Leweenaꞌo 23:38 - Kafa Linguistics Project

³⁸ Ebi baareenaꞌo Doono Yeeri ta shambetoyee, ittoshi immemmi wojjoyee, ittoshi giddiyemmi tiikkeshoyee, mullee daaggoona Doono Yeeri taach ittoshi immiibeeti mooyo bulliyee bareenaꞌone.

Leweenaꞌo 23:38 ပူးပေါင်းရင်းမြစ်များ

2 Kiinoo 31:14

Lewoo, aabi-keyo waanee kelloon quyeebeeti, Yimini bushoo Qoori, mullee daaggoona Doono Yeerich icheti gijjoonaa yaafeeti mooyinaꞌonon qoodoyich ukkirehe.

Shoddo 56:13

Kashechinaꞌo toommooch bekkeebeeti bekkoona, Yeeri aafooch ta shaꞌemmoyich, ta kasheen qitoochee, ta baatoon tepheyoochee, wodiito neene.

Shoddo 76:12

Yeeri geecechi iraasheenaꞌon giishiihe; showee toommeexi taateenaꞌo biin shattiyeete.

Hiziqeeli 46:12

Iraashoo bi daaggoona bi giddiibeeti deejjoon, micciibeeti deejjoon woyee bi daaggoona Doono Yeerich bi giddiibeeti ikkittinee deejjoon bi giddii beegaata, aabi-keyo waan wotteti kello biich qecheebe; shambetooba bi tunii beetoommon, micciibeeti deejjoonaa ikkittinee deejjoonon giddiibe; aroochee maach keye; bi kechitoyee gubb, kello hichebe.

Leweenaꞌo 19:3

“ ‘Ittoshi daggoochee asho bi ikkikkoona bi indeenaa bi nihoonon oogiibe. Ta shambetoon quyebote. Ta, ittoshi Nuggishoo Doono Yeeri taane.

Leweenaꞌo 23:3

“ ‘Shiritte qemon shuunoon shuunemmo ittoshine; tunebaani shabaattinnee qemo yaafeeti kashee shambetoo, taach goyinnoyich ittoshi kiceyemmi yaafeeti aaboone. Doono Yeeri ta shambetee aabo bi tunetoyich, ittoshi koteti showoo aabiichaanona shuunoon shuuneyaahote.

Leweenaꞌo 23:37

“ ‘Micciibeeti deejjoon, maayi buuroon, bare deejjoonaa uyee deejjoonon Doono Yeeri taach ittoshi deejjemmi, taachoo goyinnoyich yaafeeti kiceyoon ittoshi kiceyemmi, goori gooroona baareyemmi, yaafeeti, Doono Yeeri ta baareenaꞌo eboshine.

Leweenaꞌo 23:39

“ ‘Maayoon budoochee ittoshi kicitoyee gubb, shabaattinnee agenee aaraa uuchinnee qemoochee tiijjiree, shabaatte qemi wottoon, Doono Yeeri taach baaroon baaribote. Batti batti aaboonaa ciireexi aaboona yaafeeti kashee aabo tunebe.

Haddoo 29:39

“ ‘Micciibeeti ittoshi deejjeenaꞌon, ittoshi maayi buureenaꞌon, ittoshi uyee deejjeenaꞌonaa ittoshi ikkittinee deejjeenaꞌonon maacheeti ittoshi baaree aabooba Doono Yeeri taach deejjibote. Ebiyoo tiikkeshoonaa ittoshi mullee daaggoona ittoshi deejjiibeeti deejjoonoyee baroone’ gete” iye.

Yibbaatoo 12:6

Micciibeeti ittoshi deejjoonaa bare deejjoonon, ittoshi danee beetoochee kechiibeeti asraatoonaa ittoshi wojjoonon, ittoshi mookketi tiikkeshoonaa ittoshi mullee daaggoona ittoshi immiibeeti wojjoonon, ittoshi gijjeenaꞌoochee shiichii shiijjetonoo arooch deebote.