Leweenaꞌo 26:16 - Kafa Linguistics Project

¹⁶ naxoon, maajjiibeeti biiyoon, aafoon yaamiibeeti, dallii muujjiibeeti qeddee gaamoon ittoshi toommooch deebemmo taane. Maayoon shookkemmo ittoshine; tunebaani ittoshi etteenaꞌo bogi maayemminaꞌo tunetoyich ittoshich amoonolla gaacaachemmone.

Leweenaꞌo 26:16 ပူးပေါင်းရင်းမြစ်များ

1 Taateenaꞌo 8:37

“Showee toommooch shaacoo woyee qeqqichiibeeti biiyo giyaa, woyee wooqoo, woyee cindoo, woyee gechoo, woyee hipperoo maayoon aalliitaa, woyee boonoshi katemoo aabiichaanona etto boonoshin giichii yeshaa, woyee naxo woyee biiyo amolla boonoshi toommooch waataa,

Iyoobi 18:11

Keqqichiibeeti mooyo biin giichitone; biin hilleꞌi yookkii beetone.

Iyoobi 20:25

Shango bi achoon hoti beshemmone; phariqqiibeeti bi aco, bi qamoon hoti beshemmone; kupphe keqqoo biin yechemmone.

Iyoobi 31:8

ta shookketi maayoon baroo mame; ta maayi collo waaxaa aallebe.

Shoddo 109:6

Biin taggemmon bi toommooch tiijjibe; taggechoo bi qannooch neexebe.

Shoddo 73:19

Aabichiꞌi qillifee yexx bedaan beetaa aalleheete! Boonoshi ciiro keqqichito tunehe.

Shoddo 78:33

Ebich boonoshi yemeeno hiinno aalloommon kaate bi aallemmoyich, boonoshi eeno keqqoona bi ciiremmoyich, tuniihe.

Keyo 15:26

Ishichiinoo iye: “Ittoshi Nuggishoo Doono Yeeri ta, ta qaaroon manjiiꞌi ittoshi waayegaata, ta aafooch tate mooyon ittoshi tuniigaata, ta getoon deꞌa iꞌi ta qociyoo bullin ittoshi quyegaatoo, Gibitseenaꞌo toommooch ta deebeti amee biiyoonolla ittoshi toommooch deebaachemmo taane. Ta ittoshin wodiyechi Doono Yeeri taane” iye.

Shaahiyoo 3:33

Doono Yeerichi ufo gonde ashi kexoochiye; tunebaani cadiqoochi kexon diiriye.

Isiyaasi 10:4

Qoppeenaꞌo daggooch gutenoyee, guureetinaꞌo daggooch dihoyee besh, ittoshich echeto amolla aalloone; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Isiyaasi 62:8

Doono Yeeri bi qanne kishoona, giidechi bi mochoonoo ishichiꞌi wogehe: “Ne maayoon ne etteenaꞌo maayemmoyich ciroona wochinnoon tuniyaachemmo taane; ne aajjeti woyinee uyoonoo shiqqeenaꞌo ciroona wochinnoon uyaachemminaꞌone.

Isiyaasi 7:2

Daawitichi yareenaꞌoyich, “Sooriyeenaꞌonaa Efreemichi yareenaꞌona guuphitinaꞌone” getaa getteehe. Ebich Akaazinaa bi asheenaꞌonochi mullo keqqoona, yongo shuurikkiibeeti kubbi mixon shaahiye.

Erimiyaasi 12:13

Teepphoon shookkiyeete; guccinon qecciyeete; aajjiyeete; tunebaani amoonolla boonoshich gaacaanoone; Doono Yeerichi kupphe kaaroochee tiyitona boonoshi marehooba yeellemminaꞌone” iye.

Erimiyaasi 15:3

“Aalliyechi awudde mooyinaꞌon boonoshi toommooch deejjemmo taane, iye Doono Yeeri. Eboshiyoo wuxoyich goraadoon, geechoyich kunaaneenaꞌon, mamonaa aalliyoonoyich, shimaajji kafeenaꞌonaa kubbi cooxinaꞌononiye.

Erimiyaasi 15:8

Ittoshi xuumeenaꞌochi haddoon, bahareexi qacoyee bi beshemmoyich tuniihoye; gurimaasheenaꞌochi indeenaꞌo waan aalliyechon aabe tukkehaa deeboye; ayinoonaa keqqoonon diqqoona boonoshi toommooch deeboye.

Erimiyaasi 20:4

Doono Yeeri ishichiye: ‘Neen, neennaa ne shunechinaꞌonoyich hukkoon tuniyemmo taane; boonoshiyoo ne aafoona beegi ne beetaa boonoshi etteenaꞌochi goraadoona dihemminaꞌone; Yihudee asho bullin Baabloonee taatoo kishooch beshiiree immemmo taane; biyoo qatinaꞌon Baabloonee showooch keci daammemmone; qatinaꞌonoo goraadoona wuxemmone.

Erimiyaasi 5:17

Budeexi ne maayoonaa kexeexi ne maayoonon, maa aalliyemminaꞌone; ne anaami bushiisheenaꞌonaa ne maache bushiisheenaꞌonon wuxemminaꞌone; ne bageenaꞌonaa ne miiminaꞌonon bashi maayemminaꞌone; ne woyinoonaa ne balaasoonon aalliyemminaꞌone; ne gibenaabeeti manje ne katemeenaꞌon happi, asheenaꞌon goraadoona wuxemminaꞌone” iye.

Hiziqeeli 24:23

Ittoshi qelli caaco ittoshi qellooch, ittoshi caammoo ittoshi baatooch beeyemmone; muushene eefaachemmo ittoshine; ittoshi axaaxee naboona kinikinnemmo ittoshine; ittoshinaa ittoshina gaashillemmo ittoshine.

Hiziqeeli 33:10

“Ashi bushoocho, Israꞌeelee macceenaꞌoyich ishichibe: ‘No xuꞌoonaa no axaaxoona no toommoochiye; eboshichi naboona maajjeto noone; kashoona no beeyemmo aabichireeshiye?’ ito ittoshine.

Amootsi 5:11

Girechinaꞌon neexxii hajjiyote; boonoshi maayoon giidoona boggiyote. Ebich, xaqqoon xarii kexinaꞌon ittoshi haggitaa, arooch beetaachemmo ittoshine; woyinoon gaawe xaaꞌooch bechito ittoshine; tunebaani aroochee woyinee uyoon uyaachemmo ittoshine.

Mikiyaasi 6:15

Yaroon shookkemmo ittoshine; tunebaani maayoon maci giijjaachemmo ittoshine. Zayitee michi aafoochee zayitoon hiiccemmo ittoshine; tunebaani ittoshi achooch huuteyaachemmo ittoshine. Woyinoon hiiccemmo ittoshine; tunebaani woyinee uyoon uyaachemmo ittoshine.

Haagi 1:6

Ittoshiyoo woddiiꞌi gochiyote, tunebaani ittoshi qeccii giijjito giishechoone. Maahote, tunebaani maa miyaachote. Uchiyote, tunebaani uchii tooꞌaachote. Tahehote, tunebaani ittoshi achooch qeecaache. Shumaayoon deqqiibeeti asho keexe kiisooch geddii beetoommon tunetone.

Zakaariyaasi 14:12

Yerusaalemin kocha tiyiti aageteenaꞌo toommooch Doono Yeeri kupphe biiyoon deebemmone. Batt baatoona neexe boonoshi beetaa, boonoshi meeno oqqemmone; boonoshi aafo bi qophoochaa, boonoshi heciyoo kookkoochaa oqqemmone.

Milikiyaasi 2:3

“Ittoshi shiijjereenaꞌon sheeremmo taane. Deejjoyich ittoshi giddiiti gijjeenaꞌochi xabeꞌoon ittoshi aafooch huuttemmo taane. Ebi are xabeꞌoona tookki hami duppeyemmo ittoshine.

Yibbaatoo 28:51

Neen boonoshi aalliimmi wottoon, ne gijjee shiijjoonaa budeexi ne maayoonon maaree aalliyemminaꞌone; ne maayoochee, ne woyinoochee, ne zayitoochee, ne miimoochee, bagoonaa emmishoonoochee amoonolla echiyaachemminaꞌone. Newoo qiti ciiremmo neene.

Yibbaatoo 32:25

Gurimaasheenaꞌonaa gidiideenaꞌona, gaggereenaꞌonaa geeneenaꞌona, gaddoochaa goraadoona qitemminaꞌone; boonoshi kexoochaa keqqoona qitemminaꞌone.

Hibireena'o 10:31

Beeyechi Yeerichi kishooch dihoo am shaahe shattiiti mooyone!

Woraaferasheenaꞌo 6:11

Aroochee Doono Yeerichi maraakoo Ofiri gafooch waaꞌi, Abezeerichi yaroo Yoꞌaashi budochi daggooch beeti ikke ooge michi xepphooch kotehe. Yoꞌaashi bushoo Geediyooni Miidiyameenaꞌo beegaachemmoyich aashoona woyinee hiicci oppoochaa teepphoon buchii beehe.

1 Saameeli 2:33

Tunebaani ne yaroochee echeree ta qeeshoon tune maddemmi asho, aafi yaamoonaa bi mullo tiishetona tunemmone. Bare ne yareenaꞌo bulli gurimaashebee qitemminaꞌone.