Leweenaꞌo 22:19 - Kafa Linguistics Project

¹⁹ Doono Yeeri ta ittoshi deejjoon deqqemmoyich, bachaalli wuron woyee bagee baaddoon woyee emmishee baaddoon deejjibe.

Leweenaꞌo 22:19 ပူးပေါင်းရင်းမြစ်များ

Keyo 12:5

Ittoshi qanniyemmo bagee baaddoon woyee emmishee baaddooniye; tunebaani bachaalloonaa ikke nati baaddoona tunebe.

Leweenaꞌo 1:10

“ ‘Uro micciibeeti deejjoyich bi giddiibeeto, bagoon woyee emmishoon bi tunegaata, bachaalli baaddoo tunebe.

Leweenaꞌo 1:2

“Israꞌeeleenaꞌoyich ishichi gete: ‘Ittoshi daggoochee koniyoona bi gijjoochee deejjoon Doono Yeeri taach bi giddiigaata, bi miimoochee woyee bi bagoonaa emmishoonoochee giddiibe.

Leweenaꞌo 1:3

“ ‘Deejjoon bi giddiibeeto, micciibeeti deejjoyich bi miimoochee tunegaata, bachaalli wuron giddiibe. Doono Yeeri ta deqqemmoyich, danee duukkaanee kelloochaa giddiibe.

Leweenaꞌo 21:18

Bache mooyo bi achooch beeto, ebiyoo aaf doogo woyee baata sheqqo woyee halla gondo woyee shappe quumecho,

Leweenaꞌo 4:32

“ ‘Ebi uro bagoon bi axaaxee deejjoyich bi giddiigaata, bachaalli bageen giddiibe.

Maatiyoosi 27:24

Phelaaxoosiyoo hukkoon tiijjoyee beshetaa amolla gaacaallo bi tunoon beeggiꞌi, “Hini uroochi damoochee ta xalloo taane; ittoshi, ittoshi qelloon ariibote!” iꞌi dofee asheenaꞌo aafoochaa aacon tiijjii bi kishoon machehe.

Maatiyoosi 27:4

“Xalle uroon qitoyich beshii ta immetoyich, xuqqeto taane” iye. Boonoshiyoo “Noon amo qaaqqiye? Aroo ne qelli mooyone” iyeete.

Maatiyoosi 27:54

Areegaata balle ginee iraashoonaa biinna tookkii Yesuusin quyee beetinaꞌona showee qewoonaa tuneti mooyonon beeggiꞌi, “Iberoon hini uro Yeerichi Bushoone!” iꞌi oogichii shattiyeete.

Luqaasi 23:14

boonoshich ishichiye: “ ‘No aagetoon hukkecho tuniiya koccii beetone’ iꞌi hini uroon ta waan deebiyote. Ebiyoche, ittoshi aafoochaa wochaa wochaꞌa ta echetaa, biin ittoshi taggeti mooyoyich hini uro toommoochee ikke gondoonona danetaano taane.

Luqaasi 23:41

No, no shuunooniye no deqqaabeeto; ebich no toommooch nalleeti nalloo tatoone; tunebaani hini uro bi shuuneti gonde mooyo amolla aalloone” iꞌi noggehe.

Luqaasi 23:47

Areegaata balle ginee iraashoo ebi tuneti mooyon beeggiꞌi, “Hini uro iberoon cadiqoone” iꞌi Yeerin oogiihe.

Yowannisi 19:4

Phelaaxoosi wochinnoon maaxooch kechiꞌi boonoshich “Bi toommooch amee gondoonona danee ta qayon ittoshi ariyemmoyich, biin maach ittoshich kichemmo taane” iye.

2 Qorontoosi 5:21

Kiristoosicho no tunoona Yeerichi cadiqoo no toommooch bi tunemmoyich, axaaxoon shuunee ariyaano toommooch Yeeri no axaaxoon shaakkiihe.

Efesooni 5:27

Bi yaafitoo, kiinechi woyee qillifa gonde woyee ebin shaahe gonde mooyo bi waan daneyaani, yaafoonaa bachaalloona tuneti oogee yiirechi kittinnee guuphon tuniiꞌi bi waan giddiyoyichiye.

Yibbaatoo 15:21

Tunebaani ebi gijjoo baata sheqqo woyee aaf doogo woyee bachiti mooyo amolla bi achooch beeto bi tunegaata, ne Nuggishoo Doono Yeerich deejjoo tunii giddiyaahine.

Hibireena'o 9:14

kiinaallo tuneꞌi bulli yemeenoon beeyemmi Yeerichi Ayaanoona bi qelloon deejjoo tuniiꞌi Yeerich giddiiti Kiristoosichi damoo aabichiree beshoon beeyechi Yeerich no maddemmoyich, qitoo tuneti shuunoochee no mulloon xalliyemmo tunehe!

1 Pheexiroosi 3:18

Ebiyoommon Kiristoosi Yeer waan noon giddiyoyich, bi qelloona bi cadiqo tuneebee, hukkechinaꞌoyich ikke wottoon ashi axaaxee naboona xuuxoon beeggiꞌi qititone; meenona qitiye; tunebaani ayaanoona beeyechon tunehe.