Leweenaꞌo 25:43 - Kafa Linguistics Project

⁴³ Boonoshin neexi hajjiyaahine. Ne Nuggishoo taan shate.

Leweenaꞌo 25:43 ပူးပေါင်းရင်းမြစ်များ

Halloo 42:18

Keejjinnee qemooba, Yooseefi boonoshich ishichiye: “Yeerin ta shattaa beetoyich, ebin tuniiree ittoshi kashoon wodiibote.

2 Kiinoo 28:10

Andoo ittoshi, Yihudee showoonaa Yerusaaleminooch beeti anaaminaꞌonaa maacheenaꞌonon guuno tunii hajjiya gabiibeeto ittoshine; ebin tuniyoona, ittoshiyoo wotta ittoshi Nuggishoo Doono Yeerin xuqqii toone ittoshi beeto?

Iyoobi 31:13

“Ta guuno woyee ta gonnee ta waan waaꞌa cookaa, boonoshi cookoon waayeyaano ta tunegaata,

Iyoobi 31:14

Yeeri ta toommooch nalliya bi waahooba, ama gettehote? Taan bi echehooba, ama getiree biich wochehote?

Keyo 1:17

Tunebaani ebi yechii shiijjechi genneenaꞌo Yeerin boonoshi shattitoyich, Gibitsee taatoo gettiti ebi mooyon tuniyaaneenaꞌone; anaami bushiishoon wuxaanoon qajjiyeete.

Keyo 2:23

Meeti natoyee gubb, Gibitsee taatoo qitiye. Israꞌeeleenaꞌo guuchitinoochee tiyitona boonoshi toommooch shaggiibeeti xuuxoona gaashillii beeheete. Guuchittinoochee boonoshin bi gaachemmoyich boonoshi cookiti cookoo Yeerich waayeehe.

Keyo 3:7

Aroochee Doono Yeeri ishichiye: “Gibits beeti ta asheenaꞌochi xuuxoon beeggeto taane; boonoshin shuuniibeeti ukkireenaꞌo maacee manjoochee tiyitona, boonoshi cookiibeeti cookoon waayeto taane. Boonoshi xuuxoonoo digeneto taane.

Keyo 3:9

Andoo Israꞌeeleenaꞌo cookiibeeti cookoo ta waan waayeetone; Gibitseenaꞌo boonoshi toommooch tuniibeeti xuꞌoon beeggeto taane.

Keyo 5:14

Wotta shuunoon ciini shuuniyoyich kaacheti Israꞌeelee ukkireenaꞌo “Yiichichon tuneba hanaachichon, ebiyee aaf shuuniiꞌi ittoshi giddii beetoommon, amoyich giddiyaachote?” getaa, boonoshin ukkiriiti, guuninaꞌo toommooch ukkireti Gibitsee ukkireenaꞌona xooppeheete.

Isiyaasi 47:6

Ta asheenaꞌon kaarehoye; boonoshin ne kishooch beshiyaa imona, ta hajjee asheenaꞌo giishemmoyich tuniihoye; newoo boonoshich ariqqeyaane neene; geeneenaꞌo toommooch waanjoon maggiihine.

Isiyaasi 58:3

Asheenaꞌo, “Ne ciinaanich amoyich coomiyone? Mooch ne haddaanich amoyich no qelloon giishiihone?” iyeete. Doono Yeeriyoo ishichiye: “Ittoshi coomii beehooba ittoshi mullee daaggoon tuniihote; ittoshi shuunechinaꞌon duꞌiihote.

Hiziqeeli 34:4

Nireton kupphiyaano ittoshine; biiyeton attee wodiyaano ittoshine; tiisheton sheppheyaano ittoshine; yallyallimiton wochaano ittoshine; aalleton qaawaano ittoshine; giidoona, mullee manjoonoo neexxii hajjiyote.

Leweenaꞌo 25:17

Ittoshinaa ittoshina ikkoo baroon dachaaye. Ne Nuggishoon shate. Ta, ittoshi Nuggishoo Doono Yeeri taane.

Leweenaꞌo 25:42

Israꞌeeleenaꞌo, Gibitsee kichaa ta deebeti ta guuninaꞌo boonoshi tunetoyich, guunochoommon kemmeyaayeete.

Leweenaꞌo 25:44

“ ‘Guunonaa gonneenna ittoshich bi qaawiigaata, ittoshi guudoona beeti aageteenaꞌo daggoochee kemoon hakkiyote.

Leweenaꞌo 25:46

Bulli yemeenoon boonoshi hajjemmoyich, ittoshi bushiisheenaꞌoyich woraashiyoon hakkiyote. Tunebaani Israꞌeelo tuneti ittoshi manoon ciroona neexi hajjiyaahote.

Leweenaꞌo 25:53

Bi doono uro biinna tookkii bi beemmi aabo bullin natooch qocheebeeti gijjoona kiraayeeti shuunechon shaahiiree ciinani, biin neexi hajjaaye.

Milikiyaasi 3:5

“Ittoshi toommooch nalliya, ittoshi waan woyemmo taane; iicechinaꞌochi, shunimaayeenaꞌochi, kootoon wogee beetinaꞌochi, shuunechinaꞌochi shumaayoon bajjii beetinaꞌochi, xuumeenaꞌonaa nihaalleenaꞌonon xuqqii beetinaꞌochi, shiqqoon shiqqii beetinaꞌonaa taan shataaneenaꞌonochi toommooch nallemmo taane” iye Beshe Mawe Doono Yeeri.

Efesooni 6:9

Dooninaꞌote, miichoon qayiichi, ittoshi guuninaꞌoyich ebiyoommi mooyon tuniibote. Boonoshinaa ittoshinon hajjiibeeti Doono shimaajj bi beemon, ashoon heppaanoon nalliibeeto bi tunoonoo ariibeeto ittoshine.

Yibbaatoo 25:18

Taahaa maraataꞌa ne beetaa, gommoochaa neenna daneꞌi gubb kuxeꞌi dabbii beetinaꞌo bullin wuxiyeete. Boonoshiyoo Yeerin shataaneenaꞌone.

Qolaasiyaasi 4:1

Dooninaꞌote, ittoshi wotta shimaayooch Doono ittoshich beemon ariiree, ittoshi guuninaꞌoyich kaamoonaa tate mooyonon tuniibote.