Leweenaꞌo 22:9 - Kafa Linguistics Project

⁹ “ ‘Qeesheenaꞌo boonoshi tuniyemmoyich ta getteti mooyon tuniibeete. Ebin tuniyoo boonoshi qayigaata, yaafeeti ta doyoon qallayoona axaaxechinaꞌo tuneree qitemminaꞌone. Ta, boonoshin yaafiibeeti Doono Yeeri taane.

Leweenaꞌo 22:9 ပူးပေါင်းရင်းမြစ်များ

Keyo 28:43

Harooninaa bi anaami bushiisheenaꞌona danee duukkaanooch boonoshi giyimmi aaboon woyee Yaafe Xaaꞌoochaa maddeya deejjee gudooch boonoshi giddemmi aaboon, xuꞌoon shuuneree boonoshi qitaachemmoyich, ebi shuroon eddebeete. “Harooninaa gubbi bi shiijjereenaꞌonoyich ebi bulli yemeenee doyoo tunemmone.

Leweenaꞌo 16:13

Taabootee toommooch beeti, axaaxoon maariyee guufoon ciiniree bi qitaachemmoyich, ixaanee cufoo ebi aroon bi qeremmoyich, Doono Yeeri ta aafoochaa ixaanoon qaaqqooch gede.

Leweenaꞌo 16:2

Biichoo ishichiye: “Axaaxoon maariyee guufee toommooch quboona ta danaa beetoyich, ne manoo Harooni bi qitaachemmoyich, maccillaatee maac, Yaafe Xaaꞌeexi Yaafooch, taabootee toommooch beeti, axaaxoon maariyee guufo beetooch, gimoyich bi qaawimmi aabo bullin bi giyaachemmoyich gete.

Leweenaꞌo 18:30

Ebich ta getoon waayebote. Ittoshiyee aaf are showooch koteti asheenaꞌo tuniibee echeti eeꞌe mooyoochee amoonolla, tuniyaahote. Eboshin tuniyoona ittoshi qelloon eeꞌiyaahote. Ta, ittoshi Nuggishoo Doono Yeeri taane’ itone gete” iye.

Haddoo 18:22

Boonoshi axaaxoyich boonoshi echeyaachemmonaa boonoshi qitaachemmonoyich, ebiyee bekk Israꞌeeleenaꞌo danee duukkaanooch katinnaayeete.

Haddoo 18:32

Beshe gaaweton Doono Yeerich ittoshi giddiitoyee gubb, ittoshi maagaata, axaaxecho tuneyaachemmo ittoshine. Tunebaani beshe gaaweto aroochee tiyaan beetaa, ebi wojjoochee mamona Israꞌeeleenaꞌochi yaafeeti wojjoon ittoshi eeꞌiigaata, qitemmo ittoshine’ gete” iye.

Maatiyoosi 23:17

Hini mullaalli wolleenaꞌote! Aachoonaa are aachoon yaafiibeeti yaafee kexonoochee aabi beshiye?

Yibbaatoo 11:1

Muusi Israꞌeeleenaꞌoyich ishichiye: “Illa ebich ne Nuggishoo Doono Yeerin shune. Ne tuniyemmoyich bi qaawiibeeti mooyo bullin, bi qociyoon, bi dojjiti doyoonaa bi getoonon bulli aaboon ceechi quyebe.