Leweenaꞌo 24:9 - Kafa Linguistics Project

⁹ Ebi kosho Haroonich, bi shiijjeroyichoo tunemmone. Qaaqqooch michaa, Doono Yeeri taach giddeebeeti deejjoochee oogichii yaafeeton tuneti boonoshi qoodoo bi tunetoyich, ebi aroon yaafoo tuneti xaaꞌoochaa mameete; ebiyoo bulli yemeenee doyoone” iye.

Leweenaꞌo 24:9 ပူးပေါင်းရင်းမြစ်များ

Keyo 27:21

Danee duukkaanee daggooch, taabootoon bariibeeti maccillaatoyee maach, Harooninaa bi anaami bushiisheenaꞌona Doono Yeeri ta aafooch ceechoo xumoochee harooch beddaahaa bi aaxxemmoyich tuniiree quyebeete. Ebiyoo Israꞌeeleenaꞌoyich shiijjeroochee shiijjerooch, bulli yemeenee doyoo tunebe.

Leweenaꞌo 10:12

Muusiyoo Harooninaa echeti bi gutte bushiisheenaꞌo Elazaarinaa Itamaarinoyich ishichiye: “Oogeti yaafoo bi tunetoyich, qaaqqooch michaa Doono Yeerich deejjeeti maayi buuroochee echeton daamiree, shittoo giyaani koshon kachiiree deejjee gudee gaꞌoochaa mamote.

Leweenaꞌo 10:17

“Ebi axaaxee deejjoon yaafoo tuneti xaaꞌoochaa amoyich maataachote? Ebi deejjoo oogeti yaafoone. Asheenaꞌochi axaaxoon shaagiree Doono Yeeri aafoochaa boonoshich maaroon ittoshi daniyemmoyich ittoshich ichetone.

Leweenaꞌo 21:22

Ebiyoommi asho buuro tuniitaa taach giddeti, yaafoonaa oogeti yaafoona tuneti maayoochee mamon hakkiye.

Leweenaꞌo 24:10

Bi indee Daani yoodoochee tuneti Dibiri bushee Shelomiti getteebeeti Israꞌeelechee, bi nihoo Gibitsee asho tuneti ikke uro Israꞌeeleenaꞌo daggooch hammiye. Biyoo kaamboochaa ikke Israꞌeelee ashoona kaarehe. Ebi Israꞌeelachechi bushoo Doono Yeerichi shigoon naagona uroon uppiye. Ebina biin Muus waan daammiyeete.

Leweenaꞌo 3:17

“ ‘Ittoshi kotemmi xaaꞌoo aabiichaanona, awuyon woyee damoon maayaahote. Ebiyoo gubbi ittoshi shiijjeroo bulliich beddaahaa, kuxeyaanoon beeyemmi qociyoone’ gete” iye.

Leweenaꞌo 6:11

Ebi bi taheti tahoon shootiree bare tahoon tahebe. Tulloon shaagi kaamboochee kichiree yaafe xaaꞌooch daambe.

Leweenaꞌo 6:16

Echeton Harooninaa bi anaami bushiishoona mameete; shittoo giyaanoon kachiti koshon yaafoo tuneti xaaꞌoochaa, danee duukkaanee addibaaboochaa mameete.

Leweenaꞌo 6:9

“Harooninaa bi anaami bushiishoonoyich ishichi gete: ‘Micciibeeti deejjoon giddiyee qocoo ebine: Micciibeeti deejjoo xumo bullin harimmi wottoon, deejjee gudee toommooch beeti gudee xaaꞌooch beebe. Qaaqqoo deejjee gudee toommooch tahaanoon aaxxebe.

Leweenaꞌo 8:3

Israꞌeeleenaꞌo bullinoo danee duukkaanee kellooch ceege” iye.

Leweenaꞌo 8:31

Aroochee Muusi Harooninaa bi anaami bushiishoonoyich ishichiye: “Meenon danee duukkaanee kelloochaa kiiyote; ‘Harooninaa bi anaami bushiishoona mameete’ iꞌi Doono Yeeri gettitoommon, qeesheenaꞌon bariyee deejjee kosho giddeebeeti gemooch beeti koshona tookki mamote.

Milikiyaasi 1:12

“Tunebaani ittoshi ‘Doono Yeerichi madoo eeꞌoone; bi maayo hoxeetone’ getona ta shigoon kettiihote.

Maatiyoosi 12:4

Yeerichi kexooch giyiꞌi qeesheenaꞌoyichalli boonoshich daaggeyaani yaaree koshon biinnaa biinna tookkii beetinaꞌona maatinaꞌone.

Maariqoosi 2:26

Abiyataari qeeshee guudo tuneꞌi bi beetaa, Daawiti Yeerichi kexooch giyiꞌi, qeesheenaꞌoyee damba bare asho maataachemmoyich Muusichi Sheeroo bajjiti yaaree koshon tiijjiꞌi maahe; biinna tookkii beetinaꞌoyichoo wotta aroochee immiye” iꞌi gettiye.

Luqaasi 6:4

Yeerichi kexooch giyiꞌi qeesheenaꞌoyee damba bare asho koniyoona maataachemmoyich Muusichi Sheeroo bajjiti yaaree koshon tiijjiꞌi maahe; biinna tookkii beetinaꞌoyichoo wotta immiye” iye.

1 Saameeli 21:6

Ebich qeeshoo yaafeeti koshon Daawitich immiye. Ebiyoo biich beeto Doono Yeerich aafooch bi geddeti madelloochee, qeeci kosho kereechaa tiyiti yaaree kosho baach bi tunetoyichiye.