Leweenaꞌo 25:6 - Kafa Linguistics Project

⁶ Showoo ebi kashee natooba bi aafeebeeti aafo bulli neech, ne guunonaa ne gonneenoyich, gijjoona ne kiraayiti ne shuunechoyich, neenna tookkii koteti shiqqoyich,

Leweenaꞌo 25:6 ပူးပေါင်းရင်းမြစ်များ

2 Taateenaꞌo 19:29

“Hiziqiyaaso, ebi neech malletoo tunebe: Hini natooch bi aalla colleton, gubbi natooch bi ochoon maayemmo ittoshine; aroochee keejjinnee natooch maayoon shoohiree qeccemmo ittoshine; woyinoonoo bechiree, bi aafoon maci maayemmo ittoshine.

Keyo 23:11

Tunebaani shabaattinnee natooba, goyaanoon ne qayaa showoo kashebe. Ne asheenaꞌo tuneti girechinaꞌo boonoshi maayemmi maayoon aroochee dane mameete; boonoshi maa echiiton kubbi cooxo mame. Ne woyinee qombeenaꞌonaa ne zayitee mixinaꞌonon ebiyoommon tuniibe.

Leweenaꞌo 25:20

Ittoshiyoo “Maayoon shoohaanoon, macaanoo giijjaanoon, ebi shabaattinnee natooba amooniye no maayemmo?” getiree gabemmo ittoshine.

Leweenaꞌo 25:21

Tunebaani shirittinnee natooba showoon ta diiraa, gutte natoyich beddemmi maayoon shakkiyemmone.

Leweenaꞌo 25:5

Gocheyaanoon, ne budooch bi aalla shaggiti maayoon qeccaahine. Qepheyaanoon aafeti ne woyinee aafoon maciyaahine. Are nato showoyich yaafeeti kashee nato tunebe.

Leweenaꞌo 25:7

ne gijjeenaꞌonaa ne showooch beeti kubbi cooxinaꞌonoyich maayoon tunemmone. Bi aafeti aafo bulli manjeyemmone.

Mishiraachechinaꞌo 2:44

Yesuusichi asheenaꞌo bulli ikkooch tuneꞌi, boonoshi hajjito bullin ikkooch gogeheete.

Mishiraachechinaꞌo 4:32

Arooba Yesuusichi asheenaꞌo bulli ikke mullo, ikke kasho tuneheete; boonoshi daggoochee koniyoona “Hini gijjoo taachone” getaanoone; bullin gogeꞌi ikkooch qoodee beeheete.