Leweenaꞌo 25:10 - Kafa Linguistics Project

¹⁰ Ebina aachinnee naton yaafibote. Ebi showoo bulliich beeti asheenaꞌo guuchittinoochee boonoshi keyi awaajjoon awaajjibote. Ebi Yobeelee natooba kecheti showoo bulli kemmiti ashoyich woyee bi shiijjeroyich wottebe; guuno tunee kechetoo bi kechi asheenaꞌo waan wottebe.

Leweenaꞌo 25:10 ပူးပေါင်းရင်းမြစ်များ

Iziri 1:3

Bi asheenaꞌoochee ittoshi daggooch beeti asho koniyoona Yihudee showooch beeti Yerusaalem, damba hambe; bi Nuggishoo biinna tookki tunebe. Yerusaalem beeti, Nuggishoo, biyoo Israꞌeelee Nuggishoo Doono Yeerichi kexon hage.

Shoddo 146:7

Xukketinaꞌoyich nalliibeeto, shaacetinaꞌoyichoo maayoon immiibeeto, biine. Doono Yeeri qoppeenaꞌon biichiye.

Keyo 20:2

“Gibitsee showee guuchittinoochee neen kichiti, ne Nuggishoo Doono Yeeri taane.

Isiyaasi 49:9

Qoppeenaꞌon ‘Keyi hambote,’ manderee daggooch beetinaꞌonoo ‘Bekkooch keyote’ gettemmo neene; gommona hamibee, maayoon dane maayemminaꞌone; geppee toommeexi shokke xaaꞌoo, boonoshich mocechi gaddo tunemmone.

Isiyaasi 63:4

Nichoo kichee aaboon maacceto taane; ta biishemmi aabo shaggitone.

Erimiyaasi 34:10

Asho bulli bi guunonaa bi gonneenon guuchittinoochee bi kichemmoyich, ebiyee bekk koniyoona boonoshin bi hajjaachemmoyich, wogoon giyiti ukkireenaꞌo bullinaa asho bullina deꞌa iyeete; guuchittinoocheenoo boonoshin kichiyeete.

Erimiyaasi 34:8

Taatoo Sedeqiyaasi guuninaꞌon guuchittinoochee kichoyich Yerusaalemi katemee asho bullina tookkii wogoon bi giyitoyee gubb, Doono Yeeri bi qaaroona Erimiyaasich gettiye;

Hiziqeeli 46:17

Tunebaani bi iristoochee bi guuninaꞌoochee ikkoyich bi imigaata, yoobeelee nati wottoon biicho tunebe; aroyee gubb bi doonoyich wochibe; iristo iraashoochi bushiishoyich icheti wojjoo baachiye manjemmo.

Leweenaꞌo 25:11

Ebi aachinnee nato ittoshich Yobeelee nato tunebe. Ebi natooba maayoon shookkaahote. Gocheyaanoon budooch bi aalla shaggiti maayoon qeccaahote. Qepheyaanoon aafeti woyinee aafoon maciyaahote.

Leweenaꞌo 25:13

“ ‘Ebi Yobeelee natooba kecheti showoo bulli kemmiti ashoyich wottebe.

Leweenaꞌo 25:41

Arooba biinnaa bi bushiishoona gawukkaa hambeete. Bi xibeenaꞌo waan, bi qaabbechinaꞌo showooch wottebe.

Leweenaꞌo 25:54

“ ‘Eboshiichee ikke gommona guuchittinoochee keyo bi qayigaata, biinnaa bi bushiishoona waabeeti Yobeelee natooch keyeete.

Luqaasi 1:74

Wotta noon shixxii beetinaꞌo kishoochee noon wodiiree, no beemi yemeeno bulliich shataanoon yaafoonaa cadiqoona tuneree beebee, biich no maddemmon bi hakkiyemmoyichiye.

2 Qorontoosi 3:17

Illa Doono Ayaanoone; Doonochi Ayaano beeti are xaaꞌooch guuchittinoochee keyo beetone.

Galaati 4:25

Ebi Haggaari Arabee showooch beeti Siini guudi shaahiyeene. Andoo showooch beeti hanaachi Yerusaalemichi shaahiyeene. Bi bushiishoona tookkaa guuchittinooch beetine.

Galaati 5:13

Ta maneenaꞌote! Guuchittinoochee ittoshi kechemmoyich Yeeri ittoshin ceeggitone; tunetaa ebi guuchittinoochee ittoshi keyon meechi qaatoyich deꞌa ittoshi gettemmi gommon tuniyaahote. Tunebaani ittoshinaa ittoshina ikkoo baroyich shunoona maddebe.

1 Pheexiroosi 2:16

Guuchittinooch hajjeyoochee keyiree Yeerichi guuninaꞌochoommon beebotalli, are guuchittinoochee ittoshi keyon gonde shuunee qeroon tuniyaahote.