Leweenaꞌo 23:34 - Kafa Linguistics Project

³⁴ “Israꞌeeleenaꞌoyich ishichi gete: ‘Doono Yeeri ta Bashee (Yambaaree) Baaroo shabaattinnee agenee aaraa uuchinnee qemooba giyiree shabaatte qemon yagemmone.

Leweenaꞌo 23:34 ပူးပေါင်းရင်းမြစ်များ

1 Taateenaꞌo 12:32

Yihudee showoochaa baaroo baaree beetoommon, shimittinnee agenee aaraa uuchinnee qemooba, bi baareyemmon Yeroboꞌami tuniihe; deejjee gudoochoo deejjiye; bi shuuneti maaminaꞌochi misiloyich deejjoon deejjiye; ebi bullin Beeteelaa tuniihe. Guudi toommeexi goyinnee xaaꞌeenaꞌoyich bi kaacciti, qeesheenaꞌon Beeteel kotiihe.

1 Taateenaꞌo 8:2

Ebina Israꞌeeleenaꞌo bulli Etaniimi getteebeeti shabaattinnee agenooch baareebeeti baarooba taatoo Solomoon waan kiceeheete.

1 Taateenaꞌo 8:65

Arooba Solomooni biinna tookkii beeti Israꞌeeleenaꞌo bullina tookkii, ebiyoo Hamaati katemooch beshe kaattoochee tiijjii Gibitsee aacooch beddaahaa beeti showoochee kiceeti ooge iitoona tookkii, no Nuggishoo Doono Yeeri aafooch shabaatte qemi baaroon baariye.

Iziri 3:4

Sheerooch kooreetoommonoo, Bashee (Yambaaree) Baaroon baariyeete; heeyi heeyooch qaawiibeeti heeyi deejjoon bi kooreeti haddoommon giddiiheete.

Nehimi 8:14

Shabaattinnee agenee baaroon Israꞌeeleenaꞌo bashoon bashi koteree boonoshi baaremmoyich, Doono Yeeri Muusina gettiti geto sheerooch kooreeton daneheete;

Keyo 23:16

“Ne budooch ne shookketi qaabbe Maayi Qecci Baaroon baaribe. “Nati ciirooch ne budeexi maayoon ne kiciyooba, Maayi Kicee Baaroon baaribe.

Keyo 34:22

“Qaabbe ne teepphoon ne qeciyooba, qecci baaroon baaribe. Ebiyoommon maayi kicee baaroon nati ciirooba baaribe.

Hiziqeeli 45:25

“Shabaattinnee agenee aaraa uuchinnee qemoobee tiijjiꞌi shabaatte qemon baareebeeti baarooba, axaaxee deejjoyich, micciibeeti deejjoyich, zayitoonaa maayi buuroonoyichoo ebiyoommon giddiibe” iye.

Leweenaꞌo 23:33

Doono Yeeri Muusich ishichiye:

Leweenaꞌo 23:42

Shabaatte qemi wottoon bashooch kotebote. Israꞌeelee asho tuneto bulli bashooch kotebe.

Leweenaꞌo 23:43

Ebina Israꞌeeleenaꞌon Gibitsee kichaa ta deebiyooba, bashooch boonoshi kotemmoyich ta tuniyoon ittoshi shiijjereenaꞌo ariyemminaꞌone. Ta, ittoshi Nuggishoo Doono Yeeri taane’ itone gete” iye.

Haddoo 29:12

“ ‘Shabaattinnee agenee aaraa uuchinnee qemon Doono Yeeri taach goyinnoyich ittoshi kiceyemmi yaafeeti aaboon tuniibote. Shuunoon shuuneyaahote. Shabaatte qemi baaroon Doono Yeeri taach baaribote.

Yowannisi 1:14

Are Qaaro ashoon tunehe; Yeerichi wojjoonaa iberoona bi toommooch meettiꞌi bekketaa noonna tookkii beehe; bi Nihoyich ikke mixxe Bushoo bi tunetoyich, bi waanee bi deqqiti oogee yiiroon beeggehone.

Yowannisi 7:2

Ayihudeenaꞌochi Bashee (Yambaaree) Baaroo katinnii giisheche aabo echehe.

Yibbaatoo 16:16

“Natooch keejje wottoon, ebiyoo Shittoo Giyaani Kochi Baarooba, Maayi Qeci Baaroobinaa Bashee (Yambaaree) Baaroobinooch, Israꞌeelee asho tuneti anaamo bulli ne Nuggishoo Doono Yeeri kaacciti xaaꞌooch, bi aafooch giddebe. Doono Yeeri aafooch shokke kishoon giddaayeete.

Yibbaatoo 31:10

Aroochee Muusi boonoshich ishichiꞌi gettiye: “Shabaatti shabaatte nati ciirooch, hiishoo maareebeeti aabooba, Bashee (Yambaaree) Baarooba,

Hibireena'o 11:13

Eboshi bulli mulloon Yeeri toommooch tooꞌiichii, Yeeri gibenikkiti gibenoon daneyaanoon qitiyeete; tunebaani wohooch tuneechii ciinniꞌi emiriyeete. “Hini showee toommooch iibboonaa shiqqoona noone” iꞌi miixeheete.

Hibireena'o 11:9

Yeeri gibenikkaa bi hammiti showooch iibboo tuneꞌi duukkaanooch beehe; ebi Yeeri gibenikkiti gibenoon biinna tookkii qoodeyecho tuneti bi bushoo Yisaaqinaa bi bushoochi bushoo Yaaqobina tookkii shiqqoo tuneꞌi, Yeeri toommooch mullee tooꞌiyoona ebi are showooch kotehe.