Leweenaꞌo 26:13 - Kafa Linguistics Project

¹³ Gibitseenaꞌoyich guuno ittoshi tuneyaachemmoyich, Gibitsee ittoshin kichaa deebeti ittoshi Nuggishoo Doono Yeeri taane. Guuchittinee waanjoon tiichaꞌa, kaama qaalliree ittoshi hammemmoyich tuniito taane.

Leweenaꞌo 26:13 ပူးပေါင်းရင်းမြစ်များ

Shoddo 116:16

Doono Yeero, ne guuno taane; ne gonneechi bushoo ne guuno taane; ta cuyoon biichetine.

Keyo 14:8

Doono Yeeriyoo Gibitsee taatoo Farooni mulloon bi muumiitoyich, Gibitsee aafee kupphoona kechii hammiibeeti Israꞌeeleenaꞌon yookkii dabbiye.

Keyo 20:2

“Gibitsee showee guuchittinoochee neen kichiti, ne Nuggishoo Doono Yeeri taane.

Keyo 6:7

Ittoshin ta maccoo tuniyemmo taane; ittoshichoo Nuggishoon tunemmo taane. Gibitseenaꞌochi guuchittinee waanjoochee ittoshin kichiti, ittoshi Nuggishoo Doono Yeeri ta tunoon ariyemmo ittoshine.

Isiyaasi 51:23

Ebi aroon, neen xuuxii beetinaꞌo kishooch, ‘Ne toommona no beshemmoyich yite’ ii beetinaꞌo kishooch, geddemmo taane; newoo ne gubboon, neecheebeeti showoommon, hammeebeeti gommoommon, tuniiti neene” iye.

Isiyaasi 9:3

Ne aageteenaꞌo meettemmoyich tuniito neene; emiroonoo boonoshich daakkihine. Asho maayoon bi qeciyooba, kecoonoo bi qoodehooba, bi emiroommon, ne aafoochaa emiremminaꞌone.

Erimiyaasi 2:20

Beshe Mawe Doono Yeeri ishichiye: “Meeti yemeenoyee aafi ne waanjoon tiichehoye; ne cuyoonoo kuxxehoye; tunebaani ne, taach maddoon qajjehine. Yahechichoommon, geppe xaaꞌoo bulliich, waajjechi michi baatoo bulliich qeyehine.

Erimiyaasi 28:2

“Israꞌeelee Nuggishoo Beshe Mawe Doono Yeeri ishichiye: Baabloonee taatoochi waanjoon tiichemmo taane.

Erimiyaasi 28:4

Baabloonee showooch hammiti Yihudee taatoo Yoyaqiimichi bushoo Yoyakiininaa Yihudee keco bullinon, hini xaaꞌooch wochemmo taane, iye Doono Yeeri. Ebiyoo Baabloonee taatoochi waanjoon tiichemmo ta tunetoyichiye” iye.

Hiziqeeli 30:18

Gibitsi giidoon ta tiishiyooba, Xafinaasich areddee showoo xumemmone; bi geeciibeeti bi giidoo niremmone; qubo biin guuppemmone; bi asheenaꞌoo kecceyemminaꞌone.

Hiziqeeli 34:27

Gaddeexi mixinaꞌo aafemminaꞌone; showoo maayi colloon uummiyemmone; boonoshi showooch keqqaalloon diggoona beeyemminaꞌone; boonoshi waanjee kayoon ta tiishiyooba, boonoshin hajjii beetinaꞌo kishoochee boonoshin ta kichiyooba Doono Yeeri ta tunoon ariyemminaꞌone.

Hosee'i 11:4

Asho ariqqoommon ariqqaꞌa woderoona, shunee woderoonoo boonoshin ta waan yaabiyoye; boonoshi waanjoon kettiihoye; yittaꞌaanoo boonoshich maanjiyoye.

Leweenaꞌo 25:38

Kanaanee showoon neech imma, neechoo Nuggishoo tuneya Gibitsee neen kichaa deebeti, ne Nuggishoo Doono Yeeri taane.

Leweenaꞌo 25:42

Israꞌeeleenaꞌo, Gibitsee kichaa ta deebeti ta guuninaꞌo boonoshi tunetoyich, guunochoommon kemmeyaayeete.

Leweenaꞌo 25:55

Israꞌeeleenaꞌo ta guuninaꞌone; Gibitsee kichaa ta deebeti ta hajjee guuninaꞌone. Tawoo ittoshi Nuggishoo Doono Yeeri taane.

Naahoomi 1:13

And illa boonoshi waanjoon ittoshi toommoochee kindiiree tiichemmo taane; ittoshi qoqqaannoon tiichemmo taane” iye.