Leweenaꞌo 23:39 - Kafa Linguistics Project

³⁹ “ ‘Maayoon budoochee ittoshi kicitoyee gubb, shabaattinnee agenee aaraa uuchinnee qemoochee tiijjiree, shabaatte qemi wottoon, Doono Yeeri taach baaroon baaribote. Batti batti aaboonaa ciireexi aaboona yaafeeti kashee aabo tunebe.

Leweenaꞌo 23:39 ပူးပေါင်းရင်းမြစ်များ

Keyo 23:16

“Ne budooch ne shookketi qaabbe Maayi Qecci Baaroon baaribe. “Nati ciirooch ne budeexi maayoon ne kiciyooba, Maayi Kicee Baaroon baaribe.

Leweenaꞌo 23:24

“Israꞌeeleenaꞌoyich ishichi gete: ‘Shabaattinnee agenee ikkinnee qemo yaafeeti kashee shambetoo, tiroo (waaringo) huggi shalligichoo, taach goyinnoyich ittoshi kiceyemmi yaafeeti aabo ittoshich tunebe.

Leweenaꞌo 23:34

“Israꞌeeleenaꞌoyich ishichi gete: ‘Doono Yeeri ta Bashee (Yambaaree) Baaroo shabaattinnee agenee aaraa uuchinnee qemooba giyiree shabaatte qemon yagemmone.

Leweenaꞌo 23:36

Qemi qemona shabaatte qemi wottoon, Doono Yeeri taach micciibeeti deejjoon giddiibote. Shabaattee ciirooba taach goyinnoyich yaafeeti kiceyoon kiceebote. Maayi buuroonoo giddiibote. Shuunoon shuuneyaahote.

Leweenaꞌo 23:38

Ebi baareenaꞌo Doono Yeeri ta shambetoyee, ittoshi immemmi wojjoyee, ittoshi giddiyemmi tiikkeshoyee, mullee daaggoona Doono Yeeri taach ittoshi immiibeeti mooyo bulliyee bareenaꞌone.

Leweenaꞌo 23:40

Batti batti aabooba manjeebeeti gaawe michi aafoon, yeebbee waamon, wodde waajjechi michi qaakkoonaa aachi gashooch beeti mixonon yeshiree, shabaatte qemi wottoon ittoshi Nuggishoo Doono Yeeri ta aafooch emiribote.

Yibbaatoo 16:13

Muusi Israꞌeeleenaꞌoyich ishichiye: “Ne maayoon buchaꞌa ne kicitoyee gubb, woyinoonoo hiiccaꞌa ne ciichitoyee gubb, shabaatte qemi wottoon Bashee (Yambaaree) Baaroon baaribe.