Leweenaꞌo 22:3 - Kafa Linguistics Project

³ “Boonoshich ishichibe: ‘Gubbi ne shiijjeroo bulliichee koniyoona eeꞌo tuneechii Israꞌeeleenaꞌo Doono Yeeri taach kichiti, yaafoo tuneti mooyon bi yeshigaata, ebi are asho ta aafoochee kichaa yookkebe. Ta, Doono Yeeri taane.

Leweenaꞌo 22:3 ပူးပေါင်းရင်းမြစ်များ

Iziri 8:28

Tawoo boonoshich, “Ittoshiyoo Doono Yeerich yaafeeto ittoshine; qiiceenaꞌoo yaafeetinaꞌone; hini aachoonaa birewoona ittoshi qaabbechinaꞌochi Nuggishoo Doono Yeerich mullee daaggoona icheti wojjoone.

Shoddo 16:11

Kashee gommon taach bekkiyemmo neene; ne aafooch ceeni emiroo, ne qannoochoo bulli yemeenee emiroo beetone.

Shoddo 51:11

Ne aafoochee taan wokkiyaahine; ne Yaafe Ayaanoon ta waanee daammaahine.

Keyo 30:33

Shaahii shuunemmo woyee qeesheenaꞌoyee besh bare ashi ashittinooch huuttimmo koniyoona bi asheenaꞌo daggoochee kichaa yookkebe” iye.

Leweenaꞌo 22:2

“Yaafoo tuneti ta shigoon boonoshi giishiyaachemmoyich, Israꞌeeleenaꞌo taach kichiibeeti, yaafoo tuneti mooyon gaawichiree boonoshi yechemmoyich, Harooninaa bi bushiishoonoyich gete. Ta, Doono Yeeri taane.

Haddoo 19:13

Ashi dubenoon yechimmo koniyoona bi ashittinoon xalliyoo bi qayigaata, Doono Yeerichi yaafee duukkaanoon eeꞌiyemmone. Ebi asho Israꞌeeleenaꞌo daggoochee kichaa yookkebe. Xalliibeeti aacon bi toommooch wuciyoo bi qajjitoyich eeꞌoone. Bi eeꞌittinoochee xalleyaanoone.

Maatiyoosi 25:41

“Arooba yooche badd beetinaꞌoyich ishichemmone: ‘Hini uppeetinaꞌote, daabiloosinaa bi maraakeenaꞌonoyich qanniti bulli yemeenoon tahaani shiweree qaaqqooch ta waanee hambote!

2 Tasaloonqi 1:9

Ebiyoommi asheenaꞌo Doono Yesuusi aafoochee, bi giidee oogee yiiroocheenoo bariree bulli yemeenee aalloona xuuxemminaꞌone.