9 “ ‘Qeeshoo bushee yahechi tunaꞌa bi qelloon bi giishiigaata, bi nihoon giishiitine. Ebich qaaqqooch gokkebuye.
Keejje agenoyee gubb asheenaꞌo, “Ne bushoo mechee Tamaari qocoo gondetine; caaraꞌa xifetine” ii Yihudich gettiyeete. Yihudiyoo “Katemoyee maach ittoshi kichaa, qaaqqooch gokkebu” iye.
“ ‘Ittoshich yaafoo bi tunetoyich, shambetee aaboon quyebote. Ebin shaaddemmo koniyoona qitibe. Arooba shuunoon shuunemmo koniyoona bi asheenaꞌo daggoochee kichaa yookkebe.
Tsiyoon beeti axaaxechi asheenaꞌo shattiyeete; Yeerich qeyaaneenaꞌo qeweheete; boonoshiyoo “No daggoochee michiibeeti qaaqqee daggooch beemon hakkemmo konine? No daggoochee bulli aabooch michiibeeti qaaqqoona tookkii beemon hakkemmo konine?” iyeete.
Geenoon tuneba gurimaashoon, gidiideenaꞌon tuneba bushiisheenaꞌon, maacheenaꞌonoo wuxibote; tunebaani boonoshi toommooch malletoo geddetinaꞌochi achooch shaggaahote. Ta yaafee kexoochee wonnibote” iye. Ebich yaafee kechi aafooch beeti ogoogeenaꞌoochee tiijjiꞌi wuxooch giyiyeete.
“ ‘Yahechinaꞌo boonoshi tunemmoyich tuniyoona ne maache bushiisheenaꞌon giishiyaahine. Ebin ne tuniigaata, showoo yahoonaa oogeti gonde mooyona ceennemmone.
“ ‘Ikke asho, busheenaa indeenon bi shaagigaata, ebi oogeti gonde mooyone. Ittoshi daggooch ebiyoommi gonde mooyo bi beetaachemmoyich, boonoshi bulli qaaqqooch gokkebeete.
“Ittoshi shiijjereenaꞌon sheeremmo taane. Deejjoyich ittoshi giddiiti gijjeenaꞌochi xabeꞌoon ittoshi aafooch huuttemmo taane. Ebi are xabeꞌoona tookki hami duppeyemmo ittoshine.
busheen bi nihoochi kechi kellooch daamiree are bi beeti katemeexi asheenaꞌo xaqqoona yexiree wuxibeete. Ebiyoo batt bi nihoo kexooch beechaa, shunee mamona Israꞌeeleenaꞌo daggooch yeelloon bi deebetoyichiye. Ebin tuniyoona, ebiyoommi gonde mooyon ittoshi daggoochee wokkiibote” iye.
Kittinnee guuphi geeno tunemmi asho, gonde mooyona oonneyaano, ikke mechecho, boonoshi mulloon Kiristoosi toommooch tooꞌiiti, wotta gonde qocoonaa wochee waayee qayona taggeyaani bushiishecho tunebe.
Ebi timeeti mooyo bi waanee danemmi asho, Doono Yeeri ta wogoon bi shaaddetoyich, Israꞌeelee daggoochoo yeelliiti mooyon bi tuniitoyich, biinnaa biicho tuneto bullina qaaqqooch gokkemmone’ gete” iye.
Yaasiyoo “Ebi shaahe iritoon amoyich no toommooch deebenne? Ebeege, hanaach ne toommoochoo Doono Yeeri iritoon deebemmone” iye. Aroochee Israꞌeeleenaꞌo bulli Akaanin, bi kechi asheenaꞌonaa bi gijjeenaꞌonon xaqqoona yexxii wuxiyeete; qaaqqoonoo goggiyeete.
Eeli bushiisheenaꞌo axaaxoo Doono Yeeri aafoochaa ebi shaahoon oogeti maggoo tunetone; ebiyoo Doono Yeerich giddeebeeti deejjoon boonoshi qallayii beetoyichiye.
“ ‘Ne gutte bushiishoo Hoofininaa Finihaasina toommooch shaggemmo neech malletoon tunemmone. Boonoshi gutti ikke areddoon qitemminaꞌone.