Leweenaꞌo 23:32 - Kafa Linguistics Project

³² Ebi ittoshich yaafeeti kashee shambetoone. Are agenee yiixiyinnee qemoobee xumoochee tiijjiree aashirinnee qemoobee xum beddaahaa, kashee shambetoon baaribote. Ebi arooba coomibote” iye.

Leweenaꞌo 23:32 ပူးပေါင်းရင်းမြစ်များ

Nehimi 13:19

Ebiyee gubb, shambetoo giyaan beetaa, showee shimmishimmooch, Yerusaalemi kelleenaꞌo hichemmoyich, wotta shambetoo kechimmi wottoon, boonoshi qecheyaachemmoyich getteho. Shambetee aaboon qiico shaagaa giyeyaachemmoyich, ta shuunechinaꞌoochee ikkikkeenaꞌona kelloon quyiiho.

Shoddo 35:13

Tunebaani ta, boonoshi biiyehooba dookoon tahehoye; coomoona ta ashittinoon niriihoye; ta corooto waayemmon mucceꞌi ta waan wottehe.

Shoddo 51:17

Yeeri deqqemmi deejjoo tiisheti ayaanoone; Yeero, ne, tiishee giisheti mulloon hoxeyaachine.

Isiyaasi 57:15

Beshoo, beshaa beshe oogoo, bulli yemeenoon beeyecho, bi shigo Yaafoo tuneto ishichii beetone: “Damba wohonaa yaafoona tuneti xaaꞌooch beehoye; tunebaani wotta boonoshi qelloon giishiitinaꞌonaa boonoshi mullo tiishetinaꞌona tookkaa beehoye. Ebiyoo boonoshi qelloon giishiitinaꞌon, boonoshi mullo tiishetinaꞌonoo kupphiyoyichiye.

Isiyaasi 61:3

Tsiyoonaa eeppii beetinaꞌoyich, tullee keroon mocee bungee gubbichoon, eeppi keroon emiree zayitoon, ayinii tuummi keroon galletee tahoon, ta immemmoyich taan wochetone; boonoshiyoo bi oogoon boonoshi bekkiyemmoyich, Doono Yeeri bechiti cadiqee mixinaꞌo getteyemminaꞌone.

Leweenaꞌo 16:29

“Ebi ittoshich bulli yemeenee qociyoo tunebe. Shabaattinnee agenee aashirinnee qemooba coomibote. Showee bushoo tuneba ittoshi daggooch beeti shiqqoo shuunoo amoonolla shuunaaye.

Leweenaꞌo 16:31

Ebi aabo ittoshich shambetoochoommon kashee aabo, coomiree ittoshi heechemmi aabo tunebe. Ebiyoo ittoshich bulli yemeenee qociyoo tunebe.

Leweenaꞌo 23:27

“Shabaattinnee agenee aashirinnee qemo Axaaxoo Maariyee Aaboone. Ebi aroo Doono Yeeri taach goyinnoyich ittoshi kiceyemmi yaafeeti aabo tunebe. Arooboo coomibote. Deejjoon qaaqqooch michiree Doono Yeeri taach deejjibote.

Leweenaꞌo 23:31

Shuunoon shuuneyaahote. Ebiyoo ittoshi kotemmi xaaꞌoo aabiichaanona, gubbi ittoshi shiijjeroo bullich, bulli yemeenee qociyoon tunebe.

Leweenaꞌo 23:33

Doono Yeeri Muusich ishichiye:

Maatiyoosi 5:4

Tuummii beetinaꞌo diireetinaꞌone; Yeeri boonoshin goggiyemmone.

1 Qorontoosi 11:31

Tunebaani shiichaꞌa no mulleexi mooyon no xiishito gaata, nalloo no toommooch waataacheshone.

Hibireena'o 4:11

Illa ebi areenaꞌo deꞌa boonoshi getti qayi naboona boonoshi dihitoommon koniyoona bi dihaachemmoyich, Yeeri nooch bi immemmi kashee xaaꞌooch gimoyich kupphebone.

Hibireena'o 4:3

Illa no mulloon Yeeri toommooch tooꞌiiti no, Yeeri no kashemmoyich imma bi gabiti xaaꞌooch giyaabeeto noone. Yeeri tuniiya bi gabiti gaboo alemo halleetoochee tiijjiꞌi ceeno bi tunetaanoona, Yeeri “ ‘Boonoshi kashemmoyich imma ta gabiti showooch ciroona giyaachemminaꞌone’ iyaꞌa kaaroona wogeto taane” bi itoommone.