꞌi, ne waan boonoshi corootigaata, neen boonoshi qollegaatoo,

2 Taateenaꞌo 13:3

Doono Yeeri kaaro Israꞌeeleenaꞌo toommooch cufiye; ebich Sooriyee taatoo Hazaheelinaa bi bushoo Been Hadaadinochi kishooch meeti yemeenoon boonoshin beshiiꞌi immiye.

2 Taateenaꞌo 13:7

Sooriyee taatoo boonoshin yiikkee aalliiꞌi, maayi buchi xaaꞌeexi quttoommon bi tuniitoyich, Yoꞌakaazich aache hareshechinaꞌo, aashire gaarinaa aashire hume baatechinaꞌonoyee besh echeti ginee naayo aalloone.

Shoddo 44:10

No etteenaꞌo aafoochee gubb no wottemmoyich tuniihine; no etteenaꞌo noon boggiyeete.

Shoddo 53:5

Boonoshiyoo shattiyemmi mooyo aalloon aroochaa oogichii shattiyeete; Yeeri bi asheenaꞌochi etteenaꞌo shaawushoon shacciye; Yeeri boonoshin bi qajjitoyich boonoshi yeellemmoyich tuniihe.

Shoddo 53:6

Israꞌeelin wodiyecho Tsiyoonee waashoo geta! Yeeri bi asheenaꞌochi kecoon bi wochiyooba, Yaaqobi emiremmone; Israꞌeeli emiroona wucwuccemmone.

Shaahiyoo 28:1

Gonde asho, koniyoona biin yoohaanoon wocciye; tunebaani cadiqo daaheroochoommon keqqaalloon beehe.

Isiyaasi 30:17

Ikke ashi miicho ittoshi daggoochee humeenaꞌon yoohi aalliyemmone; uucheenaꞌochi miicho ittoshi bullin yoohi aalliyemmone; ittoshi bulli woccii aallemmona, echeti giishecheenaꞌo guudi toommeexi baanderee mixochoommon, geppee toommeexi malletoochoommon tuneree echemminaꞌone” itone.

Isiyaasi 63:10

Tunebaani boonoshi bi toommooch hukkoon shuuneꞌi bi Yaafe Ayaanoon ayinikkiyeete; ebich wotteꞌi boonoshich ettoon tunehe; bi qelloona bi, boonoshin kochiye.

Erimiyaasi 19:7

“ ‘Hini xaaꞌoochaa Yihudee asheenaꞌonaa Yerusaalemi katemee asheenaꞌonochi koceyoon happemmo taane; boonoshi asheenaꞌo, goraadoona boonoshi etteenaꞌo aafooch, wottoo boonoshi kashoon qaawii beetinaꞌo kishooch boonoshi dihemmoyich tuniyemmo taane; boonoshi dubenoon shimaajji gaceenaꞌonaa kubbi cooxinaꞌonoyich maayoon tuniiree immemmo taane.

Erimiyaasi 44:11

“Ebich Israꞌeelee Nuggishoo, Beshe Mawe Doono Yeeri ishichiye: Yihudee asho bullin aalliyoyich ta aafoon ittoshi toommooch gondiyemmo taane.

Shoosho 1:5

Bi axaaxoo woddee naboona Doono Yeeri biin xuuxiitoyich, bi etteenaꞌo biin hajjiyeete; bi etteenaꞌoyichoo kaamehe; boonoshiyoo aaf gasheꞌi, bi bushiisheenaꞌon keccii daammiyeete.

Shoosho 2:4

Ettoochoommon bi maꞌoon ciixxiye; shixechochoommon bi qanne kishoon kupphiihe; Tsiyooni asheenaꞌochi duukkaanoochaa no aafooch macecikkito bullin wuxiye; bi kaaree shiixxoon qaaqqoochoommon kindiihe.

Hiziqeeli 15:7

Ta aafoon boonoshi toommooch maggiyemmo taane; qaaqqoochee boonoshi muriccitaa, qaaqqoo boonoshin maayemmone. Ta aafoon boonoshi toommooch ta maggiihooba, Doono Yeeri ta tunoon ariyemmo ittoshine.

Leweenaꞌo 17:10

“ ‘Israꞌeelee ashoochee woyee Israꞌeeleenaꞌo daggooch shiqqoo tuneꞌi koteti asheenaꞌoochee koniyoona damoon bi maagaata, biich etto tunemmo taane; bi asheenaꞌo daggoochee biin kichi yookkemmo taane.

Yibbaatoo 28:25

“Doono Yeeri ne etteenaꞌo neen koyi wochemmoyich tuniyemmone. Ikke gommona hamiree boonoshina koyemmo neene; tunebaani shabaatte gommona boonoshi aafoochee woci aallemmo neene. Ebi ne toommooch shaggiton beegiree, showee toommooch beeti asheenaꞌo bulli keqqemminaꞌone.

Yaasi 7:4

Ebich keejje hum bedeenaꞌo baach arooch hammii koyeheete. Tunebaani Aayi asheenaꞌo aafoochee wocee aalleheete.

Woraaferasheenaꞌo 2:14

Ebina Doono Yeeri kaaro Israꞌeeleenaꞌo toommooch cufiye; biyoo boggemmi bokkeenaꞌo kishooch boonoshin beshiiꞌi immiye. Boonoshi guudoona beeti boonoshi etteenaꞌo kishooch boonoshin beshiiꞌi immiye. Ebich boonoshi etteenaꞌo aafooch kuppheꞌi neexoon mawiiheete.

Woraaferasheenaꞌo 3:14

Ebina Israꞌeeleenaꞌo Moꞌabee taatoyich aaraa shimitte naton hajjeeheete.

Woraaferasheenaꞌo 3:8

Ebich Doono Yeerichi kaaro Israꞌeeleenaꞌo toommooch cufiye. Biyoo boonoshin Mesopotaamee taatoo Kushaan Rishatayimichi kishooch beshiiꞌi immiye. Israꞌeeleenaꞌo shimitte naton biich hajjeeheete.

Woraaferasheenaꞌo 6:2

Miidiyameenaꞌo boonoshiyee beshiꞌi sharitoyich, Israꞌeeleenaꞌo geppooch beeti xaqqee gogginooch, xaqqee gofoonaa mishigoonooch boonoshi aashemmi xaaꞌoon qanniiheete.

1 Saameeli 12:15

Tunebaani Doono Yeeri qaaroon waayeyaachone ittoshi getigaata, bi getoonoo deꞌa ii ceechoo ittoshi qayigaata, biyoo ittoshi qaabbechinaꞌon bi naxoommon, ittoshinoo naxemmone.

1 Saameeli 31:1

Arooba Filsixeemeenaꞌo Israꞌeeleenaꞌon kochiyeete. Israꞌeeleenaꞌo boonoshi aafoochee wocee aalleheete. Meetinaꞌo Giliboꞌi geppoochaa koyaa qitiyeete.

1 Saameeli 4:10

Ebina Filsixeemeenaꞌo koyeheete; Israꞌeeleenaꞌonoo kochii wochiyeete. Israꞌeeleenaꞌoo boonoshi duukkaani duukkaanooch woceheete. Arooba meeti asho ciirehe. Israꞌeeleenaꞌoochee shaashe hume ginee naayinaꞌo qitiyeete.