Leweenaꞌo 25:17 - Kafa Linguistics Project

¹⁷ Ittoshinaa ittoshina ikkoo baroon dachaaye. Ne Nuggishoon shate. Ta, ittoshi Nuggishoo Doono Yeeri taane.

Leweenaꞌo 25:17 ပူးပေါင်းရင်းမြစ်များ

Halloo 20:11

Abrahamiyoo Abimeleekich ishichiye: “ ‘Hiniich Yeerin shattiibeeti asho aalloone; asheenaꞌo ta mecheyicha getiree taan wuxemminaꞌone’ iyaa ta gabitoyichiye.

Halloo 22:12

Maraakoo “Bushoochi achooch shaggaahine. Bi toommooch amoonolla halliyaahine. Ne bushoon, ikke mixxe ne bushoon, taach woonaano ne tunetoyich, Yeerin shattaabeeto ne tunoon and ariito taane” iye.

Halloo 39:9

Hini kechi daggooch taach beeti ukkirittino biichoommone; taach bi imaani mooyo, bi mechee ne tunetoyich, neen baachiye. Ishigaata, ebi shaahe gonde mooyon tuniyoona aabichiree Yeeri aafooch axaaxoon shuunebote?” iye.

Halloo 42:18

Keejjinnee qemooba, Yooseefi boonoshich ishichiye: “Yeerin ta shattaa beetoyich, ebin tuniiree ittoshi kashoon wodiibote.

2 Kiinoo 19:7

Andoo Doono Yeerin shatote; no Nuggishoo Doono Yeer waan dayinnetoon dabiyoo, ashi aafoon ciinniꞌi heppoonaa xuccoon mamona aallo bi tunetoyich, bulli mooyon ittoshi qelloon ariyoona tuniibote” iye.

Nehimi 5:15

Tunebaani tayee aaf beeti showee iraasheenaꞌo asheenaꞌo toommooch mooyon maggiitinaꞌone; maayoonaa woyinee uyoonoyee daakkiꞌi aabbe sheqeelee birewoon deqqii beeheete; boonoshi naayinaꞌoo asheenaꞌo toommooch doonjee beeheete. Tunebaani ta, Yeerin ta shattetoyich, ebiyoommon tuniyaano taane.

Nehimi 5:9

Daakkaꞌa ishichiyo: “Ittoshi tuniibeeti mooyo gaaweyaanoone; no etteenaꞌo tuneti aageteenaꞌo noon naagaachemmoyich, no Nuggishoon shatona beemo ittoshich qaawiyaache?

Shoddo 19:9

Doono Yeerin shato xalloone; bulli yemeenoon manjiree beeyemmone; Doono Yeerichi geto tato, ceeni iberoone.

Keyo 20:20

Muusiyoo “Shattaahote; Yeeri ebiyoommi gommona ittoshi waan bi waato, ittoshi mooyon beegoyichiye; biichoo shatiree, axaaxoon shuunoochee wohiree ittoshi beeyemmoyichiye” iye.

Shaahiyoo 1:7

Doono Yeerin shato ariyee shiichoone; tunebaani tuusheenaꞌo shalligoonaa sheeroonon hoxeheete.

Shaahiyoo 14:31

Girechon xuuxiibeeto biin Halliton hoxehe; tunebaani girechoyich ariqqeebeeto biin Halliton oogiihe.

Shaahiyoo 16:6

Shunoonaa gibenoona axaaxoo qereehe; Doono Yeerin shatona asho axaaxoochee wokkiye.

Shaahiyoo 22:22

Girecho bi tunetoyich girechon boggaahine; iritechon nallee gabberoochaa xuqqaahine.

Isiyaasi 3:14

Doono Yeeri ogoogeenaꞌonaa asheenaꞌochi iraasheenaꞌona tookki ishichi taggemmone; “Woyinee goyoon aalliito ittoshine; girechinaꞌo waanee ittoshi boggito ittoshi kexooch ceennitone.

Erimiyaasi 22:16

Girechonaa iriteetonochi nalloon nallii beehe; ebich biich gaawee beehe; ebi taan ariyoo toone?” iye Doono Yeeri.

Leweenaꞌo 19:13

“ ‘Neenoommi ne manoon xuqqaahine. Biin boggaahine. “ ‘Shuunoon ne shuuniiti ashi caajjee gatiyoon qocaanoon qeejjiyaahine.

Leweenaꞌo 19:14

“ ‘Ulloon naaggaahine. Aaf doogoochi aafoochoo tephi dichemmi mooyon kotiyaahine. Ne Nuggishoo taan shate. Ta, Doono Yeeri taane.

Leweenaꞌo 19:32

“ ‘Bukkechi ashi aafooch tiyi neexebe. Geene ashoon oogiibe. Ne Nuggishoo taanoo shate. Ta, Doono Yeeri taane.

Leweenaꞌo 25:14

“ ‘Ne manoo tuneti Israꞌeelee ashoyich showoon ne kemigaata woyee bi waanee ne kemegaata, ikkoo baroon dachaaye.

Leweenaꞌo 25:36

bi waanee shimon woyee daakkoon qaawiyaahine. Ne Nuggishoon shate. Ne katinooch bi beeyemmoyich tuniibe.

Leweenaꞌo 25:43

Boonoshin neexi hajjiyaahine. Ne Nuggishoo taan shate.

Milikiyaasi 3:5

“Ittoshi toommooch nalliya, ittoshi waan woyemmo taane; iicechinaꞌochi, shunimaayeenaꞌochi, kootoon wogee beetinaꞌochi, shuunechinaꞌochi shumaayoon bajjii beetinaꞌochi, xuumeenaꞌonaa nihaalleenaꞌonon xuqqii beetinaꞌochi, shiqqoon shiqqii beetinaꞌonaa taan shataaneenaꞌonochi toommooch nallemmo taane” iye Beshe Mawe Doono Yeeri.

Luqaasi 12:5

Tunebaani ittoshi shattemmon ta ittoshich gettemmo taane: Aroo bi wuxitoyee gubb, shiweree qaaqqooch dufon hakkemmi Doonon shatote. Andoo ittoshich gettoye, biin shatote.

Mishiraachechinaꞌo 10:2

Qorineloosi bi kechi asheenaꞌo bullina tookkii Yeerich qeyii beetone; biichoo hajjee beetone; iriteetinaꞌon oogichii gaacheebeeto, kuxaanoonoo Yeer waan corootii beeti uroone.

Mishiraachechinaꞌo 10:35

aagetoo bulliichee koniyoona bi tunetaa, biich hajjee beetonaa tatoon shuuneebeeto bullinon hoxeyaachemmone.

Mishiraachechinaꞌo 9:31

Arooba Yihudee showoo, Galiilee showoonaa Shamaaree showoo bullinooch beeti kittinnee guuphinaꞌo shatoochee kasheheete, manjiyeete; Doonoyichoo hajjeebee Yaafe Ayaanoona goggeebee qeyii qeyii meettiyeete.

Roomi 11:20

Iberoone; Yeeri toommooch mulloon tooꞌiyoon boonoshi qajji naboona xooꞌeheete; newoo ne mulloon Yeeri toommooch ne tooꞌiyee naboona neexehine. Ebich shatalli geeciyaahine.

Roomi 3:18

Yeerin shato boonoshi aafooch aalloone.”

Yibbaatoo 25:18

Taahaa maraataꞌa ne beetaa, gommoochaa neenna daneꞌi gubb kuxeꞌi dabbii beetinaꞌo bullin wuxiyeete. Boonoshiyoo Yeerin shataaneenaꞌone.

1 Tasaloonqi 4:6

wotta shiichaꞌa ittoshich manjii gettaa no shalligichitoommon, ebi mooyo bullin Doono Yeeri wochi gaaccemmo bi tunetoyich, koniyoona ebi mooyon shaaddaaye; biinoommi bi manoonoo xuqqaaye.

1 Saameeli 12:24

Ittoshi baach Doono Yeerin shatote; biich gibeneeton tuneree, ceeni ittoshi mulloona biich goyinne maddebote; ittoshich bi tuniiti worganikkiti mooyinaꞌon shalligibote.