Leweenaꞌo 21:5 - Kafa Linguistics Project

⁵ “ ‘Qeesheenaꞌo eeppii muushenetinaꞌo boonoshi tunoon bekkiyoyich, boonoshi qelloon cakkaayeete; boonoshi ishaanee goconoo maachaayeete; boonoshi achoon gari shettaayeete.

Leweenaꞌo 21:5 ပူးပေါင်းရင်းမြစ်များ

Isiyaasi 15:2

Diibooni asheenaꞌo eeppa guudi toommeexi boonoshi yaafee kexooch hammemminaꞌone; Moꞌabee asheenaꞌo boonoshi katemeenaꞌo Neebinaa Medeebinoyich shooshe eeppemminaꞌone. Boonoshi qelloonaa boonoshi ishaanoonon cakkemminaꞌone;

Isiyaasi 22:12

Arooba Beshe Mawe Nuggishoo Doono Yeeri, qelloon cakke dookoon taheree, eefi ittoshi cookemmoyich ittoshin ceeggitone.

Erimiyaasi 16:6

Gaannechinaꞌonaa girechinaꞌona hini showoochaa qitemminaꞌone; duukkeyaachemminaꞌone; koniyoona boonoshich eefaachemmone; bi achoonoo garaachemmone; boonoshichoo qelloon cakkeyaachemmone.

Erimiyaasi 48:37

Bullichi qello cakkemmone; ishaanoo maachemmone; kishoo kocheyemmone; shimetoo dookoon eddemmone.

Hiziqeeli 44:20

“Qeesheenaꞌo boonoshi qelloon cakkaayeete; boonoshi qelloon qamichi maachebeetani dichaayeete.

Hiziqeeli 5:1

Doono Yeeri ishichiye: “Ashi bushoocho, aci goraadoon daamiree appoona cagoommon ne qelloonaa ne ishaanoonon cage; ebi qelloonoo machoona qociree keejj beera qoodibe.

Leweenaꞌo 10:6

Muusiyoo Haroonich, bi bushiisheenaꞌo Elazaarinaa Itamaarinoyich ishichiye: “Ittoshi qitaachemmoyich, asheenaꞌo toommoochoo kaaree shiixxoo kindaachemmoyich, ittoshi qelloon shiimoon qajjaahote. Ittoshi tahoonoo keexxaahote. Tunebaani ebi Doono Yeeri deejjiti qaaqqoona qititinaꞌoyich, ittoshi maneenaꞌo tuneti Israꞌeeleenaꞌo bulli eefeete.

Leweenaꞌo 21:4

Naacheꞌi bi xibetinaꞌoyich bi ashittinoon eeꞌiyaaye.

Amootsi 8:10

Ittoshi emiree baaroon eefooch, ittoshi duubonoo shooshooch wochemmo taane. Qelloon cakkeree dookoon ittoshi tahemmoyich tuniyemmo taane. Ikke mixxe boonoshi bushoyich nihoonaa indeena eefoommon eeppeebeeti aabo tunemmone. Ebi arooba mooyo bulli ciirooch beddaahaa, caammito tunemmone” itone.

Mikiyaasi 1:16

Yihudee asheenaꞌote, ittoshi bushiisheenaꞌo kecceyemminaꞌo boonoshi tunetoyich, ebi ittoshi shuni bushiisheenaꞌoyich eefoyich ittoshi qelloon maachebote; xooroochoommon ittoshi qelloon hulloo tuniibote!

Yibbaatoo 14:1

Muusi Israꞌeeleenaꞌoyich ishichiye: “Ittoshi Nuggishoo Doono Yeerich bushiishoo ittoshine. Ebich qititi ashich ittoshi eeppii beegaata, ittoshi achoon gari qoccaahote. Ittoshi qelloonoo cakkeyaahote.